NAUPAI LAI TAN

KA VEI ZAWNG (NAUPAI LAI TAN):

Source : By Dr PC Lalramhluna ( tetea )MBBS  ,  MS(GYNAECOLOGY) Consultant Gynecologist , Aizawl hospital and Research Centre , Khatla.

1. ULTRASOUND :
Nau pai tantirh, thla 3 tlin hmain ultrasound tih ngei  ngei tur ani. Phir, naute lungphu awmlo , nauchhiat, chikawng a naupai,  nau pangngai pailo a utawk tui pai chi ( molar pregnancy), naute thla  zat hriatna leh neih hun(edd) hriat nan, rai laia chhul leh chikawng a  bawk awm etc te hriat nan ultrasound hi tih ngei ngei tur ani. Naute alo  len hnuah leh neih dawn hnaih ah phei chuan nau hlam fual (placenta  previa) , tui paitam leh tamloh , nau than that leh that loh , nau  piansual leh piansualloh etc en nan ultrasound hi tih ngei ngei tur zawk  ani a , naute tan himlohna a awm lo bawk.

2.NAU SIAM REM THIAM  KHAWIH TIR LOH TUR :
Nau pai laiin naute hi atheih hram chuan Specialist  te enpuina leh ultrasound guidance lo chuan siam remloh tur.Nau  hlam(placenta) an khawih kau palh anih vaih chuan chhul chhung ah thiput  a siam thei a, tin naute in a laihrui a lo awrh palh anih chuan a  nghawng ah a in rek na thei a , naute thihna hial athleng thei . Nau pai  fual kan tih tam zawk hi chu chhan tam tak zing ah nu naupai an hahdam  tawk loh vang te , rit an chawi nasat vang te leh zun kawng hnai nasat  vanga taina awm te ani duh ber.

3.NAU VEI CHAWP TIR :
Nu  tam takin nau vei chawptir hi an hlau tih kan hria, amaherawh chu a  hlauhawmlo a a him em em zawk ani. A chhan chu doctor venpuina lo a  mahni vei vei a vei chuan naute in hlam ek alo ei palh thei a, tin a  neih hun a lo pel thu lutuk thei bok a , a pawi bik em em ani. Tin,  chhul kawngka in hawng tha theilo leh in hawng har chi a awm a ,  chutiang case ah chuan nau veina dah hian chhul kawngka in hawng tur  nasa takin a pui zawk ani.

4.NAU NEIH AWLNA EILOH TUR :
Nau neih awlna heng sakuh pumpui ei ,saphai thau a zut etc hi hman  miahloh tur ani.Khing thilte khian nasa tak a chhul tițangin nau chu  aneih hma tir ngei a , mahse chhul a tih țan nasat em  a vangin naute a  hmet chau a, naute lungphu diklo nasa,naute hlam ek ei, nau zai chhuah  ngai etc a tam phah em em a ,hrechiang duh chuan  Aizawl civil hospital  labor room nurse te zawt ula hetiang case hi tam tak an lo hrilh thei  ang che u.

5.NAU NEIH AWL NAN A EXERCISE LAK:
Nauneih dwn  hnaih a exercise lak hian awmzia anei thui lem lo. Nauneih pangngaia  nei tur chuan kumkuruh (pelvis) leh chhul kawngka (cervix) tha tak a  neih angai a, exercise lak avangin kumkuruh thalo (zim) kha a rawn thain  a rawn zau ngawt theilo tih hriat tur. Exercise lak nasat lutuk phei  chuan serh a tanga tuiput leh thiput ,  ahun hma a nauvei a thlen thei  tih hriat atha.

6.EMERGENCY:
Naupai laiin hetiang thil i chunga a thleng a nih chuan rang takin doctor hnen ah emaw damdawiin hnai ber ah kal vat tur.

1.serh atanga tuiput.
2.serh atanga thiput.
3.pum na / taina nasa.
4.naute chelo.