CITIZENSHIP AMENDMENT BILL 2016
CITIZENSHIP AMENDMENT BILL BIHCHIANNA
– Dr. Joseph K. Lalfakzuala
(jzuala@yahoo.com)
Sorkar laipui chuan a duh ang ngeiin The Citizen (Amendment) Bill, 2016 (CAB) chu Lok Sabha-ah kaltlang puiin, opposition party-te nawrna nasa tak hnuaiah Rajya Sabha-ah chai chhoh leh tum mek a ni. The Citizenship Act 1955 kan en chuan India khua leh tui nih theih dan chi sarih (7) a awma, a parukna (clause 6) Citizenship by Naturalisation hi tun tuma kan chai ber chu a ni.
- A laimu ber chu kan hriat theuh angin, he Clause hnuai bikah hian India Khua leh tui nih theihna dan her danglam leh belh niin, India thenawm Muslim ram pathum Afganistan, Bangladesh leh Pakistan-a sakhaw tenau zawk – Hindus, Sikhs, Buddists, Jains Parsis leh Chirstian–te, sakhuana avanga tuar leh tawrh hlauh vang India rama December 31, 2014 zanlai hmaa awm tawh tana India khua leh tui awlsam taka nih theih nana duan a ni. He Dan chungchang leh a nghawng theih tur tawi tein han zir chiang ila tha awm e:
1. CAB tana hmalakna : CAB hi Lok Sabha-ah July 19, 2016 khan pharh a ni a, mahse sawiselna nasa tak karah siamthat leh ennawn turin Dr. Satyapal Singha chairpersonna hnuaiah Joint Committee August 2016 khan sorkar laipui chuan a din a (Lok Sabha atang member 20 leh Rajya Sabha atang 10). Chairman hi Union Minister atana ruat a nih leh tak avangin, a aiah Rajendra Agrawal, RSS pachal, Meerut (UP) MP chu December 25, 2017 khan Chairman atan ruat a ni. A tira ruahman dan chuan, committee hian 2016 Parliament thlasik thutkhawm, kar tawp ber nikhat ni-ah Report thehlut turah tih a ni a, mahse, dona leh selna karah chutiang maia kaltlang pui theih a ni lo tih sorkar pawhin hriain, vawi ruk teh meuh report thehluh hun pawh a sei sak.
Committee hian ngaihdan hrang hrang ziakna Memorandum 9267 mimal leh pawl hrang hrang atangtein a dawng bawk a. Joint Committee hi vawi sawm leh pali thukhawmin, member mai bakah sorkar laipuia ministry pathum – Home, Law & Justice leh External Affairs mithiam ten an tawiawm thin a, state thenkhat ngaihdan lak a ni bawk.
A hmun ngei a thil awm dan zirchian nan (study visits) : Jodhpur (Rajasthan, 10-20 Dec, 2016), Ahmedabad leh Rajkot (Gujarat, 18-20, April, 2017) leh Guwahati, Silchar leh Shillong (Assam & Meghalaya, 7-11 May, 2018), committee member ten an tlawh.
A hmasa pahnihah te khian India rama rawn pemte an kawm a, CAB pawhin thlawp a hlawh hle. Guwahati leh Shillong erawh dodalna (abikin Guwahati) ziak leh tawngkain an lantir a ni. Silchar lam erawh Bengali pawlin pawl dang hliah khuhin
he bill an duhna an lo thlen ve thung a ni. Committee chuan a thutkhawm hnuhnung ber leh vawi sawm leh palinaah, January 3, 2019, khan report chu pawmin Parliament-a tlangzarh turin a thehlut ta a ni.
2. Committee hian thlei bik a nei em : Sorkarin committee a din reng rengin Sorkar duh dan ti puitling turin a din tlangpui thin a. Chu committee chuan sorkar duh dan loa report a siam chuan, committee report kha a dintu sorkar khan a pawm lo a nih loh vek pawhin, tlangzarh loin a ti khawtlai reng thin. Chutiang bawkin CAB ngaihtuah tura Joint Committee sorkar laipuiin a din nachhan ber chu he bill hlawhtlinna tura hmala turin a ni. An hmalakna turah chuan, abikin bill dodaltute inremsiampui emaw, a dodaltu aia duhtu/tantu an tam zawk theih nana hmalak tur ni berin a lang. Committee member ruatah pawh BJP tamna zawk Lok Sabha atang BJP MP 11 awmin, Rajya Sabha lam atang chuan MP 2 chauh ruat an ni thung.
Kan hriat tur erawh chu, Committee (Parliament) ruat reng rengah hian member tam dan azira teh leh ruat thin a ni. Hmarchhak state ho zing atang chuan Assam MP-te chuah ruat an niin, Lok Sabha atang BJP MP pahnih leh INC (Silchar) MP pakhat te ruat an ni. Rajya Sabha atangin INC pakhat a tel bawk.
Chutiang bawkin JPC in state sorkar a rawn pawhin Assam sorkar chauh Hmarchhak states atangin a rawn a. State sorkar a rawn ho paruk (Assam, Bihar, Gujarat, Jharkhand, Maharastra, West Bengal) zinga pakhat, West Bengal chiah hi BJP tellohna sorkar awmna a ni bawk. West Bengal hi chu he bill hian a nghawng nasat ber tur zing ami a nih avangin loh theih loha telh niin a lang.
Thil chiang tak chu, West Bengal tih loh, state dang panga-te hi chuan sorkar laipui thu leh hla hi na takin an kalh a rinawm hran lo. Chutiang zelin, JPC an thutkhawm hian ‘non-official witnesses’ angin – mimal, pawl, adt., sawm thin an ni a. Hmarchhak atang chuan Assam leh Tripura-a pawl awmte chauh an tel thin a ni. State dang a mite sawm an ni ve ngai lo niin a lang. Sawm se chuan an ngai pawimawh ngei bawk ang. An ni state pahnih bik hi chuan India thenawm ram atanga rawn pemte avanga an tawrh mek hi tuna CAB hian a rawn belhchhah sak dawn niin an ngai a, ram leilungfate chuan an dona thawm pawh thuneitute ngaihmawh tham khawpin an siam reng a ni.
3. CAB leh Hmarchhak : CAB hi pawm a nih chuan, hun lo la kal zel turah ram leilungfa ten ‘mikhual chamrei’te avanga kan tawrh mekna hi a belh chhah dawn niin ngaihna lian tak a awm. Amaherawhchu, state tina ram leilungfa ten nasa taka an do mek laiin, thendarhna (partition) avang leh a bik takin Bangladesh pian avanga tuar, Muslim sakhaw be lo, a bikin ‘Bengali Hindu’ chuan an thlawp lo thei bik lo a ni. State anga do na ber Assamah pawh, Brahmaputra valley leh Barak Valley ang zawngin an inthen phawk ti ila a sual awm lo e. Tripuraah lah ni se, a tlem zawk ramleilungfa te authawm aiin, thuneihna leh hamthatna changtute a ramleilungfa nilo ten an thlawp hle a ni. State dang te erawh hi chuan kan duhlohna leh donate lan tir mah ila, engemaw chenah ramleilungfa ten thuneihna kan la ken avang leh India constitution hnuaiah inhumhalhna dan kan neih avangin himah kan la in ngai rih nite pawhin a lang. Mahse, India Constitution hnuaia hnam tlem zawkten inhumhalhna dan kan neih, Sixth Schedule leh Article 371, leh CAB hi chu thil hrang hlak a ni a. ILP pawh hi innghah ngamna a ni chuanglo. ILP hi chu India khua leh tui tana siam zawk a ni.
India ramah khawi state mah hian citizenship chungchangah thuneihna a nei lo. Heng kan dan lo neih sa hmang te hi chuan pawm lam atanga min rawn nektu eng emaw chen chu kan dang thei ngei e! sakhuanaahte, ram neih dan chung changahte, culture thilahte..adt. Mahse, khua leh tui nihna leh a kaihhnawih hrim hrim hi chu Parliament thuneihna bil ni turin Constituent Assembly khan India danpuiah dahin, Article 11-ah chiang taka ziahlan a ni. Khua leh tui humhalhna leh ramdang mi (foreigner) khuahkhirhna chungchangah hian Assam phei chu an lo buai rei hle tawh a ni. Assam Movement(1979-1985) hial a chhuah phah a nih kha. Chuvangin, Assam Accord-ah pawh ramdang mi (foreigner) chungchanga hmalak dan khauh zawk tur siam a nih mai bakah, the Citizenship Act, 1955 pawh 1985 khan tihdanglam (amend) niin, Assam tan bika hman tur, ramdang mi India khua leh tui nih theihna dan telh (Clause 6A) a ni.
Hemi an dan neih sa hi CAB hian a khawih danglam dawn nia ngaiin, CAB in Lok Sabha a paltlang phat atang khan, Assam (Brahmaputra valley lam bik)-ah chuan na takin an do nghal a ni. Mimal leh pawl angin, party (BJP leh BPF telloin) leh sakhua sawiloin an duhlohna kawng hrang hrangin an lantirna kal zelah an mi challang tak tak pathum – Prof. Hiran Gohian (scholar), Akhil Gogoi (activist) leh Manjit Mahanta (journalist) te chuan ‘Independent Assam’ thleng sawi langin ‘sedition case’ awrhtir mek an ni.
Lehlam atanga thlir chuan, Assamese-te chu hmarchhakah bik chuan, ramleilungfate zingah a lu nung pawha tam filawr lak, sakhuanaah Hindu niin he dan hi duh ber awm tak an nih laiin, a do na ber an ni lawi si. Mahse, an dikna leh chanvo tura an dah, pawn lam mia an ngaih ten an chhuhsak nasat tawh avangin an hnamin a tuar mek niin an ngai nghet hmiah a. Chutih laiin, harsatna tam tak paltlang hnu ah Supreme Court hmalaknain NRC kalpui mekah beiseina sang tak an neih laiin, boruak thalo zawkin a rawn chiah zui hian, natakin an do zel dawn niin a lang. Hemi kawnga an tanrualna hi hnamdangte pawhin kan entawn a tha hle mai.
4. CAB hi India Constitution innghahna ban (basic structure) kalh a ni : CAB Parliament-a pharh a nih khan, opposition party ten an do chhan ber chu, India khua leh tui nihna hi sakhuana nena kaikawp tir duh lohna vang a ni. India danpui Article 14 (Right to Equality) nen pawh a inkalh tlat niin opposition ho chuan an ngai.
Article 14 chu heti hian a hrilhfiah theih awm e – “India ram chhungah tu pawh (Citizen ni loin, ‘any person’ a hmang) dan hmaa intluktlanna emaw humhimna angkhat pekna kawngah Ram (State)-in thleibik a nei tur a ni lo”. India ram hi kan hriat theuh angin ami cheng zaa sawmriat vel hi Hindu sakhaw bia an ni a, Hindu vote bank siam hi tuna central-a kan hrawn mek BJP-te tum ber pawh a ni. Chutih lain Hindu pawl hrang hrang; a bikin RSS te phei chuan Hindu lalram siam hi an tum ber a ni bawk.
India ramah chuan political party tan Hindu sakhaw bia-te tih lungawih loh chu mahni thlan lai tluk ni mah se, India (Modern India) ram din dan hi kan thenawm Muslim ramte angloin sakhaw tih bik neilo (secular democracy) a ni. Opposition party mai bakah NDA-a awm party tam zawk pawhin he hi an do tlat nachhan pawh a ni. Hmarchhak bikah phei chuan NDA/NEDA-a awm party thenkhat chu an in hnukdawk tawh a ni.
BJP erawh an innghahna ber Hindu vote tello chuan eng rua ni dawn loa an inngaih avangin he dan kal tlangpui hi an thupui hle. An manifesto-ah pawh telhin, January 3, 2019-a Silchar-a campaign a neihnaah PM pawhin chiang takin a sawi a nih kha. Tun hnaiah phei chuan, Hindu sakhaw bia tamna, Hindi heartland-ah pawh, election-ah an chak thei tawh lo nen, a kaw tawpah tan an la hi thil mak a ni hran lo. Chubakah, Hindu tana thahnem an ngai uchuak pawh hi mak tih tur a ni lem lo. Eng party pawh sakhuanaa innghat a nih chuan, kha sakhaw vulh len kha a bat a ni ve. Thil pawi ta ber erawh chu, CAB 2016 hi sakhuana hmanga thleibik neihna atana, dan puitlinga siam a nih chuan, hun lo la kal zel turah rah thalo a chhuah ngei dawn a ni. Hnam tenau leh Hindu sakhua be ve lo tan a hlauhawm telh telh dawn niin a lang. CAB hi chik taka kan ngaihtuah chuan Christian tih loh chu Hindu leh Hindu sakhaw bia ten an pawm sakhuate an ni. A hmingin Christian hi chu hmai phih nana an telh ve mai mai niin a ngaih theih awm e.
India hmarchhaka RSS hmalakna kan en phei chuan tribal-te hnena Kristian thurin a darh zel loh nan, an pipute sakhua ‘tribal religion’ nasa takin chawi nun leh an tum mek hi hmuh hmaih chi a ni hauh lo. He an hmalaknaah hian Kritiante hi hnawk an ti hle reng a ni. Chuvangin he dan siam tum dan hian India danpui a kalh mai bakah hnam tenau tan a
hlauhawm avangin kan do tlat tur a ni.
5. Mizo hnam tan a him em?
A himlo. Mizo te hian hnam anga kan indinnaah hian hun harsa leh hautak zet mai hman ata tawh kan la zawh chho mek zel a. British in min awp khan, an inrelbawlna a awlsam zawk nan, kan hnam tana pawi tak ramri (boundary) min kham sak a, chu ramri chu India independent hnuah pawh hman a la ni ta zel a. India hnuaiah pawh state hrang hrangah awmin, theih tawpin inrelbawlna pakhat (Greater Homeland) hnuaia awm turin hma la mah ila, tun thleng hian a la hlawhtlinglo a ni. Chutih karah kan inunauna tichhe zawng leh ti darh zawnga thil a lo awm hian, party leh pawl ruihchilhin mahni tanghma hai nan kan hmang awllo thin hi a pawi hle. Kan unau kan thisen zawmpui state danga awmte phei chu kawng hrang hranga nek chhepin an awm mek a, Mizoram hi an zalenna tur a nih vei nen, heng kan unaute ai hian ramdang atang rawn pem inbengbel tate hi an huaisarin an tlangnel tawh zawk a ni.
Ngaihdan tam takah phei chuan CAB hi dan puitlinga siam a nih chuan, heng ‘khual cham rei’ tia mi tam takin kan sawite tan hian a tangkai ber dawn niin a hriat.
Tun dinhmunah chuan Mizoram ngei pawh kan nih tur ang chu duhlo hle mah ila kan ni chho mek zel a, mahse kan hmalam hun lo awm tur atan tal hi chuan kan thanharh a, kan tanrual a ngai a ni.
Thil pakhat pawimawh leh deuh mai chu; hmarchhak state Myanmar nen inrite tan hian a pawi leh zual thei em? tih hi a ni. Mizote ngei, kan unau Myanmar lama cheng, chhulkhat chhuak sakhuanaah pawh Kristian thurin pawm tlatte hi he dan siam tur hian a huam ve tlat lo. Chik taka ngaihtuah phei chuan, ‘Kan Sorkar laipui hrawn mek hian thil, awmze nei takin a kalpui’ a tih loh theih loh a ni. Mizote, Nagate, Arunachalee-te, adt. hi kan unau tam tak, kan thenawm ram, Myanmar leh China-a awm, kan chipuite nena kan inpawh zelna turah nghawng thalo tak a nei dawn em tih hi ngaihtuah tham a tling.
Thuneitute ngaimawh leh duh ber chu Hindu leh a khaihhnawih sakhaw biate he dan hmanga hamthatna pek thuai hi a ni ber a. A hnam anga kan tawrh mai bakah sakhua ang pawha kan tana thalo a nih vangin, kan pawl neihte leh sorkar hmalakna piah lamah kan sakhaw hruaitute thlengin hma nasa taka an lak a ngai niin a lang.
A tawp berah chuan, Mizo hnam politic hi chu – party politic atanga kan thliar hran thiam chhoh zel a ngai a ni. Kan hnam a him loh chuan, engti zawng mahin kan party, kan Kohhran, kan hnam bil, adt. hi a him dawn chuang lo. Tun tumah pawh hian Mizo te hi kan tanrual a, party emaw chibing zawnga hlawkna lo zawn i tumlo ang u. Hmalaknaah kan tel ve thei lo emaw, kan tel duhlo a nih pawhin, hmalatute kawng daltu ni lovang u. A tir te atanga MZP-te hmalakna hi I hmuh hmaih lo bawk ang. An phak tawkin an do va, mipui vangtlangin a hlauhawm zia kan hriat nan aw pawh an chhuah bawk. Tuna Joint NGO anga hmalakna hi i thlawp tlat bawk ang u. CAB 2016 hi India danpui (Constitution) leh a innghahna lumphum (secular democratic) kalh tlat a nih avangin a tawp thlengin I do zel ang u.
TOTAL BANDH NEIHNA CHHAN TUR TE:
1. The Citizenship (Amendment) Bill, 2016 in a a tum berte chu:
Hindu, Sikh, Buddhist, Jain, Persi emaw Christian mi leh sa te Afghanistan, Bangladesh leh Pakistan chhuak te tan India khua leh tui a nih theih dawn a ni. Sakhaw behchhana Citizen nih theihna tur Bill a ni ber awm e.
2. The Citizenship (Amendment) Bill 2016 hi Indian Parliament a pass a nih chuan Afghanistan, Bangladesh leh Pakistan atanga India- a lo lut heng; Hindu, Sikh, Buddhist, Jain, Persi emaw Christian emaw te chu tun hma anga man a jail a khung a thawn haw tur ni tawh lovin kum 6 chhung India ah an lo awm tawh a nih chuan India khua leh tui nihna pek tawh zawk tur an ni.
3. The Citizenship (Amendment) Bill, 2016 hi Indian Parliament ah pass tum a ni a, India-a hnam hrang hrang te hian he bill hi kan duh lo tlang hle a ni.
4. The Citizenship Amendment bill, 2016 hi Indian Parliament a pass a nih chuan keini Mizoram tan phei chuan a hlauhawm zual em em mai a, Bangladesh atanga dan lo a lo lut Chakma foreigner te hian awlsam takin India khua leh tui nihna an nei thei dawn a. Tuna Chakma Foreigner thahnem tak awmsa te pawh hian awlsam takin India khua leh tui nihna an nei nghal dawn a ni. Mizoram ah pawh NGO Coordination committee kaihhruaina hnuaiah All Political party leh Joint NGO pawh in duhlohna lantir a ni tawh a hemi chungchangah hian Memorandum in ang tlang thehluh a ni tawh nghe nghe a ni. Mizoram ah phei chuan kan ram rorelna sang Assembly House ah pawh The Citizenship Ammendment bill, 2016 duhlohna resolution pass a lo ni tawh bawk a ni.
5. He bill hi NESO angin duhlohna nasa taka lantir a ni tawh a, North East State thenkhat ah chuan Sorkar ang pawhin duhlohna lantir a ni tawh a ni. North East State te hi he bill hi pass a nih chuan a tuar ber tur kan ni a, Mizoramah chuan Chakma (Buddhist) te an lo lut tam a, Chakma Foreigner zawng zawng awmsa hi Mizoram khua leh tui nihna pek nghal a ni dawn a ni.
6. The Citizenship Amendment Bill, 2016 hi Indian Parliament a pass a nih chuan kan sakhua(Kristian) pawh hian nasa lehzualin nekchepna a tawk dawn a ni.
7. The Citizenship Amendment Bill, 2016 hi Indian Parliament a pass a nih chuan kan dan neihsa thahnem tak hi amend that leh ngai tur tamtak a awm a, hei hian kan ram kalphung nasa takin a ti danglam dawn a ni.
8. The Citizenship Amendment Bill, 2016 in a tum ber pakhat chu India ram zau tak hi Hindu ram a siam a ni.
9. The Citizenship Amendment Bill, 2016 hi ni 7th January, 2019 hian a zirchiang tu tura din Joint Parliamentary Committee(JPC) on The Citizenship Amendment Bill, 2016 chuan Parliament-ah a thehlut dawn a, ni 8th January, 2019 hian Parliament ah sawiho a, pass tum a ni dawn ni a hriat a ni.
Issued by:
MZP General Headquarters, Aizawl : Mizoram.
Union Home Minister Rajnath Singh-a chuan vawiin khan Lok Sabha-ah Opposition-te dodalna karah Citizenship (Amendment) Bill, 2019 a pharh.
He bill hian dan hmanlai Citizenship Act, 1955 siamtha in, dan lova thenawm ram Bangladesh, Afghanistan leh Pakistan atanga sakhaw hrang hrang vuantu lo lut, Hindu, Sikh, Buddhist, Jain, Parsi leh Christian te khua leh tui nih theihna a pe dawn a ni. He dan thar hnuaiah hian India khua leh tui ni tur chuan thla 12 liamta chhunga India rama khawsa leh kum 14 liamta chhunga kum 11 aia tam India rama awm tawhte tana khua leh tui nih theihna dan hman mek chu ti danglamin kum 11 hi kum 6-a tih tlem a ni dawn a ni.
Bill pu luttu Union Home Minister Rajnath Singh-a chuan thusawiin he bill hi Assam-in dodal viau mahse anmahni bil chauha siam a nilo a, state dangte tan pawh a pawimawh ve tho a ni a ti a. Ramchhung thlang lam ramri atanga lo pem, Rajasthan, Punjab leh Delhi vela khawsa te tan pawh he bill hi siam a ni a ti a. Assam-in kum rei tak chhung danloa lo pemlutte a buaipui tawh tih sawiin hei hi rampum huap pawha thil buaithlak tak a ni a, amaherawhchu National Register of Citizens (NRC) chu kalpui a ni a. NRC-ah hian inthliarhranna a awm dawn lo tih Pu Singh-a chuan a sawi a ni.
Assam Accord ti hlawhtling turin kawng tam taka hmalak a nih thu tarlangin Assamese-te nihna vawnghim turin High Level Committee din a nih thu a sawi a. Anni hian thla ruk chhungin an zirchianna report an thehlut dawn a ti bawk.
Vawiina bill pharh a nih hian Congress hruaitu Mallikarjun KHarge chuan House-a Select Committee hnena thlen a phut a. TMC hruaitu Saugata Roy pawhin a pawmpui thu a sawi. Hemi hnu hian bill an dodalna entirnan Congress leh TMC member-te hi house atangin an chhuak tau a ni.
India hmar chhak state dangte ang bawkin zirlai pawl buatsaihin vawiin khan Mizoram pumah darkar 11 bandh huaihawt a ni a, bandh hian thlawp a hlawh hle a, tlai dar 4 thleng pawn chhuak awm lovin mipuite an awm a ni.
India hmarchhak State 8-a zirlai pawl inzawmkhawm North East Students’ Organisation (N.E.S.O) chuan Indian Parliament-a The Citizenship Amendment Bill, 2016 pawm tumna awm mek chu hmarchhak State-in an pawm lova an dodal tih lantirna’n hmarchhak state zirlaite’n a rualin Total Bandh huaihawt an tum tih an lo puang tawh a. Hemi chungchanga MZP General Headquarters Emergent meeting chuan hmarchhak state dangte rualin MZP huaihawtin Total Bandh neih nise tiin a rel a ni.
MZP chuan Citizenship Amendment bill, 2016 hi Indian Parliament a pass a nih chuan Mizoram tan phei chuan a hlauhawm zual hle a ti a. Bangladesh atanga dan lova lo lut Chakma foreigner te’n awlsam takin India khua leh tui nihna an nei thei dawn a. Mizoramah pawh NGO Co-ordination committee kaihhruaina hnuaiah All Political party leh Joint NGO te’n duhlohna an lo lantir tawh bakah Memorandum in ang tlang thehluh a ni tawh thu MZP Gen Hqrts thuchhuah chuan a tarlang a. Citizenship Amendment bill, 2016 zirchiangtu tur a din Joint Parliamentary Committee on Citizenship Amendment bill, 2016 te Mizoram lo tlawh ve tura ngen anih hnu pawhin, North East State dangte a tlawh laiin, Mizoram chu a rawn tlawh ve duh lo tih an sawi bawk.
Citizenship Amendment Bill 2016 hi, NESO chuan a tir atangin nasa takin a dodal a. He bill hian India danpui Right to equality a kalh mai bakah Sakhuana thlenga in duhsakna a nih thu leh he bill hi pass a nih chuan dan lo a lo pem lutte avangin North East State-te chu a tuar nasa ber tur an nih bakah Kristianna thlengin a nghawng dawn avangin, MZP chuan tukin dar 5 atanga tlai dar 4 thleng Mizoram pumah MZP hmalakna in Total Bandh a huaihawt a. MZP chuan he Total Bandh hi hnam thil leh sakhuana thlenga nghawng thei a ni tih hriaa lo thlawp vek turin Mizo mipuite an lo ngen tawh a ni.
NDA sorkar chuan kan duh loh Ăªm² Citizenship Ammenment Bill chu pass an tum tlat nia a lan tak avangin a duhlohna lantir nan NESO chuan 8th January, 2019 (Thawhlehni) a North East Total Bandh buatsaih turin an in puahchah mup² mai. State tina zirlai pawl te'n Sunday pawh sawi hlei hlei lovin emergency meeting an ko hlawm e. MZP pawhin vawiinah emergency meeting an ko.
A kumthar tir viau nain Parliament session á¹an hma ngeia tih á¹ul an ti sia, i thlawp vek ang u aw....
Citizenship Amendment Bill-2016 hi a tawp thlengin kan do dawn."
~Zoramthanga President, MNF
Ni 11.08.2017 (Zirtawpni) khan Mizo Hnam Run chhung inkhawmah MNF President Pu Zoramthanga chuan thusawiin; Citizenship Amendment Bill-2016, ( Bill No.172 of 2016) hi Parliament thlasik inkhawm (Winter Session)a pharh tum a ni a. Pawm a nih chuan Dan a ni tawh ang a, kum 11 lo awm tawh tih kha kum 6-a tihtlem a nih tawh dawn avangin Bangladesh ațanga rawn lut ru, 'Chakma Foreigners' kan tih zawng zawngte hi danin a ngaidam dawn a.
A ngaihdam mai bakah India khua leh tui ni turin Citizenship an dil thei ang a, an dil anga pek an nih chuan Foreigners te hi India khua leh tui, Mizoram mi dik tak nihna nei an ni tawh mai dawn a, Bangladesh aţanga Mizoram a rawn lut ru tam ber Chakmate hi Mizoram State-ah Scheduled Tribe an nih sa avangin Mizoten kan chanvo chauh ni tura kan lo ngaih țhin zawng zawngah Chakma foreigner-te nen hamțhatna inang chiah kan nei tawh dawn a ni.
Citizenship Amendment Bill 2016 hi pass anih chuan Chakma Foreigner, dan bawhchhiaa Mizoram rawn lut leh inbengbel zawng zawng deuh thaw hi Mizoram chhunga dan ang thlapa India khua leh tui nihna pek an ni dawn a, a nghawng chu a pawi hle dawn a ni.
Hemi do tur hian India hmarchhak mi zawng zawng kan sawm a, Mizoram sorkar leh Party zawng zawng kan sawm bawk a ni.
Kan duh dan chuan CYMA hian All Party, NGO zawng zawng, zirlai pawl leh sorkar-te hi hma la turin min sawm se la, signature pe țheuh ila kan duh a ni, Citizenshjip Amendment Bill-2016 hi MNF-te chuan kan duh lova, a tawp thlengin kan do dawn a ni," a ti.
8/02/2019
Thenzawl
Debate pumpui ah Assam buaina chungchang ngawr ngawr tih loh, keini Mizoram ang buaina tur chi CHAKMA BUDDHIST rawn Indian Citizen huk huk a, Mizoram mihring dinhmun (changing Demography) tur ang chi thu hla chuan hmun a luah ve zo ta lo ani.
MIZO KRISTIAN te Nuaih 11 awrh, Vai tawng ( Hindi) thiam lo, Hindu ni ve silo te tan chuan.... eng nge Indian anga India ram chhung a kan awm ve reng a tulna... ti zawnga ngaihtuah chhunzawm a awlsam khawp mai. Beng sikin I inngaihtuah chiang teh ang u khai.
He debate hian darkar 3 chuang a awh a, Home Minister bakah MP sawm chuang zetin an sawi zau hman a, North East lam MP 2, Gauhati MP ( BJP) leh Dhubri MP ( Assam Muslim League) ten an sawi ve thei chauhva. Gauhati MP chuan he Bill hi tha ti hlein a support a, Muslim MP hian a duhlo hle thung.
Congress leh Opposition party thenkhatin an ngaihdan an sawi ve hnuah an chhuak ( Walk Out) thung. A tawpah Vote lain the Citizenship ( Amendment) Bill 2019 chu Lok Sabha in a passed fel ta a. He Bill hi Act puitling anih hmain kalkawng zawh leh hlek tur awm mahse... April / May 2019 MP inthlan hmain Dan puitling ah an chhuah hman hmel ta ani. BJP sawrkar hian Israel đŸ‡®đŸ‡± rama khawvel hmun tin a Juda/ Jews hote chu Law of Return hmanga Israel khua leh tui nihna an pe thei ang hian kan thenawm ram 3, Hindu hote chep deuh taka an awmna ram atanga Hindu an nih avanga an duh hun hun a India Citizen an nih theih dan an siam ve ta ani mai. A hming a India ram chu Secular State anih vei roh avangin Sakhaw dang 5 (Muslim tel lo ngatin) hote pawh he dan thar hian an huam tir mawi duhna lamah Chakma Buddhist ho an vanneih phah ta ani. Mizoram a Mizo Kristian te'n kan lo tawrh phah ve thung dawn ani.
Hetiang a Bill debate ah hian a phur phurin ngaihdan sawi ve ngawt theih ani lova, Time Slot hi dil emaw pek ve nih kher a ngai a. Chuvangin kan Lok Sabha MP neih ve chhun hian Mizoram bik ngaihtuah chung renga han sawi ve te pawh a duh ve ngei turah ngai ila, mahse Congress MP ani miau va, BJP sawrkar / Lok Sabha a NDA MP tam zawkna ah chuan Speaker in a hranpa a thusawi na chance a pe ve rem ta lo hlauh ani mahna. Chuvangin Party nihna pela ngaihtuahin Mizoram MP 1 chauh nei hian Lok Sabha ah hian INDEPENDENT MP... pa tawk, Mizoram leh hnam nihna a chiang, huaisen leh active em em... DEDICATED Member of Parliament kan mamawh ta ber ani tih a chiang thaw khat.
Tunah chu kan MNF sawrkar thar , Pathian leh kan Ram tan ti ngat tute hian Central level a, NDA anga an sangawi zawn pui BJP sawrkar hi engtin nge an nawr leh ve thung dawn... tih ah keini Mizo Kristian hote chu kan innghat lo thei ta hrih lo ani.
Jehova Jire ti leh phawt ang.
(He thuziak hi a pawimawh em mai a, a ziaktu ka dil hran lo. Whatsapp group pakhata ka hmuh a ni a, ka rawn cp e..vnt)
'Citizenship Amendment Bill' Ka ngaih ve dĂ¢n - Clement Liankunga (IAS Rtrd.)
Kum 2016 khan he Bill hi Parliament-ah putluh a ni a. Dan hmanlai mek tih danglamna tura rawtna a ni. Zirchiang turin Dr. Satyapa Singh, MP kaihhruaina hnuiah JPC din a ni. A ni hi IPS, DGP post atanga retired a ni a, hetiang lama experience a neih vangin an ruat a ni mahna.
He Bill hi kum 1955 dan dinglai amendment-na tura buatsaih a ni. Pakistan leh Bangladesh atanga foreigner kum 6 chhung India rama lo awm/raltlante India citizenship pek theihna tura duan a ni. Mahse he Bill hian Hindu, Parsi, Sikh, Budhist leh Kristiante chauh a huama, Muslimte a huam velo.
He Bill hi India independent hmaa saphovin Muslim leh Hindu-te thliarhranna, divide an rule policy ai mah khan National integrity a suasam dawn a ni.
India hi Hindu ramah siam an tum:
Hindu kulmuk, RSS leh Bajrang Dal-te duh leh tum angin India hi Hindu Lal ram dinna turin fing taka an ngaihtuah chhuah a ni. Kan hriat theuh angin, Hindu kulmukte hian Muslim-te hi huat sa lohvin an hua a, an pathian, Lord Rama-te hunlaia an sakhaw hmunte kha Muslim invader ten chungchu thiatin an sakhaw hmun pawimawh an din ta niin an ringnghet bur.
Ayodhya hmun inchuh :
Central Indian state-a awm leh hnathawkte chuan Hindu leh Muslim inhalzia kan hre theuh awm e. Ă‚r insual takngial pawh chung Ă‚r te chu Hindu leh Muslim Ă‚r an nih chuan mahni sakhuaah lalutin an inep nghal fo thin. He thu ziaktu pawh hian Bihar district-a DC a nih ve lai, kum 1992-94, 1999-2000 leh Hindu leh Muslim Ă‚r insual avanga intibuai vawi 4 lai a thelh ve tawh. Chutiang bawkin Divissioanl Commissioner a nih ve lai, kum 2015-2017 June khan naupang insual pawh vawi 3 lai communal a nih nghal avangin thelhtu a ni ve È›hin.
Hmun tamtakah Ui leh Kel thlunpawlh ang an nih vangin a tlemzawk Muslim-te chu a hohovin khaw daifem leh hmun hran deuhvah an awmho deuh ber. Sakhaw chungchanga intihbuai nikhuaa inven leh È›anho a remchan vangin. Hindutva doctrin Ă¢tchilhtute chuan, Keinin fa neih tlem kan inzirtir laiin anni chuan nupui 4 (an chawmtheih chuan) an nei thei a, chung an nupui pakhat zel atang chuan fa 4 or 5 (chu aia tam neite pawh an awm teuh) an nei thin. Chuvangin "kum 20 a lo liam leh meuh chuan India ramah majority an ni thuak anga, keini chu minority kan ni tawh ang" tih hi an inzirtirna thuruk a ni. UP state chhungah phei chuan Muslim rimnam deuh khua leh hmun hming, tawpa "BAD" tih zawng zawng hming dangin an thlak vek. Ahllahabad pawh Pryagraj tiin. Hindustan without Muslim hi tam takte dream a ni tlat.
North Eastern State tan abik takin zoram tan inchimralna kawng hawngtu tur a ni, Chakma leh Bru te an punghluai ang.
Kan hriat theuh angin kan zoram hi chhim lam leh thlang lamah Chakma leh Bru ten min hualvel a. Kum 2011 census-a a lan danin Zoramah Chakma 90,000+ an awm tawh. (2018 thlengin engzat takin pung tawh ang maw?) Zoram population lah nuai 11 vel chauh kan ni rih si. Kan population total atanga chhutin, Chakmate hi 9% zet an ni tawh!! Chu chu mihring inthlahchhawn dan pangngai aiin 30% dawnin an pung tihna a ni.
Khawvelah hnamtenau chimrala an awm thinna chhan ber chu, politic, economic leh population-a chimral hi a ni. Chimrala awm an dingchhuak leh tawh ngai lo. He CAB hi RS-ah pass-in dan a lo nih vaih chuan kum 10 hnuah chuan a lĂªt tamin an lo pung hluai hluai ngei ang le.
Politic-ah Chakma ten min chimral ang:
Zoram chhim lam District 2 velah chuan Chakmate an inkhuar nghet tawh em em a, MLA pawh Zofate tan tlin a har ta. MP pawh tling turin political party ten an inrimsiak reng ta a nih hi. An thlĂªkna lam lam an tling zel tih tlang hriat a ni. He CAB hi dĂ¢n a lo nih phei chuan chhim lam district zawng zawngah phungvelh ang maiin an lo pung hluai hluai anga, MLA leh MP election-ah pawh Zofate tan beisei bo a ni tawh ang. Chhim lam district changlo, Zoram lailiah pawh an rawn inzar pharh ngei bawk ang. Chuvangin Chakma CM kan la nei ruau lovang tih a sawi theih loh. Hman atang tawhin kan political party-te lahin an intlawnsiak rengmai a nih hi.
Bru pawh an huangtau sawt ang:
Aizawl, Mamit, Lunglei leh Lawngtlai district-ah te Bru voter-te sing chuang lai an awm tawh (Tripura state-a raltlante). Heng ho bakah hian an hnampui, u leh nauten "Zoram mi ka ni" tiin citizenship nihna an rawm phut anga, sawrkar phalrai zawng tak (vote duh vangin) a nih dawn avangin politician ten ihe lovin an lo pawm hmiah hmiah ang. An ni pawh hi phung velh ang maiin an lo pung thur thur dawn a ni. MLA hran nei khawp hialin an tam thuai bawk ang. Chutiang bawkin MP pawh an țan lam apiang an tling zel tawh dawn a ni. A reng reng thuah an ni hian Zofate min thata, min rukbo leh min sawisak hi tamtakte tan chuan an chawtui ber a ni.
Population leh economic-ah min chimral ang:
A chunga sawilan ang khian Chakma te hi Budhist sakhaw zuitute an ni a. Kei ni Kristiante angin fa neih tlem an inzirtir ve meuh lo. Tunah Zoramah hian nuai 1 deuhthaw an awm tawh a. Tunhma atanga kum 6 dĂ¢n loa lo awm tawhte citizen an ni vek bawk ang. Chu chang a la ni ta lo cheu; Hengho hian an chipuite Zoramah an hruailut ru anga, Zoram hmun hrang hranga ram la awl deiduaiahte an inbengbel bawk ang. Kan ram awl thlawhhma kan neih duhna lai, kan nitin eizawnna ram pawh min rawn È›awmpui anga, kan Keipui sahauh thei dawn silo. Chutiang bawkin zirna school, college leh university thlengin admission velah min chuhpui ngei bawk ang. Chakmate hi mi tumruh, ram leilung nghet nei lova raltlan thin an nih vangin eizawnna leh zirna lamah Zofaten kan tluk lohna a tam khawp. Civil service-ah lutin nihna pawimawh an rawn chelh bawk anga, an hnuaiah kan tu leh fa tamtak an la kĂ»n ngei dawn. Chuvangin Zofate hian thim thuah hnih ni lovin thim thuah tam kan hmabak mĂªk a ni.
Zofa kristiante nĂªpchĂªp kan ni ang:
Budhist sakhaw zuitute hi Hindu unaute ai mahin an sakhuaah an nghet hle. A tam zawkte hi keini kristian intite angin hmui leh ka (mouth) chauha an sakhua vuantute an ni ve hauh lo. Gaya, Bihar-ah kumhnih dawn sawrkar hnathawkin ka awm ve a. Both Gaya khu an pathian, Lord Budha piantharna hmun a nih avangin an tan chuan Bethlehem leh Karvary tlang aia hmun thianghlim leh pawimawh ber a ni. An scholar te bakah an sakhaw hotu ber Dalailama pawh vawi 2 a rawn kal a. Kei pek chuan kan Kristian thurin leh Lal Isua chungchang ka sawipui ve khanglanga. A ni chuan, "Kristiante chu keini angin in sakhua in la urhsun lo. Khawvel ram hrang hranga Kristiante nun pawh ka hmu ve, in thlarau chhandamna tura invawnthianghlim aiin a tam zawkte chuan khawvel nawmsakna, changkanna, nun pawnlang leh hausakna chauh in ngaihtuah. Chuvangin hei tuna i hmuh angin America leh Europe ram hrang hranga Kristianten kan sakhua an rawn zawm tawh a nih hi. 'Rawn zawm rawh u' kan ti lo. Tha an ti a an rawn zawm mai a ni" tiin min hrilh hrep mai a ni. Kan hawivel chuan Budhist conclave chhim tura mipui sing 2 lai zingah sap an lo tam em lah tak a.
Chuvangin Chakmate hi Zorama an population nuai 3-5 vel a lo nih chuan Kristiante kan chĂªp hle ang.
Economic lamah chu chuti susĂ»-in min chimral hmanhmawh lo mahse, kum 20 vel chhungin an hnawksak hman viau ang.
A sei ltk dawn tlat. Mah se, lastly but not least.
Zawlnei ni ve lo mah ila, CAB hi dĂ¢n a lo nih chuan Zofate dinhmun tur hlimthlĂ¢ hmuhnawm loh tak ka mithla ve thiam tlat.
Chuvangin tun hi Zoram atanga illegal migrant te chhiarpui neia, dĂ¢n lova awmte hnawhchhuahna hun remchang (golden chance) a ni.
Politician te u, nangmahni hmathatna, lalna leh thu neihna aiin nakin zĂªla Zoram leh a chhunga chengte humhimna turin hma la nghal vat teh u. He CAB hi Parliament thutkhawm, February ni 22-23 velah an sawiho leh dawn. NDA hian RS-ah majority nei lo mahse by hook or by crook-in pass an tum ngei dawn. Joint Parliament sitting pawh koh an hnialin ka ringlo.
Chuvangin Zoram illegal migrant-te hi detect vat ula, hnawtchhuak nghal teh u khai. CAB hi dĂ¢n a nih hlauh chuan engmah in ti thei tawh lovanga, È›hangthar lo la awmzĂªl turten an ngaidam thei lo ang che u. Hun tam in nei tawh lo. MZP hmahruaina hi a ropuiin an zahawm khawp. Amaherawh chu YMA hian conference-ahte hnam humhimna lam resolution an pass È›hin avangin hmahruaitu tur ni awm tak an ni. Kan È›henawm state danga chengten mahni nunna hlu tak pawh ui lova CAB an dodal ang hian, Zofa zawng zawngte È›angrual ila, hmĂ¢ i la tlĂ¢ng vat ang u khai.
AIZAWL, Jan 27: An IAS officer posted in Mizoram has written a strongly-worded letter about the State-wide Republic Day boycott sponsored by civil society groups in Mizoram on Saturday. Bhupesh Chaudhury, Registrar of Cooperative Societies, Government of Mizoram, in his letter addressed to Home Secretary, Ministry of Home Affairs; additional secretary (UT), Ministry of Home Affairs; Mizoram Chief Secretary and others, described what happened in Mizoram during the RDay was ‘was unthinkable in a free country.’ A cadre of the Arunachal Pradesh, Goa, Mizoram and Union Territories (AGMUT) wrote in the letter what had happened in Mizoram. He elaborated that he along with his “fellow officers, reached the northern gate of Assam Rifles Ground in Aizawl to attend the Republic Day function at 7 am.”
8/02/2019
Thenzawl
Source (Fb) : Hriata Chhangte
LOK SABHA CHUAN THE CITIZENSHIP ( AMENDMENT) BILL 2019 A PASSED FEL TA..
Debate pumpui ah Assam buaina chungchang ngawr ngawr tih loh, keini Mizoram ang buaina tur chi CHAKMA BUDDHIST rawn Indian Citizen huk huk a, Mizoram mihring dinhmun (changing Demography) tur ang chi thu hla chuan hmun a luah ve zo ta lo ani.
MIZO KRISTIAN te Nuaih 11 awrh, Vai tawng ( Hindi) thiam lo, Hindu ni ve silo te tan chuan.... eng nge Indian anga India ram chhung a kan awm ve reng a tulna... ti zawnga ngaihtuah chhunzawm a awlsam khawp mai. Beng sikin I inngaihtuah chiang teh ang u khai.
He debate hian darkar 3 chuang a awh a, Home Minister bakah MP sawm chuang zetin an sawi zau hman a, North East lam MP 2, Gauhati MP ( BJP) leh Dhubri MP ( Assam Muslim League) ten an sawi ve thei chauhva. Gauhati MP chuan he Bill hi tha ti hlein a support a, Muslim MP hian a duhlo hle thung.
Congress leh Opposition party thenkhatin an ngaihdan an sawi ve hnuah an chhuak ( Walk Out) thung. A tawpah Vote lain the Citizenship ( Amendment) Bill 2019 chu Lok Sabha in a passed fel ta a. He Bill hi Act puitling anih hmain kalkawng zawh leh hlek tur awm mahse... April / May 2019 MP inthlan hmain Dan puitling ah an chhuah hman hmel ta ani. BJP sawrkar hian Israel đŸ‡®đŸ‡± rama khawvel hmun tin a Juda/ Jews hote chu Law of Return hmanga Israel khua leh tui nihna an pe thei ang hian kan thenawm ram 3, Hindu hote chep deuh taka an awmna ram atanga Hindu an nih avanga an duh hun hun a India Citizen an nih theih dan an siam ve ta ani mai. A hming a India ram chu Secular State anih vei roh avangin Sakhaw dang 5 (Muslim tel lo ngatin) hote pawh he dan thar hian an huam tir mawi duhna lamah Chakma Buddhist ho an vanneih phah ta ani. Mizoram a Mizo Kristian te'n kan lo tawrh phah ve thung dawn ani.
Hetiang a Bill debate ah hian a phur phurin ngaihdan sawi ve ngawt theih ani lova, Time Slot hi dil emaw pek ve nih kher a ngai a. Chuvangin kan Lok Sabha MP neih ve chhun hian Mizoram bik ngaihtuah chung renga han sawi ve te pawh a duh ve ngei turah ngai ila, mahse Congress MP ani miau va, BJP sawrkar / Lok Sabha a NDA MP tam zawkna ah chuan Speaker in a hranpa a thusawi na chance a pe ve rem ta lo hlauh ani mahna. Chuvangin Party nihna pela ngaihtuahin Mizoram MP 1 chauh nei hian Lok Sabha ah hian INDEPENDENT MP... pa tawk, Mizoram leh hnam nihna a chiang, huaisen leh active em em... DEDICATED Member of Parliament kan mamawh ta ber ani tih a chiang thaw khat.
Tunah chu kan MNF sawrkar thar , Pathian leh kan Ram tan ti ngat tute hian Central level a, NDA anga an sangawi zawn pui BJP sawrkar hi engtin nge an nawr leh ve thung dawn... tih ah keini Mizo Kristian hote chu kan innghat lo thei ta hrih lo ani.
Jehova Jire ti leh phawt ang.
(He thuziak hi a pawimawh em mai a, a ziaktu ka dil hran lo. Whatsapp group pakhata ka hmuh a ni a, ka rawn cp e..vnt)
'Citizenship Amendment Bill' Ka ngaih ve dĂ¢n - Clement Liankunga (IAS Rtrd.)
Kum 2016 khan he Bill hi Parliament-ah putluh a ni a. Dan hmanlai mek tih danglamna tura rawtna a ni. Zirchiang turin Dr. Satyapa Singh, MP kaihhruaina hnuiah JPC din a ni. A ni hi IPS, DGP post atanga retired a ni a, hetiang lama experience a neih vangin an ruat a ni mahna.
He Bill hi kum 1955 dan dinglai amendment-na tura buatsaih a ni. Pakistan leh Bangladesh atanga foreigner kum 6 chhung India rama lo awm/raltlante India citizenship pek theihna tura duan a ni. Mahse he Bill hian Hindu, Parsi, Sikh, Budhist leh Kristiante chauh a huama, Muslimte a huam velo.
He Bill hi India independent hmaa saphovin Muslim leh Hindu-te thliarhranna, divide an rule policy ai mah khan National integrity a suasam dawn a ni.
India hi Hindu ramah siam an tum:
Hindu kulmuk, RSS leh Bajrang Dal-te duh leh tum angin India hi Hindu Lal ram dinna turin fing taka an ngaihtuah chhuah a ni. Kan hriat theuh angin, Hindu kulmukte hian Muslim-te hi huat sa lohvin an hua a, an pathian, Lord Rama-te hunlaia an sakhaw hmunte kha Muslim invader ten chungchu thiatin an sakhaw hmun pawimawh an din ta niin an ringnghet bur.
Ayodhya hmun inchuh :
Central Indian state-a awm leh hnathawkte chuan Hindu leh Muslim inhalzia kan hre theuh awm e. Ă‚r insual takngial pawh chung Ă‚r te chu Hindu leh Muslim Ă‚r an nih chuan mahni sakhuaah lalutin an inep nghal fo thin. He thu ziaktu pawh hian Bihar district-a DC a nih ve lai, kum 1992-94, 1999-2000 leh Hindu leh Muslim Ă‚r insual avanga intibuai vawi 4 lai a thelh ve tawh. Chutiang bawkin Divissioanl Commissioner a nih ve lai, kum 2015-2017 June khan naupang insual pawh vawi 3 lai communal a nih nghal avangin thelhtu a ni ve È›hin.
Hmun tamtakah Ui leh Kel thlunpawlh ang an nih vangin a tlemzawk Muslim-te chu a hohovin khaw daifem leh hmun hran deuhvah an awmho deuh ber. Sakhaw chungchanga intihbuai nikhuaa inven leh È›anho a remchan vangin. Hindutva doctrin Ă¢tchilhtute chuan, Keinin fa neih tlem kan inzirtir laiin anni chuan nupui 4 (an chawmtheih chuan) an nei thei a, chung an nupui pakhat zel atang chuan fa 4 or 5 (chu aia tam neite pawh an awm teuh) an nei thin. Chuvangin "kum 20 a lo liam leh meuh chuan India ramah majority an ni thuak anga, keini chu minority kan ni tawh ang" tih hi an inzirtirna thuruk a ni. UP state chhungah phei chuan Muslim rimnam deuh khua leh hmun hming, tawpa "BAD" tih zawng zawng hming dangin an thlak vek. Ahllahabad pawh Pryagraj tiin. Hindustan without Muslim hi tam takte dream a ni tlat.
North Eastern State tan abik takin zoram tan inchimralna kawng hawngtu tur a ni, Chakma leh Bru te an punghluai ang.
Kan hriat theuh angin kan zoram hi chhim lam leh thlang lamah Chakma leh Bru ten min hualvel a. Kum 2011 census-a a lan danin Zoramah Chakma 90,000+ an awm tawh. (2018 thlengin engzat takin pung tawh ang maw?) Zoram population lah nuai 11 vel chauh kan ni rih si. Kan population total atanga chhutin, Chakmate hi 9% zet an ni tawh!! Chu chu mihring inthlahchhawn dan pangngai aiin 30% dawnin an pung tihna a ni.
Khawvelah hnamtenau chimrala an awm thinna chhan ber chu, politic, economic leh population-a chimral hi a ni. Chimrala awm an dingchhuak leh tawh ngai lo. He CAB hi RS-ah pass-in dan a lo nih vaih chuan kum 10 hnuah chuan a lĂªt tamin an lo pung hluai hluai ngei ang le.
Politic-ah Chakma ten min chimral ang:
Zoram chhim lam District 2 velah chuan Chakmate an inkhuar nghet tawh em em a, MLA pawh Zofate tan tlin a har ta. MP pawh tling turin political party ten an inrimsiak reng ta a nih hi. An thlĂªkna lam lam an tling zel tih tlang hriat a ni. He CAB hi dĂ¢n a lo nih phei chuan chhim lam district zawng zawngah phungvelh ang maiin an lo pung hluai hluai anga, MLA leh MP election-ah pawh Zofate tan beisei bo a ni tawh ang. Chhim lam district changlo, Zoram lailiah pawh an rawn inzar pharh ngei bawk ang. Chuvangin Chakma CM kan la nei ruau lovang tih a sawi theih loh. Hman atang tawhin kan political party-te lahin an intlawnsiak rengmai a nih hi.
Bru pawh an huangtau sawt ang:
Aizawl, Mamit, Lunglei leh Lawngtlai district-ah te Bru voter-te sing chuang lai an awm tawh (Tripura state-a raltlante). Heng ho bakah hian an hnampui, u leh nauten "Zoram mi ka ni" tiin citizenship nihna an rawm phut anga, sawrkar phalrai zawng tak (vote duh vangin) a nih dawn avangin politician ten ihe lovin an lo pawm hmiah hmiah ang. An ni pawh hi phung velh ang maiin an lo pung thur thur dawn a ni. MLA hran nei khawp hialin an tam thuai bawk ang. Chutiang bawkin MP pawh an țan lam apiang an tling zel tawh dawn a ni. A reng reng thuah an ni hian Zofate min thata, min rukbo leh min sawisak hi tamtakte tan chuan an chawtui ber a ni.
Population leh economic-ah min chimral ang:
A chunga sawilan ang khian Chakma te hi Budhist sakhaw zuitute an ni a. Kei ni Kristiante angin fa neih tlem an inzirtir ve meuh lo. Tunah Zoramah hian nuai 1 deuhthaw an awm tawh a. Tunhma atanga kum 6 dĂ¢n loa lo awm tawhte citizen an ni vek bawk ang. Chu chang a la ni ta lo cheu; Hengho hian an chipuite Zoramah an hruailut ru anga, Zoram hmun hrang hranga ram la awl deiduaiahte an inbengbel bawk ang. Kan ram awl thlawhhma kan neih duhna lai, kan nitin eizawnna ram pawh min rawn È›awmpui anga, kan Keipui sahauh thei dawn silo. Chutiang bawkin zirna school, college leh university thlengin admission velah min chuhpui ngei bawk ang. Chakmate hi mi tumruh, ram leilung nghet nei lova raltlan thin an nih vangin eizawnna leh zirna lamah Zofaten kan tluk lohna a tam khawp. Civil service-ah lutin nihna pawimawh an rawn chelh bawk anga, an hnuaiah kan tu leh fa tamtak an la kĂ»n ngei dawn. Chuvangin Zofate hian thim thuah hnih ni lovin thim thuah tam kan hmabak mĂªk a ni.
Zofa kristiante nĂªpchĂªp kan ni ang:
Budhist sakhaw zuitute hi Hindu unaute ai mahin an sakhuaah an nghet hle. A tam zawkte hi keini kristian intite angin hmui leh ka (mouth) chauha an sakhua vuantute an ni ve hauh lo. Gaya, Bihar-ah kumhnih dawn sawrkar hnathawkin ka awm ve a. Both Gaya khu an pathian, Lord Budha piantharna hmun a nih avangin an tan chuan Bethlehem leh Karvary tlang aia hmun thianghlim leh pawimawh ber a ni. An scholar te bakah an sakhaw hotu ber Dalailama pawh vawi 2 a rawn kal a. Kei pek chuan kan Kristian thurin leh Lal Isua chungchang ka sawipui ve khanglanga. A ni chuan, "Kristiante chu keini angin in sakhua in la urhsun lo. Khawvel ram hrang hranga Kristiante nun pawh ka hmu ve, in thlarau chhandamna tura invawnthianghlim aiin a tam zawkte chuan khawvel nawmsakna, changkanna, nun pawnlang leh hausakna chauh in ngaihtuah. Chuvangin hei tuna i hmuh angin America leh Europe ram hrang hranga Kristianten kan sakhua an rawn zawm tawh a nih hi. 'Rawn zawm rawh u' kan ti lo. Tha an ti a an rawn zawm mai a ni" tiin min hrilh hrep mai a ni. Kan hawivel chuan Budhist conclave chhim tura mipui sing 2 lai zingah sap an lo tam em lah tak a.
Chuvangin Chakmate hi Zorama an population nuai 3-5 vel a lo nih chuan Kristiante kan chĂªp hle ang.
Economic lamah chu chuti susĂ»-in min chimral hmanhmawh lo mahse, kum 20 vel chhungin an hnawksak hman viau ang.
A sei ltk dawn tlat. Mah se, lastly but not least.
Zawlnei ni ve lo mah ila, CAB hi dĂ¢n a lo nih chuan Zofate dinhmun tur hlimthlĂ¢ hmuhnawm loh tak ka mithla ve thiam tlat.
Chuvangin tun hi Zoram atanga illegal migrant te chhiarpui neia, dĂ¢n lova awmte hnawhchhuahna hun remchang (golden chance) a ni.
Politician te u, nangmahni hmathatna, lalna leh thu neihna aiin nakin zĂªla Zoram leh a chhunga chengte humhimna turin hma la nghal vat teh u. He CAB hi Parliament thutkhawm, February ni 22-23 velah an sawiho leh dawn. NDA hian RS-ah majority nei lo mahse by hook or by crook-in pass an tum ngei dawn. Joint Parliament sitting pawh koh an hnialin ka ringlo.
Republic day boycott leh lo
(NGO coordination an nep sazu)
Mizoram Kohhran Hruaitu Committee (MKHC) te Palai hnathawh avangin,
Mizoram sawrkar hotute leh NGO Co-ordination Committee-te 25.1.2019-a
meeting chuan, 70th India Republic Day Boycott chungchangah hetiang hian inremna siam a ni :-
Mizoram sawrkar hotute leh NGO Co-ordination Committee-te 25.1.2019-a
meeting chuan, 70th India Republic Day Boycott chungchangah hetiang hian inremna siam a ni :-
- Aizawl khawpui chhungah chuan sawrkar hotu lian pawimawh zual tlemte ten programme hmangin, mipui nawlpui, School naupang lam turte leh inremna a tello zawng zawngte chu programme hmannaah kal loh ni se.
- District Level-ah chuan D.C. Office tualah D.C. ten Flag an pawh pharh
remtih a ni a, mipui leh tawiawmtu dang tel erawh remtih a ni lo. - Sub-Division/Block Level-ah pawh function hman remtih a ni lova, Flag
erawh pawh pharh theih a ni. - Central Institution hrang hrang leh Central Govt. Office hrang hrangah pawh programme a hranpa a hman remtih a ni lo.
Issued By :
NGO Co-ordination Committee, Mizoram.
Dated Aizawl the 25th January, 2019
Dated Aizawl the 25th January, 2019
A chunga thu khi en vang vang la. A hotu lian chin an khap ngam lo a, a thuneilo chin zawng an khap tihna lek a ni.
MKHC pawh hian hmingá¹hat leh lansarh an tum lutuk a. An hna ni lemlo ah hian an inrawlh ve sek mai leh nghal a. Hlawh neia pathian rawngbawltute hian kei tak emaw an inti a ni ber mai. Chanchiná¹ha hril lam aiin ram hnuk khawih thila hmalakna lo tihzuai lam hi an thupui ber a ni e.
AN IAS OFFICER COMPLAINS AGAINST
REPUBLIC DAY BOYCOTT IN MIZORAM
 |
| Republic Day, 2019@Mizoram |
AIZAWL, Jan 27: An IAS officer posted in Mizoram has written a strongly-worded letter about the State-wide Republic Day boycott sponsored by civil society groups in Mizoram on Saturday. Bhupesh Chaudhury, Registrar of Cooperative Societies, Government of Mizoram, in his letter addressed to Home Secretary, Ministry of Home Affairs; additional secretary (UT), Ministry of Home Affairs; Mizoram Chief Secretary and others, described what happened in Mizoram during the RDay was ‘was unthinkable in a free country.’ A cadre of the Arunachal Pradesh, Goa, Mizoram and Union Territories (AGMUT) wrote in the letter what had happened in Mizoram. He elaborated that he along with his “fellow officers, reached the northern gate of Assam Rifles Ground in Aizawl to attend the Republic Day function at 7 am.”
Comments