AIZAWL MAUBAWK VENG

 AIZAWL MAUBAWK VENG

~Tedika Chawngthu

Hmanlai atang tawh in  Aizawl hi mi hip tak mai a ni. Hmanlaiin lo luah lumtu lo awm thin pawh nise British ho lo luh hunlai( 1890) kha chuan Aizawl kan tih tak hi chu hmun ruak vek a ni. A bul hnaiah Dokhama khua( Maubawk leh Luangmual) bak a awm hriat a nilo.


Aizawla sipai ten kulh an han siam zawha an area chin turte an han ruahman chuan an kiang hnaia khaw lo awm sa Dokhama khua chu Tlawng lui hnaiha insawn turin an ti a an hreh hle. Sawrkarin a tul huna insawn leh thei tura an awm chauh a phal sak a.


Tichuan Dokhama khua te chuan in nghet tur sa ngam lovin mauvin  Bawk an khawh ta a. Chutatang chuan MAUBAWK tih hming a pu hlen ta a ni. Tunhma chuan MAUBAWK veng khu Dokhama khua tih thin a lo ni reng mai. An awmna hmasa chu tuna Bungkawn an tih tak, thing leh tui pheizawnga lak theihna hmun remchang lai hi niin maubawk Upa Pu Kawlzingpuia chuan a sawi thin. Bungkawn hming chawitu Bungpui pawh kha Pu Dokhama phun ni a hriat a ni. Aizawl khu khaw hrang hrang atanga pem lut in beng bel ta Aizawl mihlun an tam hle. Mahse Maubawk veng khu Aizawl original a nih hmel. Mahse khaw dang atanga pem lut Maubawka inbeng bel tawh tam tak an awm bawk ang. Maj. Shakespeara ziak atanga a lan danin, vailian lo luh tirh khan khawhmum hlui a ni tih a hriat theih a. Mahse a luah hmasa tute hi hriat an harsa hle. Upate chuan kum 1804 velah khan Thado Lal, Henrova'n a luah tawh awmin an sawi a. A hnu ah Lalsavunga'n a thut tawh a sawi an awm bawk. Vailian lo luh kha chuan Aizawl huam chhunga khaw luah lai awm chu Dokhama khua( Maubawk) chauh niin a lang. 20.3.1891 ah kumah pawh Mizorama missionary lo lut hmasa ber Rev. William Williama paw'n Pu Dokhama leikapui ah hian Pathian thu a sawi nghe nghe.


  Tin, keipaw'n Aizawl khawpui khu 1990 ah ka hmu ve chiah. Ka pa in Jeep in min hruai a, pui hi ka'n ti em em khawp a!


Comments

Chhiar hlawh ber