THUNDERBOLT-2
SHRUBLAND
James Bond chuan a suitcase Chu Austin Taxi buang, hlui tawh tak hnunglamah chuan a thehlut a, amah chu a hmalama a Khalhtu la naupang tak, leather jacket ha bulah chuan a chuanglut nghal a. Driver chuan a kawrhma ipte atang chuan samkhuih a han phawrhchhuak a, a sam chu uluk deuh hian a han khuih te te a.
A samkhuih chu a ak leh a, taxi chu a tinung ta a. Tlangval han chezia leh samkhuih dan atang chuan a pawisa a dawng duh pawh chu a hriatthiamna vang niawm taka lantir a tum ni ber hian a hria a. Bond-a chhutdan chuan kar khatah pound 20 vel hlawhchhuakin a ring a. Bond chuan, "Shrubland chu engtia hla nge ni ang?" a han ti a.
Tlangval chuan tul miah lova gear a thlak pah chuan, "Darkar chanve tlan vel ala ni ang," a ti a, taxi chu chak takin a tlantir ta zel a. Kawng pengthuam laiah hian motor lian kallai chuan hrut lek lekin a tlanpel puat a.
"I car chu a hlui deuh ña a, I hmangthiam awm hlem mai."
Bond chuan nuihzat chunga sawi anih leh nihloh hriat tum deuh hian tlangval chuan a rawn melh phei a, a nuihzat lo ni a a hriat hnu chuan, "Hei aia tha hi ka pa in min leiduh tlatlo a ni. He thil hlui lutuk hi atana kum 20 alo hmantlak tawh avangin ka tan pawh kum 20 dang chu la rintlak turah a ngai tlat a ni. Chuvangin pawisa ka inkhawl ve ta ringawt mai a, ka mamawh chanve chu ka khawl tawh ang," a han ti a.
"Enge ni lei I tum deuh?"
"Volkswagen minibus hi ka it khawp mai. Brighton a intlansiakna ah te pawh kan la tel ve ang chu,"
"Thil tih chi tak anih chu. Brighton ah chuan sum lengvel a tam a nia,"
Tlangval chuan a hma aia phur hian, "Keipawh ka ti asin. Ka va thlen ve tum lah chuan nawhchizuar țhenkhat Londonah ka va hruai ringawt a, pawisa pawh ka hlawh that viau asin," a ti a.
"Anih tak chu. Mahse Brighton ah saw chuan fimkhur a ngai viau a nia. Mi bum leh rawk ching an awm teuh mai a, pawl turu tak tak an awm bawk. Bucket of Blood ho kha I hria anga, enge an chanchin ni ta zel le?"
"An thubuai neih hnu kha chuan an hawng leh ta miahlo. Chanchinbu ah pawh an chhuah nasat kha," tiin tlangval chuan a lo chhang a. Bond-a chu a va melh zawk a, chutah zawlpui awka deuh zawk hian, "Shrubland chu I tlawh mai mai dawn nge?" a han ti a.
Bond chu a nui hawk a, "Ni 14 lai chu lohtheih lohva khawsak a ngai tlat mai. Doctor in ka mamawh a hria a, helai ramvel hi eng tin nge I ngaih reng reng?"
Tlangval chuan a car chu Brighton kawngah khawchhak lam hawi zawngin chak deuhvin a khalh a, Downs leh Poynings bakah Fulking pawh an hnaih tawh hle a. Bond-a zawhna chu heti hian a chhang ta a.
"Sawlaia va inbarhlut te chu mi tam zawk chuan mi pangngailo deuh vekah a ni, an ngaih ni. Kei chu ka chen peihna chi a nilo tawp mai. Mi awmthei tak tak fuankhawm e ti lovin sum leh pai lah an hmang der si lo. Thingpui inkhawmna ah an inkhel a, a fing deuhvin finglo deuh an ei vel mai mai a ni. I va thleng anga, I mak tihtur I hmu teuh mai ang. Nutling patling, awmthei pui pui an ni a, Mahse thingpui in bak chu engmah phalsak an ni lo. Mahse an bul mai a mi țhenkhat, an ei phalloh ei bawrh bawrh an hmuh chang chuan insum thei lovin an ei ve bawrh bawrh mai. Naupang thil tiru ang maiin an hawi zawk zawk mai thin lehnghal,"
"In tihdam tuma pawisa seng teuh si tan chuan thil atthlak tak anih si chu mawle,"
"Ni chiah e. Kar khata Cheng 20 chawi a nitin chaw vawithum inpek te chu ka hrethiam a, mahse Cheng 20 chawia tuilum chauh inchhawp leh si chu ka hrethiam meuh lo. A awmzia ka man lo reng reng,"
"Inenkawl dan dangte pawh a awm aniang chu. A va pantu ten an thatpui tlat anih chuan ná an ti lo tawp ang,"
Tlangval chuan a pawm chiah lo tih hriat tak mai hian, "A ni viau Mai. Thenkhat chu an lokir leh hnu chuan an lang danglam deuh ngei țhin alawm," a ti a, nui kar kar chung chuan, "Țhenkhat chu Kar hnih zet thil ei mumal lova an khawsak hnu chuan an lo chhuak chu kelpui ang mai an ni," a han tihzawm leh a. "Kei pawhin hun remchangah va tihve chhin reng reng awm a ni," a han ti zui a.
"Eng ti zawngin maw?"
Tlangval chuan Bond chu a han melh zawk a.
"Thil awmdan chu hetiang hi a ni. Helai Washington ah hian nula harhvang ve deuh mai kan nei ve a, kan veng nula lepchiah ber a ni hial ang tih tur a ni. Honeybee Tea-shop ah waitress a ni ve țhin a, keini ang rual ho hi chu ama min khawih khawloh vek kan ni hlawm ngei ang chu. Cheng tlemtein a khuaikhem theih bakah trick danglam tak tak a hrehnem hle bawk a. Tun kum khan Shrubland-a tar ho chuan a chanchin an lo hre ve a, tichuan kan nula Polly Grace chu an hnimhnai ve tan ta a. "
A han chawl dat a, chutah, "An Bentley car in an phurchhuak a, an duhna lai laiah an mutpui ta thin a. Chu chu a hna puiber a ni ngei mai a, mahse pawisa an pe tam țhin riau mai a. Keini ang duang chu min kawp duh ta lo thuai mai a, a man a insan chho ta vak mai a ni. Thla kalta khan a hna pangngai chu a bansan a, chumi hnu zel a a khawsak dan chu I rinphak bak a ni hial ta ve ang."
Lungawilo tih hriat tak mai hian, "Cheng za tlem te-in Austin metropolitan car hlui a lei a, chanchinbu a London Curzon Street a nawhchizuar ho ang maiin a tlankual zung zung mai a ni. Kohna a hmuh apiangah a tlankual a, hunawlah Shrubland tar hur ho duhthusam chu a phuhruk leh bawk si nen; a mak thei a nia!!" a han tihzawm leh a. A motor horn chuan kawngsir a nupa tuak thirsakawr chuang chu a han thawng zui a.
Thupui fun hmel deuh hian Bond chuan, "Ava pawi tak ve le!! Kan kalna tur hmun a an ei leh in an sawidan ngaihtuah chuan chutiang lam ngaihtuah thei awm pawha an lanloh nen," alo ti bauh va. Tlangval chuan a hnar a han tum dawt a, "Chu chu kan ngaihdan pawh a ni ve tho alawm. Ka thian pakhat, apa chu doctor a ni a, apa nen an sawidun a. Doctor chuan an ei leh in bakah hahdam taka a awm chuan taksa a tihrisel a. Zu an lem bawk si lo nen; kan tarho chu a hma ai daihin an harhvangin an hriselna țhin a ni awm e." a lo ti a.
Bond chuan, "Â, va pan tlakna lai tak te pawh a nih chu à," a lo ti a, an nui dun hawk hawk a.
An hmalam kawngsir ding lamah chuan thuziak chiangtak hi a lo intar ta kuau mai.
Chulam kawng chu fâr thing zingah a invet kual nasa hle mai. Reivaklo an tlan hnu chuan lungbang sang deuh tak hi an thleng ta a. Chumi piahah chuan Lalnu Victoria hunlaia an sak țhin ang in lianzet mai hi alo ding luah mai a, a panna kawngsir ah chuan hnimbuk mawi tak tak a ding thulh mai bawk a. Kawngsir thutthlenga tar nupa lo țhu dun chu car horn ri ah chuan an lo kimki chawih chawih mai bawk a.
Kawtzawl zau tak mai hi an thleng phei ta a, a sirah chuan pangpar a tam hle mai. In bathlar, darthlalang renlo taka an sak chuan hmun thui tawk fe a rawn luah nghe nghe a.
Tlangval chuan car chu a riding a, Bond chu a chhuak ve nghal a. Chuan man pawh tam deuh hlekin driver chu a pe a. Tlangval chuan phu ve reng hmel pu deuh si hian, "A lawmawm e. Helai hmun hi tlanchhuahsan I duh ngai te anih chuan min rawn bepawp mai dawn nia. Nula pawh Polly chauh nilo, midang an la awm nual tho tih hria la a tha ang," tih pahin kawngkhar chu a khar a, chak takin a limchhuak leh ta a.
Inchhung chu alo lum nuamin thawm a reh deuh duk mai a. Khualchhawntu dawhkanah phenah chuan nula chhelo tak, thawmhnaw var inbel hi a lo awm a, hawihhawm tak hian a lo chiauau va. Register ah hming leh tuldang te a chhinchhiah zung zung a, chumi an tihzawh chuan inhnung lam panin corridor kikawi takah chuan an inzui phei ta a. Corridor sir tawna kawngkhar engemawzatah chuan pangpar chi hrang hrang hming hrang hrang hi a intar hlawm bawk a. Nula chuan Bond chu kawngkhar pakhat, Myrtle tih intarna ah chuan a hruailut a, an hotu chuan dar 06:00 ah a hmuhtheih tut thu alo hrilh a, a chhuahsan lehnghal a.
Pindan chu simple tak, mawi tak si a chei a ni a, khumah chuan Electric blanket alo awm bawk a. Khumbul dawhkan bula pangpar khawinaah chuan marigold pathum alo inkhawi a, a sirah chuan lehkhabu, 'NATURE CURE EXPLAINED' by Alan Moyle, MBNA tih inziak hi a lo let ngat bawk a.
Bond chuan a han keu chhin a, MBNA tih awmzia chu a han en a. Member British Naturopathic Association tihna a lo ni a. Inchhung lihlumna chu a off a, tukverh chu a hawng a. Tukverh bul maiah chuan pangpar chi hrang hrang hi alo intlar püt mai a. Bond chuan a suitcase a a thawmhnaw te chu a khaifel a, taksa atanga bawlhhlawh paihchhuahdan tih inziak chu a chhiar vel ta mai mai a. Thuife a chhiar hnu chuan telephone chu a rawn ri a, khualchhawntu nula khan minute 5 hnuah Mr. Waina'n consulting room A ah a hmuh tur thu a rawn hrilh a.
Mr. Wain-a kut chu no leh nélthap mai hi a ni a, a tawngkam chhuak pawh a nelawm thawkhat hle. Sambu chhah tak, mitmu uk fiahzet mai leh nuihmel pu, nelawm hmel tak a ni a. A hmel leh mitmengah chuan Bond chu lo ngaihven leh ngaihtuah tak tak hmel pawh a pu hle mai. Kawrfual var a ha a, kekawr ding tial a ha bawk a. Mawza bun tho siin vawthlep a bun hnan a, a ke pen chu a zang hle mai bawk.
Bond chu a thawmhnaw phelh vek turin a hrilh a, ani a inphelh ruah hnu chuan a han belchiang a, a taksa a ser tam tak mai a han hmuh chuan, "Ekhai!! Indiana ah I Tel ve niawm tak a ni, Me. Bond?" a han ti a.
"Ni e, ka thi thelh a ni,"
"Anih tak chu. Indiana hi chu thil rapthlak tak niin ka hria. Awle, thaw han la vak teh," tiin Wain chuan Bond chu a awmah leh hnung lamah chuan a han ngaithla a, a BP chu a han la a. A duhzawng a buk a, a sanlam pawh a tehnghal vek a. Inentirna khumah chuan a bawhtir a, a ruh chuktuah Vel chu a han hmet dan dan a.
A duhtawk a ngah hnu chuan Bond chuan a thawmhnaw te chu a ha leh ta a. Mr. Wain pawh chuan lehkha a ziak nghal mawlh mawlh a, a rawn dakchhuak a.
"Awle, Mr. Bond, ngaihthatlohna tur a awmin ka hrelo. I thisen a sang lek lek a," tiin a taksa thatlohna lai ni a a hriatte chu a han sawi zung zung a. "Tun atang chuan I thisen a tur awm tihreh nan Kar khat chhung ei leh in lamah hrek ini dawn a. Hahdam takin I awm tur a ni. Civil servant ini a, Mr. Bond, I lehkha ziak leh hna tam tak han tlansan rih pawh a that ka ring a ni," tiin a thusawi chu a han tlip leh a. A dingchhuak a, lehkha chhutsa hi Bond chu a pe a. "In enkawlna room ah darkar chanve hnuah ilo kal dawn nia. Mr. Bond, bul tan nghal mai ila a dik ka ring," a han ti a.
Bond chuan, "Ka lawm e." a ti a, lehkha chu a la a. "Enge inenkawl nan a traction in tih hi?" a han tilet a.
"Hnungzang ruh pawhfanna hmanrua a ni. Taksa tana tha tak a ni. Helaiah lokal mi țhenkhat te sawi dan chu awih duh lem suh. Mi țhenkhat phei chuan The Rock, an ti a."
"Anih tak chu"
Bond chu pawnah chuan ava chhuak a, corridor zau tak sirtawn a thutna ah chuan mi engemawzat hi an țhu a, lehkha an chhiar mawlh mawlh hlawm a. Țhenkhat chu zawite tein an inbe sep sep bawk a, an vai mai chuan kum 40 bawr vel deuh vek an ni nghe nghe awm e. An incheina lah chuan mit a lalo nasa mai bawk nen; Bond chu pawnah a chhuak ta a.
Kawta pangpar inlara kalkawngah chuan muangchangin a kal a, a hmabak lah chu a huphurh nasa mai. Pumpelh dan a awm angem tihte a ngaihtuah a, a hna a bansan anih ngawt loh chuan han thulh ngawt dan chu awmin a hre bawk si lo. Hnimbuk phen kawng kawi a nula lokal, thawmhnaw vara inthuam nen chuan insu thelhin an intawk ta a. Nula chuan nui chung hian kawngpui lamah chuan a han hel dawn a, chutihlai tak chuan Bentley Car hi nula chilpha tur chiah hian chak deuh mai hian a rawn dawk phei zawk mai bawk a. Mahse Bond chuan nula kawngah chuan kuahin a chawisawn nawlh mai a, Bentley car pawh chu an bul maiah chuan a rawn ding be nghal chawt mai a.
Nula chuan makti hmel tak chung hian Bond chu a han en a, "Ka lawm e," a ti zui nghal a. Car lam chu a hawi a, car atang chuan pa pakhat hi hmanhmawhlo tak hian a rawn chhuak mek bawk a. Aw dam duai hian, "Ka tipalh teuh hle mai che. I tha maw? Ka thiamlohna a ni. À, ka thian Patricia zu ni reng a!! I tha em?" a han ti zui a.
Chupa chu palian lam leh hmeltha tak, hang ngaihnobei lam hi a ni a. A hmuihmul rual taka a zuah hnuaia a kareh, nunrawng hmui lam deuh chu nula tam tamin an mang lama an tawh fo thin ang chi a ni a. A hmaifang atang chuan Spanish emaw, South American mi emaw ni ngeiin a lang. Fit 6 vela sang, inkhaithli lam leh inzo hmel tak, a incheina chu duhdah lam deuh mah nise, man to tak si hi a ni a. Bond chuan hmeichhe laka tlatlum thei tak leh an thawhchhuah ringa khawsa țhin anih hial a ring a.
Nula chuan vin deuh hian, "Fimkhur deuh tawh la a tha ngawt mai. Count Lippe, he kawngah hian kan mikhual leh hnathawktute an veivak reng tih I hre reng si a, he gentleman hi lo awmhnai lo phei se chuan min chil thei hial ang chu. Pawn maiah sawn Driver te tan fimkhur a țul tih thu kan tarlang reng si a!!" a han ti a.
"Ni e, a pawi ngawt mai. Dr. Wain hmu tur ka ni a, ka tlai deuh avangin ka hmanhmawh deuh a ni e. Paris ah karhnih ngawt ka han cham avangin enkawl deuh ka ngai leh tawh a ni," tiin chupa chuan Bond-a lam chu hawiin, "Ka pu, ilo che rang hlauh va, a tihzia hle mai." tih pahin a car a luh pahin a ban a han phar a, a tlantir leh ta nghal a.
Nula pawh chuan, "Ka tlai deuh tawh avangin hmanhmawh ka ngai deuh tlat mai," a ti a, an pahnih chuan car tlanna lamah chuan an inzui phei ta a.
Bond chuan chik deuh zawka en pahin nula hnenah chuan, "He laiah hian I thawk be em ni?" a han ti a. Nula chuan kum 3 chhung zet a lo thawh tawh thu leh nuam a tih thu te alo hrilh bawrh bawrh a, engchen nge a awm dawn tihte a zawt leh nghal a.
Nula chu pian inkhaithli tak, infiamna pawh uar ve hmel tak mai hi a ni a. A kareh chu a zau mah mah em tih lohvah phei chuan a chhelo viau nghe nghe a. Mr. Wain ang bawk khan kawrfual var a ha a, mahse a kawr hak mar danah chuan a thawmhnaw hnuaiah chuan engmah dang a inbel lo ang tih a rin theih a. Chutiang nula tha pangngai nisi, hetiang hmuna a khawsa thei mai chu Bond chuan mak a ti rilru hle zawk a. A hunawlah te chuan eng nge a tih ang tih te a ngaihtuah zui neuh neuh va.
Nula chuan Bond-a ngaihtuahna chu hrethiam niawm tak hian nui chungin, "Car ka nei ve ná a, ka hunawlah chuan ka vakzau ve khawp mai. Ke a han kalvel pawh hi nuam ve tak a ni. Mithar an awm reng bawk si a, țhenkhat phei chu mit la tak tak an ni. Nichina car rawn khalhtu Count Lippe pawh kha kumtin a lokal thin a. Khawchhak lam leh China lam chanchin a sawi țhin phei chu ngaihnawm tak a ni. Macau a tia maw ni! Chulaiah chuan hna a nei a, Hong Kong bul maia awm a ni lawm ni?" a han ti a.
"Ni e," tiin Bond chuan alo chhang vat a. Count Lippe mitmeng ki deuh te pawh chu Chinese thisen kai anih vang ni ngeiin a hre ta a. Macau atanga lokal anih chuan Portuguese thisen kai anih ngei a rinawm a, a chanchin pawh mi pangngai ai chuan a ngaihnawm phian ang tih a ring.
Inchhung an thlen chuan nula chuan lawmthu a hrilh leh a, a kalsan ta a. Bond chuan nula Chu hnunglam atang chuan a thlir zui vang vang a. A Sana a han bih a, pindan hnuailam panna kailawn, uluk taka hrukfai tih hriat hliah hliah ah chuan a chhukthla ta bauh bauh va.
Kawngkhar a 'Gentlemen Treatment' tih intarna pindanah chuan a lut ta a. Taksa lam hmetthiam pakhat, thelretpuan puan awrh hian a lo chiauau vat a. Bond chuan a thawmhnaw a han phelh a. Inhruk puan a veng a, chupa chu a zui ta a.
An kalna sir tawnah chuan pindan a awm thluah a, pindan hmasa berah chuan pa pahnih, upa lam deuh leh thau lam deuh hi Electric blanket sin hian an lo thlan zawih zawih mai a. Chumi piah chiah pindanah chuan inhmeh tirna dawhkan pahnih hi alo awm a, dahkan pakhat a tlangval thau, ngo zet mai chu pa pakhat hian alo sawisa mek a. Bond chuan a thilhmuh chu a rawn chakloh ber chi a ni tih a hre thei nghal mai. Mahse a hruaitupa duh ang chuan dawhkan pakhatah chuan a bawk a, tunhma a ala tawn ngailoh tawp, taksa sawisak chu a takin a tawng ta. A bul dawhkanah tlangval pawh chu an tawhna a rei deuh nge ni; a tho va, midangin a rawn thlak ta a. A sawngbawltupa chuan, "I sana kha phelh a țul tlat mai, ka pu," a han ti a.
Aw nal leh mi chaldelh deuh hian, "Thil tullo tawp anih chu. Kumtin ka lokal ziah a, ka sana min chhuhsak ngai lo. Pawi itih loh chuan ka bun zawk ange," a han ti a. A aw atang chuan tunge ni tih Bond chuan a hre nghal mai a.
Mahse a taksa sawizawitu chuan hawihhawm tak si hian, "A pawi ka ti ngawt mai, ka pu. Chung ilo kal tuma buaipuitu che chu midang an ni ngei ang. I kut leh ban khawih a hunah I thil bun khan thisen kal thlengin a tibuai tlat alawm. Pawi I tihloh chuan phelh hram teh, ka pu," a ti ta tlat a.
An han ngawidun vang vang a, Count Lippe chuan, "Anih leh phelh ta poh che," lawmlo tih hriat tak chuan a ti ve ta nge nge a.
"Ka lawm e, ka pu,"
An han ngawidun hlek a, an inkhawi tan ta a.
An inhnial buaina chu Bond chuan mak a tirilru hle a. Taksa sawizawi tur chuan sana bunlai phelh chu thil awmlo pawh a ni lo va. Bunluih a tum tlat pawh chu naupang tihawm tak ni hian Bond chuan a hre rum rum a.
"Ka pu, inher rawh le,"
Bond chu a han inlet a, a duh lam lam hawizawngin a thlekual thei ta a. A dinglam a han hawi a, Count Lippe chu lehlam hawizawngin hian a lo mu a, a ban veilam chu alo thlakthla a. A sana bunna lai bik chu nisa hmu ve ngailo tih hriat deuh hian a no var hlung mai a. A sana bunna lai tak vun ah chuan rawngsen hian kikawi deuhva rin pahnih kalthiang hi rin sen pahnih dang hian a lo kawkalh leh chiah a. Chu thil chu Count Lippe chuan midang hmuh a duhlo ni ngeiin a lang a. Bond chuan an record section a chutiang chhinchhiahna sawifiahna an kawl leh kawlloh zawhfiah a, eng miin nge hmang țhin tih hriat chu chakawm hlein a hria.
Thupui fun hmel deuh hian Bond chuan, "Ava pawi tak ve le!! Kan kalna tur hmun a an ei leh in an sawidan ngaihtuah chuan chutiang lam ngaihtuah thei awm pawha an lanloh nen," alo ti bauh va. Tlangval chuan a hnar a han tum dawt a, "Chu chu kan ngaihdan pawh a ni ve tho alawm. Ka thian pakhat, apa chu doctor a ni a, apa nen an sawidun a. Doctor chuan an ei leh in bakah hahdam taka a awm chuan taksa a tihrisel a. Zu an lem bawk si lo nen; kan tarho chu a hma ai daihin an harhvangin an hriselna țhin a ni awm e." a lo ti a.
Bond chuan, "Â, va pan tlakna lai tak te pawh a nih chu à," a lo ti a, an nui dun hawk hawk a.
An hmalam kawngsir ding lamah chuan thuziak chiangtak hi a lo intar ta kuau mai.
SCHRUBLAND, GATEWAY TO HEALTHBengchheng lo hram rawhTiin.
Chulam kawng chu fâr thing zingah a invet kual nasa hle mai. Reivaklo an tlan hnu chuan lungbang sang deuh tak hi an thleng ta a. Chumi piahah chuan Lalnu Victoria hunlaia an sak țhin ang in lianzet mai hi alo ding luah mai a, a panna kawngsir ah chuan hnimbuk mawi tak tak a ding thulh mai bawk a. Kawngsir thutthlenga tar nupa lo țhu dun chu car horn ri ah chuan an lo kimki chawih chawih mai bawk a.
Kawtzawl zau tak mai hi an thleng phei ta a, a sirah chuan pangpar a tam hle mai. In bathlar, darthlalang renlo taka an sak chuan hmun thui tawk fe a rawn luah nghe nghe a.
Tlangval chuan car chu a riding a, Bond chu a chhuak ve nghal a. Chuan man pawh tam deuh hlekin driver chu a pe a. Tlangval chuan phu ve reng hmel pu deuh si hian, "A lawmawm e. Helai hmun hi tlanchhuahsan I duh ngai te anih chuan min rawn bepawp mai dawn nia. Nula pawh Polly chauh nilo, midang an la awm nual tho tih hria la a tha ang," tih pahin kawngkhar chu a khar a, chak takin a limchhuak leh ta a.
Inchhung chu alo lum nuamin thawm a reh deuh duk mai a. Khualchhawntu dawhkanah phenah chuan nula chhelo tak, thawmhnaw var inbel hi a lo awm a, hawihhawm tak hian a lo chiauau va. Register ah hming leh tuldang te a chhinchhiah zung zung a, chumi an tihzawh chuan inhnung lam panin corridor kikawi takah chuan an inzui phei ta a. Corridor sir tawna kawngkhar engemawzatah chuan pangpar chi hrang hrang hming hrang hrang hi a intar hlawm bawk a. Nula chuan Bond chu kawngkhar pakhat, Myrtle tih intarna ah chuan a hruailut a, an hotu chuan dar 06:00 ah a hmuhtheih tut thu alo hrilh a, a chhuahsan lehnghal a.
Pindan chu simple tak, mawi tak si a chei a ni a, khumah chuan Electric blanket alo awm bawk a. Khumbul dawhkan bula pangpar khawinaah chuan marigold pathum alo inkhawi a, a sirah chuan lehkhabu, 'NATURE CURE EXPLAINED' by Alan Moyle, MBNA tih inziak hi a lo let ngat bawk a.
Bond chuan a han keu chhin a, MBNA tih awmzia chu a han en a. Member British Naturopathic Association tihna a lo ni a. Inchhung lihlumna chu a off a, tukverh chu a hawng a. Tukverh bul maiah chuan pangpar chi hrang hrang hi alo intlar püt mai a. Bond chuan a suitcase a a thawmhnaw te chu a khaifel a, taksa atanga bawlhhlawh paihchhuahdan tih inziak chu a chhiar vel ta mai mai a. Thuife a chhiar hnu chuan telephone chu a rawn ri a, khualchhawntu nula khan minute 5 hnuah Mr. Waina'n consulting room A ah a hmuh tur thu a rawn hrilh a.
Mr. Wain-a kut chu no leh nélthap mai hi a ni a, a tawngkam chhuak pawh a nelawm thawkhat hle. Sambu chhah tak, mitmu uk fiahzet mai leh nuihmel pu, nelawm hmel tak a ni a. A hmel leh mitmengah chuan Bond chu lo ngaihven leh ngaihtuah tak tak hmel pawh a pu hle mai. Kawrfual var a ha a, kekawr ding tial a ha bawk a. Mawza bun tho siin vawthlep a bun hnan a, a ke pen chu a zang hle mai bawk.
Bond chu a thawmhnaw phelh vek turin a hrilh a, ani a inphelh ruah hnu chuan a han belchiang a, a taksa a ser tam tak mai a han hmuh chuan, "Ekhai!! Indiana ah I Tel ve niawm tak a ni, Me. Bond?" a han ti a.
"Ni e, ka thi thelh a ni,"
"Anih tak chu. Indiana hi chu thil rapthlak tak niin ka hria. Awle, thaw han la vak teh," tiin Wain chuan Bond chu a awmah leh hnung lamah chuan a han ngaithla a, a BP chu a han la a. A duhzawng a buk a, a sanlam pawh a tehnghal vek a. Inentirna khumah chuan a bawhtir a, a ruh chuktuah Vel chu a han hmet dan dan a.
A duhtawk a ngah hnu chuan Bond chuan a thawmhnaw te chu a ha leh ta a. Mr. Wain pawh chuan lehkha a ziak nghal mawlh mawlh a, a rawn dakchhuak a.
"Awle, Mr. Bond, ngaihthatlohna tur a awmin ka hrelo. I thisen a sang lek lek a," tiin a taksa thatlohna lai ni a a hriatte chu a han sawi zung zung a. "Tun atang chuan I thisen a tur awm tihreh nan Kar khat chhung ei leh in lamah hrek ini dawn a. Hahdam takin I awm tur a ni. Civil servant ini a, Mr. Bond, I lehkha ziak leh hna tam tak han tlansan rih pawh a that ka ring a ni," tiin a thusawi chu a han tlip leh a. A dingchhuak a, lehkha chhutsa hi Bond chu a pe a. "In enkawlna room ah darkar chanve hnuah ilo kal dawn nia. Mr. Bond, bul tan nghal mai ila a dik ka ring," a han ti a.
Bond chuan, "Ka lawm e." a ti a, lehkha chu a la a. "Enge inenkawl nan a traction in tih hi?" a han tilet a.
"Hnungzang ruh pawhfanna hmanrua a ni. Taksa tana tha tak a ni. Helaiah lokal mi țhenkhat te sawi dan chu awih duh lem suh. Mi țhenkhat phei chuan The Rock, an ti a."
"Anih tak chu"
Bond chu pawnah chuan ava chhuak a, corridor zau tak sirtawn a thutna ah chuan mi engemawzat hi an țhu a, lehkha an chhiar mawlh mawlh hlawm a. Țhenkhat chu zawite tein an inbe sep sep bawk a, an vai mai chuan kum 40 bawr vel deuh vek an ni nghe nghe awm e. An incheina lah chuan mit a lalo nasa mai bawk nen; Bond chu pawnah a chhuak ta a.
Kawta pangpar inlara kalkawngah chuan muangchangin a kal a, a hmabak lah chu a huphurh nasa mai. Pumpelh dan a awm angem tihte a ngaihtuah a, a hna a bansan anih ngawt loh chuan han thulh ngawt dan chu awmin a hre bawk si lo. Hnimbuk phen kawng kawi a nula lokal, thawmhnaw vara inthuam nen chuan insu thelhin an intawk ta a. Nula chuan nui chung hian kawngpui lamah chuan a han hel dawn a, chutihlai tak chuan Bentley Car hi nula chilpha tur chiah hian chak deuh mai hian a rawn dawk phei zawk mai bawk a. Mahse Bond chuan nula kawngah chuan kuahin a chawisawn nawlh mai a, Bentley car pawh chu an bul maiah chuan a rawn ding be nghal chawt mai a.
Nula chuan makti hmel tak chung hian Bond chu a han en a, "Ka lawm e," a ti zui nghal a. Car lam chu a hawi a, car atang chuan pa pakhat hi hmanhmawhlo tak hian a rawn chhuak mek bawk a. Aw dam duai hian, "Ka tipalh teuh hle mai che. I tha maw? Ka thiamlohna a ni. À, ka thian Patricia zu ni reng a!! I tha em?" a han ti zui a.
Chupa chu palian lam leh hmeltha tak, hang ngaihnobei lam hi a ni a. A hmuihmul rual taka a zuah hnuaia a kareh, nunrawng hmui lam deuh chu nula tam tamin an mang lama an tawh fo thin ang chi a ni a. A hmaifang atang chuan Spanish emaw, South American mi emaw ni ngeiin a lang. Fit 6 vela sang, inkhaithli lam leh inzo hmel tak, a incheina chu duhdah lam deuh mah nise, man to tak si hi a ni a. Bond chuan hmeichhe laka tlatlum thei tak leh an thawhchhuah ringa khawsa țhin anih hial a ring a.
Nula chuan vin deuh hian, "Fimkhur deuh tawh la a tha ngawt mai. Count Lippe, he kawngah hian kan mikhual leh hnathawktute an veivak reng tih I hre reng si a, he gentleman hi lo awmhnai lo phei se chuan min chil thei hial ang chu. Pawn maiah sawn Driver te tan fimkhur a țul tih thu kan tarlang reng si a!!" a han ti a.
"Ni e, a pawi ngawt mai. Dr. Wain hmu tur ka ni a, ka tlai deuh avangin ka hmanhmawh deuh a ni e. Paris ah karhnih ngawt ka han cham avangin enkawl deuh ka ngai leh tawh a ni," tiin chupa chuan Bond-a lam chu hawiin, "Ka pu, ilo che rang hlauh va, a tihzia hle mai." tih pahin a car a luh pahin a ban a han phar a, a tlantir leh ta nghal a.
Nula pawh chuan, "Ka tlai deuh tawh avangin hmanhmawh ka ngai deuh tlat mai," a ti a, an pahnih chuan car tlanna lamah chuan an inzui phei ta a.
Bond chuan chik deuh zawka en pahin nula hnenah chuan, "He laiah hian I thawk be em ni?" a han ti a. Nula chuan kum 3 chhung zet a lo thawh tawh thu leh nuam a tih thu te alo hrilh bawrh bawrh a, engchen nge a awm dawn tihte a zawt leh nghal a.
Nula chu pian inkhaithli tak, infiamna pawh uar ve hmel tak mai hi a ni a. A kareh chu a zau mah mah em tih lohvah phei chuan a chhelo viau nghe nghe a. Mr. Wain ang bawk khan kawrfual var a ha a, mahse a kawr hak mar danah chuan a thawmhnaw hnuaiah chuan engmah dang a inbel lo ang tih a rin theih a. Chutiang nula tha pangngai nisi, hetiang hmuna a khawsa thei mai chu Bond chuan mak a ti rilru hle zawk a. A hunawlah te chuan eng nge a tih ang tih te a ngaihtuah zui neuh neuh va.
Nula chuan Bond-a ngaihtuahna chu hrethiam niawm tak hian nui chungin, "Car ka nei ve ná a, ka hunawlah chuan ka vakzau ve khawp mai. Ke a han kalvel pawh hi nuam ve tak a ni. Mithar an awm reng bawk si a, țhenkhat phei chu mit la tak tak an ni. Nichina car rawn khalhtu Count Lippe pawh kha kumtin a lokal thin a. Khawchhak lam leh China lam chanchin a sawi țhin phei chu ngaihnawm tak a ni. Macau a tia maw ni! Chulaiah chuan hna a nei a, Hong Kong bul maia awm a ni lawm ni?" a han ti a.
"Ni e," tiin Bond chuan alo chhang vat a. Count Lippe mitmeng ki deuh te pawh chu Chinese thisen kai anih vang ni ngeiin a hre ta a. Macau atanga lokal anih chuan Portuguese thisen kai anih ngei a rinawm a, a chanchin pawh mi pangngai ai chuan a ngaihnawm phian ang tih a ring.
Inchhung an thlen chuan nula chuan lawmthu a hrilh leh a, a kalsan ta a. Bond chuan nula Chu hnunglam atang chuan a thlir zui vang vang a. A Sana a han bih a, pindan hnuailam panna kailawn, uluk taka hrukfai tih hriat hliah hliah ah chuan a chhukthla ta bauh bauh va.
Kawngkhar a 'Gentlemen Treatment' tih intarna pindanah chuan a lut ta a. Taksa lam hmetthiam pakhat, thelretpuan puan awrh hian a lo chiauau vat a. Bond chuan a thawmhnaw a han phelh a. Inhruk puan a veng a, chupa chu a zui ta a.
An kalna sir tawnah chuan pindan a awm thluah a, pindan hmasa berah chuan pa pahnih, upa lam deuh leh thau lam deuh hi Electric blanket sin hian an lo thlan zawih zawih mai a. Chumi piah chiah pindanah chuan inhmeh tirna dawhkan pahnih hi alo awm a, dahkan pakhat a tlangval thau, ngo zet mai chu pa pakhat hian alo sawisa mek a. Bond chuan a thilhmuh chu a rawn chakloh ber chi a ni tih a hre thei nghal mai. Mahse a hruaitupa duh ang chuan dawhkan pakhatah chuan a bawk a, tunhma a ala tawn ngailoh tawp, taksa sawisak chu a takin a tawng ta. A bul dawhkanah tlangval pawh chu an tawhna a rei deuh nge ni; a tho va, midangin a rawn thlak ta a. A sawngbawltupa chuan, "I sana kha phelh a țul tlat mai, ka pu," a han ti a.
Aw nal leh mi chaldelh deuh hian, "Thil tullo tawp anih chu. Kumtin ka lokal ziah a, ka sana min chhuhsak ngai lo. Pawi itih loh chuan ka bun zawk ange," a han ti a. A aw atang chuan tunge ni tih Bond chuan a hre nghal mai a.
Mahse a taksa sawizawitu chuan hawihhawm tak si hian, "A pawi ka ti ngawt mai, ka pu. Chung ilo kal tuma buaipuitu che chu midang an ni ngei ang. I kut leh ban khawih a hunah I thil bun khan thisen kal thlengin a tibuai tlat alawm. Pawi I tihloh chuan phelh hram teh, ka pu," a ti ta tlat a.
An han ngawidun vang vang a, Count Lippe chuan, "Anih leh phelh ta poh che," lawmlo tih hriat tak chuan a ti ve ta nge nge a.
"Ka lawm e, ka pu,"
An han ngawidun hlek a, an inkhawi tan ta a.
An inhnial buaina chu Bond chuan mak a tirilru hle a. Taksa sawizawi tur chuan sana bunlai phelh chu thil awmlo pawh a ni lo va. Bunluih a tum tlat pawh chu naupang tihawm tak ni hian Bond chuan a hre rum rum a.
"Ka pu, inher rawh le,"
Bond chu a han inlet a, a duh lam lam hawizawngin a thlekual thei ta a. A dinglam a han hawi a, Count Lippe chu lehlam hawizawngin hian a lo mu a, a ban veilam chu alo thlakthla a. A sana bunna lai bik chu nisa hmu ve ngailo tih hriat deuh hian a no var hlung mai a. A sana bunna lai tak vun ah chuan rawngsen hian kikawi deuhva rin pahnih kalthiang hi rin sen pahnih dang hian a lo kawkalh leh chiah a. Chu thil chu Count Lippe chuan midang hmuh a duhlo ni ngeiin a lang a. Bond chuan an record section a chutiang chhinchhiahna sawifiahna an kawl leh kawlloh zawhfiah a, eng miin nge hmang țhin tih hriat chu chakawm hlein a hria.
Comments