Kristiana Vanram Kawngzawh-15

BUNG 15 

Tin, ka mumangah chuan chu kawr tawpah chuan thisen te, ruh te, meivap te, mihring ruangte ka hmu nual mai a. Chung zingah chuan hmanlaia van lam kawng zawh mite ruang pawh a tel ve a. Engtizia nge ni tia ka ngaihtuah lai chuan ka hma lama puk pakhatah hian milian pahnih, Bumhmanga leh Pathianhrengailova ka hmu ta a. Chungte chu an thiltihtheihnaa an nunchhiat avanga an tihhlum ruhte leh an thisente a ni. Nimahsela Kristiana chuan hlau mang lovin a pel ta mai a. Chu chu mak ka ti hle mai a. Nimahsela nakin hnuah chuan Pathianhrengailova chu thi tawh daih a ni tih lo hrechhuak leh ta a. A pakhat pawh chu dam zawng a dam na a, a tar tawh em em mai a; a tlangval laiin lungngaihna nasa tak a lo tuar a, a ruhtuahte a khawng a, chuvangin chu puk kotlangah chuan lo thu a mi lo kalte chu lo melh a, anmahni a beih theih loh avanga hachang lo thial ngawt mai loh chu engmah tih theih a nei lo a ni. 

Chuti chuan Kristiana chu kal zelin kal hmu a. Nimahsela puk kotlanga putar lo thu a hmuha khan thu engemaw a lo hrilh avangin thildang reng reng a ngaihtuah thei lo va. Nimahsela Kristiana chuan a rilru a siamtha a, muang takin a pel ta a. 

Chutichuan Kristiana chu a hmaa khaw thlima awmah chuan a han lawn chho va. Chu chu vanram zawng miten an hmalam an thlir theihnan an siam a ni reng a. Chutah chuan a han lawnchho va, hmalam a han thlir a; tichuan Rinawma kal chu a han hmu a. A hmuh veleh chuan ring takin a au va, "Min lo nghak rawh khai, I kal dun ang," a ti a. Chu chu a han hriat chuan Rinawma chuan a han lehhawi a; tin, Kristiana chuan, "Min lo nghak rawh i kal dun ang," tiin a au leh a. Nimahsela Rinawma chuan, "Nghak lo ve, kal nun chhanhim tura kal ka ni a, hnung lamah phuba latu chu a awm tih ka hria a ni.” a ti a. Chutichuan Kristiana chu a tlan vak a, a zu umphak a, a lehpel leh ta zawk a; a hnuhnung chu a hmasaah a tang ta zawk a. Chutichuan Kristiana chu a unaupa a lehpelh avang chuan uangthuang takin a nui a: Nimahsela a kalna chu a en a lo va, a tlu ta a. Rinawma’n a puih hma loh chuan amah chuan a tho thei ta lo va. 

Tin, ka mumangah chuan mi pahnih  chu inngeih tak leh lungrual takin an kaldun a. Kalkawnga an chunga thil lo thleng zawng zawngte chu hlim takin an sawidun ta a. Chutichuan Kristiana chuan, ”Unau duh tak Rinawm, ka umphak che avang hlan kal lawm em em a ni; hetia nuam tak leh tha taka kal dun tur hian ka rilru a lo insiam a nih hi," a ti a. "Ka thian duh tak, kan khua atang khan pawl ve nghal che ka tum a, nimahsela min lo kalsan ta mai a, chuvangin keimah chauhvin kal lo kal ta mai a ni," Rinawma chuan a ti  a. 

Tin, Kristiana chuan, "Min rawn um hmain Boralna khuaah chuan eng chen nge I awm?' a ti  a 

Rinawma chuan. "I kal hnu khan, 'Rei lo teah kan khua hi a kang chhe vek dawn,' tiin an sawi a, chuta chin chu rei ka awm ngam ta lo a ni," a ti a. 

Kristiana chuan, "Chutiang thu chu in vengten an sawi maw?" a ti a. 

Ani chuan, "Sawi e a. Mitinin an sawi noh noh mai,” a ti  a. 

"A nih leh chu mi hlauhawm tlansan tur chuan mi dang lokal ve awm lovin nangmah chauhvin I lo kal si maw?” Kristiana chuan a ti a. 

Tin, Rinawma chuan, "Ka sawi tak ang khan sawi zawng an sawi nuai nuai na a, mahse an awih meuh lo niin ka ring. Thukhawchanga an sawinaah pawh mi thenkhat chuan I chanchin hi nuihzatthlak tak leh hrehawm awm taka an sawi ka hria: nimahsela kei zawng kan khua hi van atangin meiin a kangchhe dawn tih ka ring fo va, chuvangin ka rawn tlansan ta a ni," a ti a. 

Kristiana chuan, "Thian Thlemsama chanchin an sawite I hre bawk lo maw?" a ti a. "Hria e, Kristiana, ka hria asin; Lungngaihna chirhdup thlengin a zui ve che tih ka hria: mi thenkhat phei chuan ‘chutah chuan a tlu e’ an tih ka hria a. Nimahsela amah zawngin chu thu chu mi hriat a duh lo hle mai a. Nimahsela chirhdiak chu kai luaiin ka ring a ni," Rinawma chuan a ti  a. 

Kristiana chuan. "A thenawm khawvengte chuan a hnenah engte nge an sawi le?" a ti leh a. 

Rinawma chuan, "A lokir leh achin chu mi naranin an nuihzabur a. an hmusit a. Tumahin hnathawkah pawh an duh lo. A kal hma ai khan a leh sarihin a chhe ta zawk a ni,” a ti a. 

Kristiana chuan, "Anni pawhin a kalna kal chu an ngainep viau si a, engtiziaa a chunga chutiang chu ti  nge an nih?" a ti a. 

Rinawma chuan, "Mi rilru lamlet mi mai mai, awhhlum tir rawh u, thiltih hlen ngam hlei lo," an ti huai huai mai a ni. A thiltih tum chu ti lova a awm leh tak avangin amah hmusit tur leh nuihzat turin Pathianin a hmelmate chu a fuihpawrh niin ka ring," a ti a. 

Kristiana chuan, "I lo chhuah hma hian in Inbe teh reng lawm ni?' a ti  a. 

Rinawma chuan, "Vawi khat zawng kawtthlerah kan Intawk a; nimahsela a thiltih dan avanga zak niawm takin mi hel ta mai a, kan inbe ta lo," a ti a. 

Kristiana chuan, "Ka chhuah tirh lai kha chuan atir khan beiseina kal neihsak deuh thin a, nimahsela tunah chuan khuain a boralpui mai ang tih ka hlauhsak ta e a, ‘Uiin a luak a ei leh a, vawk chirhdiakah a inbual,’ tih ang hian a awm si a." a ti a. (2 Pet 2:22) 

Rinawma chuan, "Keipawh chu chu ka hlau fo reng a ni. Mahse tunge dal thei ang?" a ti a. 

Kristiana chuan, “Thian Rinawm, chu chu I bansan ang khai. Keimahni chungchang thu I sawi teh zawk ang. Kalkawngah thil engte nge I rawn tawh min han hrilh teh khai. Thil engemaw chu tawh zawng I nei ngei mai tih ka hrereng mai a. I tawh loh chuan mak ka ti hle ang," a ti a. 

Rinawma chuan, "I tlakna chirhdup kha ka rawn pumpelh a, hlau lovin kawngka chu ka thleng a: Tin, mi pakhat ka tawk a, a hming chu Suallawmmanduhi a ni. Thil min tihsual tir a tum nghe nghe a ni," a ti a. 

Kristiana chuan, "Zuk ni tak ale. A tlan a i tlansan hlauh chu a tha a nih chu. Josefa pawhin a thlemna chu a ngam bawk a ni. Amaherawhchu a thih phah theih a ni. (Gen. 39: I I- I3) A nih leh engtinnge a tih che?" a ti a. 

Rinawma chuan, "A dangnalziate chu i hre chawk ang a. Mi a han fak der luam a, a kalna lama kal ve turin min sawm chiam a. Engkim tih theih mai hi min tiam a, kalsan pawh a har kher mai," a ti a. 

Kristiana chuan, 'Thil tha zawng a tiam lo vang che chu maw?" a ti  a. 

"I hria alawm, khawvel Itawmna thil chauh a ni a sawi ni," Rinawma chuan a ti  a. 

Kristiana chuan, "Amah I tlansan hlauh chu a tha a nih chu, Lalpa thinurna chu a chungah a tla ang," a ti a. (Thuf. 22; I4) 

Rinawma chuan, "Ani chu ka tlansan takzet leh zet loh pawh ka la hre lo a ni." a ti a. 

"Engati  maw? A duh ang chu l remti  lo a ni lawm ni?" a ti a. Rinawma chuan, "Keima intihbawlhhlawh na chuan duh lo ve; 'A kawng chu hremhmunah a lut.' (thuf. 5:5) tih ziak hi ka hrereng a. Chutichuan a mi dawi ka hlauh avangin ka bengkhawn lova, (Job. 3I:I) Tin, ani chuan min hau va, kal kalsan ta mai a ni." a ti a. 

Kristiana chuan, "Thil dang engmah i hmu lo maw?" a ti leh a, Rinawma chuan, “Tlang chho bul ka va thlenin putar pui pakhat hi ka va tawk a. Tunge ka nih leh khawia kal tum nge ka nih min lo zawt a. Tin, kei chuan van ram zawng mi ka nih leh van rama kal tur ka nih ka hrilh a. Tin, putar pui chuan, "Mi rinawm tak ni awmin I lang e, a awm tawk apiang hlawh ka pe ang chia, ka hnenah awm ta che. I duh lawm ni?" a ti a. Tin, kei pawhin tunge a nih leh, khawia awm nge a nih ka zawt a. Ani chuan a hming chu Adamhmasaa a nih leh Bumna khua a awm a nih min hrilh a. (Ephe. 4:22) Tin, kei chuan a hnathawh tur chu engnge a nih leh hlawh eng ang nge min pek dawn tih ka zawt a. Hnathawh tur chu lawmna tam tak a ni a, a hlawh tur chu rokhawmtu nih tur a ni tih min hrilh a. Tin, kei chuanin eng ang nge a neih leh chhiahhlawh eng angte nge a neih ka zawt leh zel a. Tin, ani chuan Iei chu khawvel thil mawl tak taka siam a ni a, a chhiahhlawhte chu ama fate vek an ni tih min hrilh a. Tin, fa engzatnge a neih kal zawt leh a, ani chuan fanu pathum a nei a, an hming chu Taksalawmnaduhi te, mitihlawmnaduhi te, Inchhuangi te an ni. (Joh. 2: I6) Ka duh phei chuan chungte chu nupui atan ka nei thei ang tih min hrilh a. Tin, a hnenah eng chen nge  awm turin min duh ka zawt leh a, ani chuan ‘Dam chhung zawngin le,' a ti a, " a ti a. 

Kristiana chuan, "A nih leh a tawpah engtin nge in intih tak?" a ti a. 

Rinawma chuan, "A sawi mawi em avangin a tirah chuan a hnena awm mai chu ka han rilruk deuh va. Nimahsela chutia kan inbiak lai chuan a chal chu ka han en a, chutah chuan, ‘He putar leh a thiltih zawng zawng hi hawisan rawh,’ tia ziak chu ka hmu ta hlauh a ni," a ti a. 

“Tin, engtin zel nge ni ta?" Kristiana chuan a ti a. Rinawma chuan, "A thusawi zawng zawng chu ka haw ta viau mai a, a ina min hruai chuan sala min zawrh mai pawh ka lo ring ta. Chutichuan a kawngkhar bul pawh chu thlen ka tum loh avangin ka hnenah pawh sawi tam lo turin ka ti a. Tin, ani chuan min hau va, "I kalna tihrehawm turin I hnungah mi ka rawn tir ang," min ti a. Tin, kei chuan kal ka tum ta a. Chutia kal tuma ka han her veleh chuan min han man a, nasa takin ham vak a, ka tisa a sawk thla ta deuh emaw ka ti hial a. Chutichuan, "Ka va rethei tehlul em!' tiin ka au vak a. (Rom. 7:24) Chu mi hnuah chuan ka kal leh ta zel a. Tin, tlang chanve lai ka va lawn chhoh chuan ka han lehhawi a, mi pakhat hian thli anga chakin min rawn um ngat ngat mai a; chu mi chuan chawlhna hmunah min rawn um phak a," a ti a. 

Kristiana chuan, "Keipawh kha mi hmunah khan ka chawl a, ka mut a chhuak em a, ka lo muhil ta a. He mi ka lehkhabu hi ka hloh nghe nghe asin," a ti a. 

Tin, Rinawma chuan, "Unaupa, lo ngawi teh rih. Ka han hrilhfai kelh ang che. Chu mi chuan min rawn umphak veleh engmah sawi mang hlei lovin mi han vawhlum thelh mai a; nakina ka han harh hnu chuan eng vanga chuti  fakauva mi vua nge a nih ka han zawt a. Ani chuan, "Keima thuin ka ti mai a ni," a ti a. Ka awmah hian mi han vaw leh nghek nghek a: Tin, ka let ta reng mai a. Tin, ka lo harh leh chuan khawngaihna ka dil a, nimahsela ani chuan, "Khawngaihna entir dan ka hre lo," a ti a. Mi han titlu leh a, mi tihhlum hi a ni hawt tawh a. Nimahsela mi pakhat hi a lo kal a, chu mi chuan a rawn tibang ta a," a ti  a. 

Kristiana chuan, "Chu mi chu tunge ni?" a ti a. Rinawma chuan, "A tirah zawng tunge a nih reng ka hre lo va, nimahsela a kallai chu ka han en a, a pangah chhunna leh a kuta khenna hnuhma ka hmu a, chutichuan kan Lalpa a ni tih ka hre ta a ni. Chu mi zawhah chuan kei chu tlangah chuan ka lawnchho ta a ni." a ti a. 

Kristiana chuan, “Chu mi a rawn umphatu che chu Mosia a nih chu. A dan bawhchhetute chu tumah a zuah ngai lo: khawngaih dan pawh a hre lo a ni," a ti a. 

Rinawma chuan, "Ka hria asin. Tun chang hi ka hmuhna a ni nem. Amah hi alawm Ina hlim taka ka awm laia lokal a, ‘Heta i awm reng chuan i in ka hal ang,' rawn titu chu," a ti a. 

Kristiana chuan, "A nih leh Mosia awmna tlang chhipa in awm kha i hmu lawm ni?" a ti a. 

"Hmu e. Ka thlenhma daihin sakeibakneite pawh kha ka hmu a, nimahsela chhuni anih avangin an muhil niin ka ring; Tin, ni pawh a la sang hle si a, chuvangin kawngkhar vengtu kha ka pel a, ka kaltlang ta a ni," a ti a. 

Kristiana chuan, "A hmu che tih min hrilh asin. Kha mi in kha i han tlawh ve atan ka it em em mai a ni. Han kal la chu thil ropui tak tak an entir ang chia, chung chu I thih ni thleng pawhin i theihnghilh lovang. A nih leh Zahna Kawnah mi i tawk em?" a ti a. 

Rinawma chuan, “Tawk e. Lungawilova ka tawk a, a hnena kir leh turin min thlem a; 'Chuta I kal zawngin nuam lo takin I awm ang; i thiante- Chapova te, Intiveia te, Inngaihlua te. Khawvelthilaropuia-te leh i thian dang reng rengte pawhin pawi an tiin, rem an ti lo hle ang,' tiin min hrilh a ni," a ti a. 

“Anih leh engtinnge I chhan?" a ti leh a. Rinawma chuan “Chung I sawite chu ka thenrual leh ka phungchangte an ni ngei thin tak a, nimahsela vanram zawng mi a ka awm chinah chuan mi lo mihran ta a. Keiin ka mihran bawk a, chuvangin tunah chuan ka laichin lote ang an lo ni ta," tiin ka chhang a. Tin, chu lo pawh chu chu mi chanchin a sawi chu a dik lo nasa tih ka hrilh bawk a ni. ‘Ropui hmain tlawm rih phawt tur a ni a : chapo hi tlukna a ni’ tih kal hrilh bawk a,” a ti a. 

Kristiana chuan, "Chung lo chu mi dangte tawh l nei lo maw?" a ti a. Ani chuan, "Nei e, mi pakhat a hming Zakzuma ka tawk a. Ka mi tawh a zawngah chuan he mi hian a hming a pu dik lo berin ka ring a ni." a ti a. 

Kristiana chuan, "Eng thu nge a hrilh che," a ti  a.

Rinawma chuan, "Sakhaw lam thu reng reng hi a duh lo va. 'Sakhaw lam mihringin kan ngaihtuah hi a pawi em a ni. Eng atan mah a ni lo ve. Chhia leh tha hriatna zawm zelte pawh hi engmah a ni lo ve, mi dawizep nihna mai a ni. Mi tupawh chutianga a awm a, kawng thenkhata Insum vak mai mite hi mi nuihzat bur mai chauh an ni," a ti a. Tin, Mi ropui leh hausa, mifing tak takte pawhin i ngaih ang hian an ngai lo a ni. Chutianga mi a ni tura thlem thlukin tumna awm pawh an la awm ngai hek lo. Engnge a nih tumahin an hriat loh avangin. (IKor.1:26: 3:18; Phil. 3:7-9; Hoh. 7:48) Chutiang mi awm tur chuan tumahin thil engkim chin hi an duh hek lo," a ti leh a. Tin, chung lo pawh chu thil dang tam tak a sawi a. "Khawvel thila a taka awm hi a zahthlak e," a ti bawk a. Tin, "Pathian thu hril ngaihthlaka lungngai taka awma mahni in lama rum chunga va hawna mahni vengte chunga thil tihsualnaa ngaihdam dil mai mai te hi thil zahpuiawm tak a ni. Chungte chu zahthlak I ti  ve lawm ni? min ti  a," a ti a. 

Tin, Kristiana chuan, "Engtin nge I chhan?" a ti a. Ani chuan, "A tirah chuan chhan ngaihna reng ka hre lo va, ka mangang em em mai a. Ka thawte pawh a sa phat mai a. Nimahsela a tawpah zawng, ‘Mihringin an ngaih ropui chu Pathian ngaihin tenawm tak a ni.' (LK. I6: I5) tih hi ka lo hrechhuak ta a. Tin, ka han ngaihtuah lehzual sauh va, he Zakzuma hian mihring thu chauh min hrilh a. Pathian chu engnge a nih leh, Pathian thu chu engnge a nih reng reng a sawi lova, ka rilruin, 'Nikin niah chuan mihring thuin kal thin hi ka  nung lo vang a. Pathian thu thuin a ni ang,' tih ka lo ngaihtuah ta zawk a. Chuvang chuan Pathian in a sawi chu a tha ber a ni. Khawvela mi zawng zawng pawhin do mah sela a tha ber a ni. Chuvangin Pathianin Amah biak dan chu tha a tiin a duh a, chhia leh tha hriatna zawmte pawh tha a tihzawng a ni a. Vanram chan duh vanga mi a-a insiamte chu mifing a ti zawk a ni. He khawvela mi rethei ber pawh hi Krista hmangaihtu chu Amah hawtu ai chuan a hausa zawk a ni. "Nang Zakzum, mi kalsan rawh. Ka hmelma i ni e: Ka Lalpa dodal turin ka pui ang che maw? Chutiang ka tihte chuan a lo kal hunah a hmel ka hmungam dawn em ni? (Mk. 8:38) A rinawmna leh a dan chu zahpui siin engtin nge a malsawmna hmuh ka beisei theih ang?" ka ti a. Nimahsela Zakzuma hi mi sual huaisen tak a ni a, tha then mai pawh harsa tak a ni. Mi rawn hnaih lui zei a. Sakhaw lam thu sawichhiatna hlir mai hi ka bengbulah zawi te te in a sawi a sawi mai a. A tawp a tawpah zawng chutianga hmusit taka a sawi zawng zawngte chu keiin ka ngaih ropui em a te an ni tih ka han hrilh a, chuta chinah chuan ka kalsan thei ta hram a ni." a ti a. 

Kristiana chuan, "Unaupa, chu misual tak chu huai taka I dodal avangin ka lawm em mai. I han sawizia rengah chuan a hming chu a pu dik ngawt mai tak e; Kawtthlerahte mi a zui a, mipui hmaahte mi tihzah tumin mi a thlem a; thil tha chu zahpui turin mi a thlem a. Nimahsela ama tih ang ti tur chuan mi thlem thlu lovang. Mahse amah chu i dodal reng ang. Mi â te chauh a chawimawi a ni. Solomona chuan, ‘Mi fingte chuan ropuina an chang ang a, mi fing lote chuan zah an hmu ang,' a ti  a ni," a ti  a. (1Thuf. 3:35) 

Rinawma chuan, "Zakzuma dodal turin Pathian hnenah tanpuina I dil ang. Chutichuan leiah hian thudik ah chuan kaihruai ang," a ti a. 

"Ni, I tidik zet mai, kawnah chuan mi dang I tawk lo maw?" Kristiana chuan a ti  a. 

Rinawma chuan, 'Tawk lo. Chu mi kawna ka kal lai chuan ni a eng a, Thihna Hlim kawra ka kal lal pawhin a eng bawk a. chuvangin engmah dang ka tawk lo," a ti a. 

"Nang chu a that chu, kei chu chutiang reng a ni lo. Chu mi kawra ka luhtan deuh thaw atangin Setana nen nasa takin kan inbei a; mi han tihtluka min han rahbeh lai phei chuan mi tihlum tak ngial dawn emaw ka ti nghe nghe a. Chutia mi han tihtluk veleh chuan ka ngunhnam ken chu ka thlauh leh hlauh va, chu veleh chuan Setana chuan, 'Tunah chuan ka ngam ngei dawn ta che le,' a han ti  a: nimahsela ka tawngtai a. Tin, Ani chuan min lo hria a. ka manganna zawng zawng ata chu min chhanchhuak ta a. Tin, Thihna Hlimkawrah chuan ka lut a, kawng chanve zet chu a thim em em mai a. Chutah chuan vawi tam tak chu ka thi dawn ta emaw ka ti  a; nimahsela a tawpah zawng khua a lo var a, kal hmabak chu sam takin ka tlang thei ta a ni," Kristiana chuan a ti a.