Hindi Lesson-Part 7

~By: Zairemthanga

Post loh tawp aiah tawite, zirlai tana tangkai lutuk tur ni si ka'n post leh ang e. A lehpekah chuan Spoken lam te pawh kan post tawh ang chu.

Tun tumah chuan hawrawp chanve hman dan kan zir dawn a ni. A vai chuan sawi sen a ni lo a, a langsar zual leh theihnghilh harsa chi, hriatreng tur chi kan zir ang. A awl lutuk a, a zahthlak zawk.😆

Consonant-inang (hawrawp inang) a awmin a hmasa zawk kha a half a ni thin a ni. Entirna pe ila, a chiang mai ang.

Chakkar- Hetah hian 'k(क)' hi a awm záwn ta a. Tin, a hran ve ve in an ri a. 'Chak+kar' a nih chu. Chuvangin, a hmasa zawka क khi a half a lo ni dawn ta a, heti hian a lo chhuak ang. चक्कर . Hetiang zel hian a dang pawh a ni.

Bappâ- बप्पा

Chhannî- छन्नी

Pakkâ- पक्का

Chammach- चम्मच

Consonant inang a awm zàwn apiangin a hmasa zawk kha hawrawp chanve a ni zel tihna a nih chu.

Mahse, a nih lohna thumal hi a awm ve tlat mai a, chung chu इससे leh उससे hi a ni. A chhan chu hetah hi chuan इस leh उस hi Pronoun an ni a, a mala awmze hran an neih avangin स khi a chanve a ni ve lo a ni. 

Eng pawh ni se, lesson khata tam deuh zir aiin thiam a awl deuh ang chu. Ka lawm e.