TAKE IT EASY, MR. BOND
Damdawiin pindan var vuk maiah chuan Felix Leiter chu ava lut a, kawngkhar chu dimte a kharin, damdawi ruih avanga mu bur mai Bond bulah chuan alo phei a, "Engtin nge i awm, thianpa?" a han ti a.
"Ka tha e. Ka hai deuh chhu mai tih loh chu," a lo ti a.
"Doctor chuan rawn hmuh che hi ala remti chiah lo va, mahse thil awmdan i hriat chak ka ring deuh va,"
"Aw le, ka han hrilh zung zung ang che. Sawithui hun pawh a ni vak lo. Doctorin min rawn hmuh vaih chuan min liak hrep a ni mai. Atom Bomb chu a pahnihin an hmu leh a, Physicist Kotze kha a inpuang hmiah hmiah mai. SPECTRE hi pawl lian tak, SMERSH mi leh sa hlui mai bakah MAfia, Gestapo leh hetiang pawl lama misual pawl, bang tawh si insuihfin an ni awm e. An HQ chu Paris a ni a, an hotupa ber chu Blofeld a ni. Mahse man lohvin a tlanchhuak hman hlauh mai. CIA ho sawidan chuan tunah pawh an la man lo a ni awm e. Largoa'n chinchang a hrilhloh avang khan a ngaihthalo a inthiarfihlim a ni awm e. Mi danglam ve tak chu a ni e. Kotze sawidan chuan kum li/nga vel kalta a SPECTRE an chettirh atang khan dollar maktaduai tam tak an hlawh tawh a ni awm e. Tuna an thiltih hi a hnuhnung ber a ni a. Miami kha i ring dik chiah mai. Target No2 tur a ni a, bomb chu Yatch chawlhna hmunpuia dah an tum a ni,"
Inngaihtuahfim tum hram hram chung hian Bond chuan, "Hre duh e," a lo ti ve boh va. A nihna takah chuan Leiter an a thil hrilh tum ai mahin nula chanchin chuan a rilru a luah zawk a ni.
"Anih tak chu. Tunah chuan kan himtlang tawh ang chu,"
"Ni e, kei tihloh. Ka radio ka kalsan hmanlo reng reng. Min rawn be nasa lutuk a, a volve a puakkeh lo chu a mak ngawt mai. M lah chuan i chhantheih hun a chhan tur zawhna a rawn thawn vum thur mai lehnghal. Vawiin tlai hian thil buaipui turin CIA hotu te leh in pawl hotu thenkhat an lokal dawnnhlauh va, a tihzia ngawt mai. Tichuan keini pahnih chuan kan sorkarin thil an khaikhawm dan kan lo thlen tawh mai dawn a ni. Chumi hnu chuan nun chen turin kan inthiarfihlim tawh mai a ni ang chu. Nula kha i hruai duh angem" Hell, ani kha tangkapui dawng awm ber niin ka hria., a huaisen ngei mai. A Geiger counter kha an hrechhuak a, kan sawn tenawm LArgo khan engti chiahin nge a sawisak phei chu ka hre lo.Mahse kan nula khan engmah a sawi miahlo tlat a ni.An pawl an chetchhuah hnu khan an pindan tukverh ah a putchhuak a, tuichhung luhna leh silai nen Largo kha thah ngei tumin a rawn zawng leh ngat a nih kha. A thah mai bakah i nunna a rawn chhanchhuak zui ta lehnghal. Hmeichhia te hi derdep ka ti tawh ngai lovang. Italian hmeichhia te ngat phei chu a ti lo lehzual ang," a ti ta bawrh bawrh mai a.
Leiter chuan a thusawi a titawp a, beng chhi hra chung chuan, "Kan damdawi putara a lokalin ka hria. Kan inhmu leh dawn nia, James," a ti a, a chhuak ta daih a.
Bond chuan chau tak chung hian a han au zui a, mahse Felix chuan kawngkhar a khar hman tawh avangin a hre pha ta lo. Pindan chung chu a en vang vang a, a thinur bakah nula a ngaihtuahna chu a zual tulh tulh mai a. Khawiah tak awm ve ang maw??
Kawngkhar chu a rawn inhawng a, Bond chu a thungil zawt a. Thawmhnaw var ha lolut chu thinur deuh hian, "Nula chu enge a an? Mi hrilh vat teh," a lo ti thawr mai a.
Doctor chuan Bond-a zawhna chu chhang lemlo chuan, "Tunah chuan nangpawh chawl tawh rawh. Darkar 6 danah damdawi pek ini ang a, itan mut tam a pawimawh ber rih a nia. I tha leh vat mai ang. Mahse i chawlhrih deuh a tul a ni, Mr. Bond," tih pahin kawngkhar lam chu a pan phei ta a.
Ani chuan dam duam hian, "Miss Vitali chu a tha e. Shock a tawrh deuh avangin tunah chuan a hahchawl rih a ni," a lo ti a.
"Natna dang a nei em?"
"Thui tak tui a hleuh va, chutiang tithei dinhmunah a ding si lo a ni,"
"Engah maw?"
Pindan tereuh te chhungah chuan ni eng lolut chuan tukverh puanzar kar atang chuan khum chu a chhun deuh ruai a. Bond chu khum lamah chuan a paiphei tawk tawk a, khum bulah chuan ava thingthi hnawk a. Khuma nula mu chu a lam hawiin muangchangin a rawn inher a, Bond-a lu-ah chuan a rawn dawm a. A kuaihnai a, aw tham leh chau tih hriatdeuh mai hian, "Helaiah hian i awm ve tur a ni. I kalbo tawh tur a ni lo. I hria em, James?" a han ti a.
Bond chu a thinur nasa ta ,ai. Luhai tak chung chuan kawngkhar lam chu ava pan a, Doctor hmaia kuttuk va lek pah chuan, "Hrep che chuan!! Chawl hahdam rawh, chawl hahdam rawh tih reng mai. Nula chanchin chu min hrilh vat la a ni mai. Khawnge a awm? A pindan number chu han sawi vat teh," a ti a, a kut chu a thlak zawihnawk a. Chau deuh hian, "Khawngaihin min hrilh teh, Doctor. A awmna hriat ka duh a ni," a han tihzawm leh a.
Awnem leh dam duam hian Stengel chuan, "Tuin emaw dimlo takin a nghaisa a ni. Hmun tamtakah hliam a tuar a, tunah pawh hian ala tuar nasa. A chhunglam taksa chu a tha e. I pindan lehlam room n04 ah a awm e. I duh chuan va hmu ta che. Mahse minute tlemte chauh i hmu dawn nia. Tichuan in muhil ve ve tur a ni," tihpahin kawngkhar chu a va hawnsak a.
Bond chuan a chhan mailoh avangin nula chuan zawotea a lu sawi pah chuan, "I hria em, James?" a han ti leh a. Bond chu chhuatah chuan a tawlhthla riai riai a, nula khumsir chhuatphahah chuan a mu zawi ta reng a. Nula chu harsa titak hian a han inher a, Bond chu a han bih a. Ani chu a lo muhil bawrh bawrh tawh a.
Bond chu lawmthu sawi mawlh mawlh chungin inzolo deuh hian a chhuak ta a. Room No4 kawngkhar a kharlai chuan doctor chuan alo en reng a. Bond chu a penlut a, kawngkhar chu dimtein a khar leh a.
Pawnlamah chuan doctor chuan 'han inhmu zawk se, an thatphah deuh mahna' ti rilru chung chuan midang kan leh tur chuan a kalsawn ta a.
Nula pawh chuan Bond-a hmel chu a han en vang vang a, a thawhalh a. A lukham chu Bond-a enpah theitur zawngin khumtlangah chuan a pawtphei a, duh hun huna en mai theitur chuan a mu rem te te a, ani pawh chu a muhil ve ta thuai a.
@@@The End@@@
Comments