Kristiana Vanram Kawngzawh-5

Bung 5-na

Kawngkhar chungah chuan, “Kik rawh u, tichuan an hawn sak ang che u," (Mtt. 7:7) tia ziak a awm a. Kawngkhar chu vawihnih laiin a han kik a, “Hetah hian ka lo lut thei ang em? Luhlul taka awm tawh hnu hi min hawnsak thei ang em? Min hawnsak chuan chatuanin Amah ka fak tawh ang," a ti a. 

Tin, a tawpah chuan mi pakhat, zahawm tak hmel pu hi a lo chhuak a, a hming chu Thaduha a ni. Ani chuan kawngkhar kiktu chu tunge a nih a, khawi atanga lokal nge a nih leh engnge a tih dawn tihte a rawn zawt a. Tin, Kristiana chuan, “Sual rit tak phur ka ni a, Boralna khua atangin ka lokal a, thinur lo thleng tur lakah ka him theih nan Zion tlangah ka kal dawn a ni. Ka pu, chu mia kalna tur chu hemi kawngkhar hi a ni tih ka hria a. Min luhtir phal ang em?” a ti  a. 

Thaduha chuan, “Phal tuk e a," a ti  a. Kawngkhar chu a hawnsak ta a. Kristiana chu a han luh chuan mi dangin an hnuklut ta hmawk hmawk a. Kristiana chuan, “Engtizia nge ni ta?" a ti  a. Ani chuan, “Heta tanga hla vak lovah hian in ropui tak a awm a, chumia hotu chu Beelzibuba a ni a. Chuta tang chuan ani leh a hote chuan he kawngkhara lo lut tur apiangte hi thalin an lo kap thin a, an kah fuh phei chuan heta an luh hma hian an thi mai thin a ni," a ti  a. Tin, Kristiana chuan. "Lawmin ka khur zawlh zawlh mai,” a ti  a. 

Tin, a chhung a va luh chuan chu mi kawngkhar chu tuin nge kawhhmuh tih a zawt a. Kristiana chuan, “Ka pu, Pathianthuhriltua’n, ‘Va kal la, i tih tur chu an lo hrilh ang che’ min ti  a ni," a ti  a. Tin, Thaduha chuan, “I hmaah kawngkhar inhawng sa diam a awm a, chu chu tumahin an khar thei lovang,” a ti  a. Tin, Kristiana chuan, “Tunah chuan ka hlauhawm tawn man chu ka hmu dawn ta,” a ti  a. 

“Engtizia nge nangmah chauhva i lokal ?" Thaduha chuan a ti a. Ani chuan. “Ka vengte tumahin ka chunga thil hlauhawm lo thleng tur ka hriat ang hian an chungah thil hlauhawm a thleng dawn tih an hriat ve loh avangin," a ti  a. Thaduha chuan, “I lokal hi tu emaw talin an hria em?” a ti leh a. Kristiana chuan, "A tir in ka nupui leh ka faten an hria a, kir leh turin min au va. Ka thian dangte pawhin kir leh turin min au va; nimahsela ka beng ka hup a, ka lo kal lui zel mai a ni." a ti a. 

’Mi tu emaw talin kir leh tura thlam turin an zui lo che maw?" Thaduha chuan a ti  a. Kristiana chuan, "Zui e. Tihmawha leh Thlemsama’n min zui a; nimahsela min thlemthlu zo lo tih an hriat hnu chuan Tihmawha chu a kir leh ta a. Thlemsama erawh chu ka hnenah rei lote chu a kal ve,” a ti a. Thaduha chuan, "Engatinge a lo kal ve zel loh?" a ti a. Kristiana chuan, "Lungngaihna Chirhdup hmun thleng zawngin kan kal dun zel a, chu rni hmunah chuan kan lut a. Ka thian Thlemsama chu chutah chuan a thlaphang ta deuh va, a lokal Ihui ngam ve ta lo va. A in lampangah chuan a kir leh ta a ni. ‘Chu mi ram nuam chu nangmahin pumbil mai rawh,’ min ti a, Tihmawha chu a um leh ta a ni,” a ti a. 

Thaduha chuan, "Thiana, van ram ropuizia chu hresaila, chu mi chang tur a hrehawm tlemte han tuarte chu a awm reng alawm, a tipeih lul lo a ni maw?" a ti a.

“'Thlemsama thu ka sawi hi thudik tak a ni. Tin, keima chanchin pawh dik taka ka sawi chuan a aia ka that bik lohzia a lang ang. Ani chu a in lamah a haw ta a; tin, kei pawh Khawvelthilafinga thu awihin thihna kawng lamah ka peng asin," a ti a. Thaduha chuan, "Aw, ani chuan a tawk che amaw? Danhriaa hnenah kaltir a duh ngei ang chia, an pahnih chuan mi bumhmang an ni asin. A thu chu i awih elo?" a ti a. 'Awih e. Danhriaa in chu ka zawng a, a in kiang tlang chuan min delh dawnin ka hria a, chuvangin chutah chuan ka ding ta reng mai a ni," a ti a. "Chu tlangah chuan tarn tak an thi tawh a, tun hnuah pawh tarn tak an la thi ang: Thi lova i lo chhuah leh avangin a lawmawm a nih hi," Thaduha chuan a ti a. 

Tin, Kristiana chuan. "A ni teh meuh mai. Chuta ka awm lai chuan ka chungah engnge lo awm pawh ka hre lo va. Pathianthuhriltua’n min va hmu kher lo phei sela chu he lamah hian ka lo kal tawp lo vang chu; Nimahsela Pathian min khawngaihna avangin ka hnenah a lo kal leh hlauh mal a, Tichuan engmah ti  lovin ka pangngai ang diakin ka lo kir leh a ni. Ka Lalpa hnena thu sawi tlak pawh ni lovin chu mi tlanga thi zawk mai awm ka ni tawh a, chutichung pawha heta ka lo la lut leh thei ta hi mak ka ti in ka lawm ngawt mai," a ti  a. 

Thaduha chuan, "Heta lo lut tur hian tumah kan phal lo ngai lo ve, an lo luh hmain thil eng pawh lo ti  tawh mah sela, an hnawtchhuak chuang ngal lo. (Joh. 6;37) Chuvangin lo kal la, i kalna tur kawng chanchin ka hrilh ang che. I hma lam saw en teh, saw kawng zim tak saw l hmu em? Saw saw i kalna tur kawng chu a ni. Thlahtute leh zawlnei te, Krista leh a zlrtirten an slam a ni a, a ngil theihtawpa siam a ni. Saw mi kawngah sawn i kal tur a ni," a ti  a. Tin, Krisiana chuan "Kawngpeng, mikhual kal ngai tote bona awmte a awm lo maw?" a ti  a. "Awm e. Kawng peng tarn tak a awm. Nimahsela chung chu zawng sang tak tak vek a ni ang a, i zawh tur kawng dik tak hi zawng i hre thei ang. Chu kawngdik chu zawng, ngil tak leh zim tak a ni e," (Mat. 7: 14) Thaduha chuan a ti ta a.