Kristiana Vanram Kawngzawh-4

Tin. Kristiana chu amah chauhva khawhar taka a kal lal chuan amah rawn tawk tur ngei mi pakhat hla taka phul rawn kan tur hi a hmu a: chu mi phul chu a pelh dawn lai takin an intawk ta hlauh mai a. 

Chu mi a tawha hming chu Khawvelthilafinga a ni a; khaw lian tak, Taksangaihtuahna khuaa ami a ni a, Kristiana awmna khua atang chuan a hnai hle a. Kristiana chu Boralna khua atanga lo kal a ni tih chung lai vela mi zawng zawng chuan an hre vek a, chuvangin ani pawh chuan a hre ve a. Khawvelthilafinga chuan Kristiana manganzia leh a rumte chu a hre thawi deuhva, chutichuan a hnenah, "Thiana, phurrit tak phur ang ziazanga i kal, khawiah nge i kal dawn le?" a ti  a. Tin, Kristiana chuan, "Thil rit tak ka phur asin. Hetianga phurrit hi tumahin an la phur ngaiin ka ring lo a ni. Khawiahnge ka kal dawn tih min zawh chu ka han chhang ang chia, ka kalna tur chu ka hma lama kawngkharah sawn a ni ka kal dawn. Chuta ka kal chuan ka phurrit phurh hi a bo vang tih miin min hrilh a ni.” a ti a. 

Tin, Khawvelthilafinga chuan, "Nupui fanaute i nei em?’ a ti a. Ani chuan, "Nei e, nimahsela ka phur hi a rit em a, chuvangin an zingah chuan hmanlai angin ka lawmin nuam ka ti thei tawp lo mai a. Chuvangin nei lo angah ka inngai mai a ni." a ti a. (Kor. 7:29) 

Chutichuan Khawvelthilafinga chuan "Rem ruatpui che ila i pawm duh ang emaw chu?" a ti a. Kristiana chuan, "A that a thu a niang chu, remruatpui chu ka duh thusam a nia lawm," a ti a. Tin, Khawvelthilafinga chuan, "Chuti a nih chuan i phurrit chu tibo thuai turin ka fuih a che; chu mi i tihbo hma chuan i rilru a nuam thei lo vang; Pathian malsawmna pawh i dawnin i tangkaipui thei lo vang," a ti a. Tin, Kristiana chuan, "Chu mawlh chu alawm ka zawn? Nimahsela, keimahin ka tibo thei lo a ni. Kan ramah pawh tumah min tihbo sak thei reng reng an awm hauh lo a ni; chuvang chuan ka hrilh tawh ang che khan ka phur chu tibo turin he lamah hlan ka lo kal a ni," a ti leh a. 

Tin, Khawvelthilafinga chuan, "I phurrit tibo turin tuinnge he lamah hian kaltir che?" a ti  a. Ani chuan, "Mi pakhat a hming Pathianthuhriltua, mi zahawm tak leh ropul takin min tir a ni." a ti a.

Tin, Khawvelthilafinga chuan, "A rem han ruatpui dan hmang che rengah chuan anchhedawng tluk a nih chu; He mi khawvelah hian a tirhna che lam aia hlauhawm leh buaithlak reng reng a awm lo a ni. A thusawi chu i awih chuan nakinah i la hria ang. Tunah pawh thil engemaw chu i tawk tawh tih ka hria a ni. Lungngaihna Chirhdup diak i kal-avangin. Nimahsela chu mi Lungngaihna Chirhdup chu i kaina tur lamah chuan lungngaihna a intirhna chauh a ni. Ka thu awih rawh. I aiin upat pawh ka upat zawk hi; i kalna turah chuan thil hrehawm leh lungngaihnate awm lo reng reng a awm lo. Hahna te. natna te, riltamna te, saruakna te, sakeibaknei te, thihnate a tam mai. Heng thil awm ka sawi zawng zawng hi a ni tak tak a ni. A dik tih hretu tam tak an awm a ni. Mikhual thusawi mai mai awiin miin an nun an tiboral duh dawn em ni?" a ti  a. 

Tin, Kristiana chuan, 'Ka pu, chung i thil mi hrilhte zawng zawng ai chuan ka hnungzanga phurrit tak awm hi a manganthlak zawk a ni; kawngah eng pawh tawk mah ila; ka phurrit tak hi ka tibo dawn anih phawt chuan eng mah pawi ka ti  lo ve." a ti  a. Tin, Khawvelthilafinga chuan, "Engtizia nge phurrit tak phur i ni tih i lo inhriat?" a ti  a. Kristiana chuan, "He mi ka lehkhabu chhiar atang hian ka lo inhria a ni," a ti  a. 

Tin, Khawvelthilafinga chuan, "Niin ka ring reng a ni; mi chak mang si lovin an tana thil ropui lutuk an ngaihtuah thin a , an lo buai thin a, chutiang bawk chuan nang pawh i awm a ni. Chu buaina chu mi chak lote tihchak lohna chang pawh ni lovin, an thil hmuh turte pawh hre ngut lawi lovin an kal thin a ni," a ti  a. Kristiana chuan, "Kei zawngin ka thil hmuh tur chu ka hria asin, ka phurrit tak phurh bona hi ka hmu dawn a ni." a ti  a. 

Tin, Khawvelthilafinga chuan, "Hlauhawm tam tak a awm tih hre reng siin engahnge he mi lam kawngah hian i phurrit tihbona i zawn? Ka thu i awih chuan he mi lam kawng ni lo, kawng danglam hlauhawm pawh awm hauh lohna ka kawhmuh thei che a ni. Ngawi teh, damna thu a lo thleng pang mai a ni. Chu lo rengah pawh hlauhawmte chu tawh ahnekin hlimnate leh thian tha takte i nei ang a. Tin, lungawi taka awm theihna pawh i hmu ang," a ti  a. Tin, Kristiana chuan, "Ka pu, chu mi hmuh theihna dan chu min hrilh ta che," a ti  a. 

Chutichuan Khawvelthilafinga chuan, "He mi khaw plahah hlan khaw pakhat a hming Danthaa a awm a; chu mi khuaah chuan mi pakhat a hming Danhriaa a awm a; mi fing tak. tha tak a ni a, nangmah anga mi mangangte puih thiamah hian a hmingthang hle a ni. Ka hriatah ngei pawh mi tam tak a tidanglam tawh a ni. Chung lo pawh chu an phurrit tih bo sak dan pawh a thiam a ni. Ka sawi tawh angin a hnenah chuan i kal thei a. a lo pui thuai ang che. A in chu heta tang hian melkhat pawh a tling mang lo ve. Amah a lo awm loh leh fapa tlangval tha tak a nei a, a hming chu Diknaduha a ni a, chu chuan a pa ang bawkin a thlam a ni. Chutah chuan i phurrit tan hahdamna i hmu ang. Tin, l khaw lama hawn lehte i duh loh phei chuan i nupui fanaute i chah ang a, inruak luah tur pawh tarn tak a awm a ni; Aman pawh awm lovin l luah thei ang. Ei tur lam pawh itawm tak, tha tak a ni a. Chutah chuan nuam takin i awm thei ang. Thenawmte pawh tha tak tak i nei ang a. Dan tha tak nelin l awm hle hle mai ang," a ti a. 

Chutichuan Kristiana chu a ding reng a, "He mi thu hi a dik chuan a thusawi chu zawm ila a tha awm mange aw,” a tirilru a. Tin, a hnenah chuan, "Chu mi tha tak in lama kalna kawng chu khawiah nge ni?” a ti a. Tin, ani chuan, "Sawta tlang sang tak saw i hmu em?" a ti  a. Kristiana chuan, "Hmu e," a ti  a. Tin, Khawvelthilafinga chuan, "Saw mi tlangah sawn va kal langin, chuta i in va hmuh hmasak her chu a in a lo ni mai ang," a ti  ta a. 

Chutichuan Kristiana chu a kalna pangngai kawng zawh ta lo chuan Danhriaa in lam pan chuan a peng ta a. 

Nimahsela, tlang chu a va hnaih deuh chuan a lo sangin a kawngsir te chu a awih hle mai a. Chutichuan Kristiana chuan tlangte chuan rawn delh dawn mai awm hian a hria a, thui pawh kal ngam ta lovin a ding ta reng mai a, awm ngaihna reng reng a hre ta lo va. A tira a kalna kawnga a kal lai ai mahin a phur pawh chu rit zual tain a hria a. Tlangah chuan meialhte a lo chhuak a, (Exod.l9.i6.i8) mei chuan amah a rawn kang ang tih a hlau va, chutichuan a thlante a sa phut phut mai a, hlauvin a khur ta chiam mai a. (Heb i2:2 i) Khawvelthilafinga zilhna a lo pawm ta chu a inchhir ta em em mai a. 

Chutih lai tak chuan Pathianthuhriltua kha a hnen lama lo kalin a hmu a; a zah avangin a hmaite a sen tawn tawn mai a. Chutichuan Pathianthulhriltua chu a lo hnai telh telh a, a hnen a han thlen chuan thinur tak leh vin awm takin a rawn en a, a hnenah, "Kristian, hetah hian engnge ni i tih?" a ti  a. 

Tin, Kristiana chuan chu chu chhanngaihna reng a hre lo va, a hmaah chuan engmah sawii lovin a ding ta reng mai a. Pathianthuhriltua chuan, "Nangmah hi a ni lawm ni Boralna khaw daipawna tap tap ka hmuh kha?" a ti  a. Kristiana chuan, "Ni e, ka pu. Kha mi kha ka ni," a ti  a. 

Kawngkhar panna lam kawng ka kawhhmuh che a ni lawm ni kha?" a ti leh a. Kristiana chuan, "Kawhhmuh e. ka pu," a ti  a. 

"A nih loh leh engtiziaa peng mai nge l nih? Hei kawng i bo der tawh alawm" a ti  leh a. 

Tin, Kristiana chuan "Lungngalhna Chirhdup hmun ka pelh veleh chuan mi pakhat ka tawk a, chu mi nen chuan rei ngial kan inbia a. Ani chuan kan hma lama khuaah chuan, "i phurrit tih bo sak thei che a awm e, tia min thlem avangin a ni," a ti a. Ani chuan, "Amah zawng mi tha awm tak hian a lang a, ka hnenah thu tarn tak a sawi a. A tawpah chuan a thu chu ka lo awi ta mai a, tin, hei hi ka lo thleng ta a ni. Nimahsela he mi tlang hi ka han hmuhin a lo awih em em mai a, tlangte hian min rawn delh mai ka hlau va, hetah hian ka ding ta reng mai a ni," a ti ta a. 

Chuti chuan Pathianthuhriltua chuan, "Chu mi chuan i hnenah eng thu nge a sawi" a ti  a. Ani chuan, "Ka kalna turte min zawt a, tin, keiin chu chu ka hrilh," a ti  a. "A nih leh eng dang nge a sawi leh?' a ti a. Kristiana chuan, "Chhungte ka neih leh neih lohte min zawt a, tin, ka hrilh a. Tunhma lama ka lawm angin an zingah ka awm chuan ka lawm theihlohziate ka hrilh bawk a. Tin, ka phurrit thute pawh hi ka hrilh bayvk," a ti a. 

Tin, ani chuan, "Eng dang nge a sawi leh?" a ti  leh pek a. 

Kristiana chuan, "Ka phurrit hi tibo thuai turin min tir a; tin, keiin chumi tihbona chu ka zawn ber a ni reng tih ka hrilh a; chu mi tihbona hmu tur leh a chanchin hre famklm turin ka piaha kawngkharah sawn ka kal dawn a ni tih pawh ka hrilh bawk. Tin, ani chuan i kawng mi hrilh aia tha zawk Ieh hnai zawk hi hrilh min tiam a. Ani chuan, "Chu kawng chu i kalna kawng ang hian a harsa lo ang a, tin, mi pakhat mi tha tak, i phurrit tibo thei tura in lam a kawhhmuh ang che," min ti  a. Chutichuan a thu chu ka awih a, chu mi tlangah chuan ka phurrit bona hi ka hmu thei mahna tiin ka kawng zawh lai chu ka pensan ta mai a ni. Nimahsela, he mi hmun ka lo thlen hlan a hlauhawmziate ka lo hria a, a tihngalhna reng ring hre lovin ka ding reng mai a ni," a ti  a. 

Tin, Pathianthuhriltua chuan. "Ding rih lawk la, Pathian thu ka hrilh ang che," a ti  a. Tin, Kristiana chu khur chungin a ding a. Tichuan Pathianthuhriltua chuan, 'Thu sawitu chu in lo duh lo dah ang e, fimkhur rawh u. Leia anmahni zilh lawktu kha an duh loh maha hremna an pumpelh si loh chuan keini van atanga min zilh lawktu hawisantute hian kan pumpelh lo lehzual ang (Heb. i2:25) Tin, "Mi fel chu rinnain a nung ang, a hnung tawlh erawh chuan ka rilruin amahah chuan lawmna reng a nei lo vang,’ a ti  a ni," a ti  a. (Heb i0:38) Tin, a hnenah chuan, "Nangmah hi i ni e, chu mi hrehawmnaa lut tur chu; Pathian Chungnungbera thu chu i do tan a, thlamuanna kawng ata chu i kir leh a, i intiboral lek lek a nih hi le," a ti a. 

Chutichuan Kristiana chu a hmaah thi ang derin a tlu a, "Ka chung a va pik em? Ka boral ta zuk nia," tiin a tap ta chiam mai a. 

Chutih lai chuan Pathianthuhriltua chuan a ban ding lamah a chelh a, "Mihring sawiselna leh Pathian an sawi chhiatna zawng zawng chu ngaihdam a ni ang, ring mai rawh" a ti a. (Joh. 20:27) Chutichuan Kristiana chu a lo harh leh ta deuh va, a hma ang bawkin Pathianthuhriltua hmaah chuan khur chungin a ding a.

Tin, Pathianthuhriltua chuan, "Tuna ka hrilh tur che hi ngun lehzualin ngaihtuah leh rih rawh khai: Tuna a bumtu che chu tunge a nih leh tu hmaa tirh nge a tum che ka hrilh ang che. Kawnga i mi tawh chu Khawvelthilafinga a ni a, a hming pawh a pu zo kher mai. Ani zawngin he mi khawvel thil zirtir chauh hi a duhzaawng a ni a, (I Joh. 4:5) Chuvangin Dantha khuaa biak inah chuan a kal ber thin a; chuta an thu zirtir chu kraws thu lam ngaihthahna a nih avangin a duh ber a ni. (Gal. 6:i2) Taksa lam thu chauh ngalhtuah mi a nih avangin ka thu sawi hi dik mah sela a dodal lam leh a letling zawng vekin a sawi a ni. A thu sawiah chuan thil pathum i huat em em tilr a awm:-

1.  Kawng a bo tir che hi. 

2. Kraws thu a huattir che hi. 

3. Thihna kawng a kawhhmuh che hi. 

4. Kawng ni lo lama a pentir che avangin i haw tur a ni a. Tin. a thu i awih avangin nangmah pawh i inhaw bawk tur a ni. Khawvelthilafinga thu i awih hi Pathian thu awihlohna a ni si a. Lalpa chuan, “Kawngka zimah chuan luh tum hrarn rawh u. (Luka i3:24) Nunnaa kalna kawng chu a zim avangin a hmu tute an tlem' (Meg. 7:i3.i4) a ti a ni. Chu kawngka chu a ni kik tura ka tirh che chu. Chu mi kawng leh kawngkhar zim ata chu chu mi sual chuan a pen botir chia. Boralnaah a hruai lut thelh thelh che a ni. Kawng dik lova a pentir che avangin huat tur a ni a; tin, thu i lo awih avangin nangmah ngei pawh i inhaw tur a ni.” 

“Tin, a dawttuah chuan Kraws thu a huattir che avangin huat tur a ni. Aigupta ram ro zawng zawng ai pawha i duh zawk tur a ni si a. (Heb. 2i:25.26). Chu chang lo pawh Ropuina Lal chuan, “Tupawh a nun humhim duh chuan a hloh vang.” tiin a hrilh tawh chia. Tin, 'tupawh mi zui duh chuan a nu leh a pa te, a nupui leh a fa te, a unau leh a farnu te a haw tur a ni; ama nunna ngei pawh a haw tur a ni. Chuti a nih loh chuan ka zirtir a ni thei lovang,' a ti  bawk a ni. (Joh 12:25; Mat. 10;39: Lk. 14: 26) Chuvangin ka hrilh  a che. Mi tupawh chutiang lova kawng danga thlemtu apiang che chu haw zel rawh. Thudik bu ngei chuan, “Amah lovin chatuan nun neih theih a ni lo,' a tih kha. “

“Tin, a pathumnaah chuan thihna kawnga a hruai che avangin i haw tur a ni. He mi a tirhna che hi tunge a nih leh i phurrit a tihbosak theih lohzia tur che i ngalhtuah tur a ni. I phurrit tihbosak tura a tirhna che chu Danhriaa hnenah a ni. Amah chu bawi nu fapa a ni a. Tunah pawh a fate neh bawi an la ni reng a ni. (Gal.4:2i-27) Sinai tlang, mi delh ang tih i hlauh em amah chuan mangang takin an awm a ni. Chuti chuan a fate neh anmahni pawh bawi an nih chuan i phur an tihbo chu engtinnge i beisei theih? Danhriaa hian i phur awzawng a tihbosak thei lovang che. Tu phur mah a la tihbo sak lo a ni; tun hnuah pawh a tihbosak hek lovang. Dan thiltihin thiam i Inchantir thei lo; dan thiltihin tuman an phur an tibo thei si lo va. Chuvangin Khawvelthilafinga chu mikhual mai mai a ni a. Danhriaa chu mi bumhmang a ni a: a fapa Danthaduha pawh hi a hmelah  zawng mi tha tak ni awmin a lang na a, mi vervek a ni; a pui thei tawp lo vang che. Ka thu hi awi rawh. Heng zurui mai mai thu hi engmah a ni lo ve. Kawng ka kawhhmuh che ata a hruai peng mai che a ni zawk e." a ti a. 

Chu mi hnuah chuan a thusawi zawng zawng chu tihngheh nan ring takin vana mi a ko va. Tin, a au zawh veleh chuan a chhaka tlang atang chuan mei leh aw a lo chhuak ta chiam mai a, Kristiana chu a hmulthi a ding ta sung sung mai a. Tin. aw chuan, ''Dan thiltiha awm apiangte chu anchhe hnuaiah an awm si a, Dan lehkhabua thu ziak zawng zawng anga ti  tura awm apiang chu anchhe dawngin an awm thin tih ziak a ni si," (Gal. 3:i0) a han ti  a. 

Chutichuan Kristiana chu thi ang hian a lang a, lungchhe takin a tap ta chiam a; Khawvelthilafinga a tawh laite kha anchhia a lawh a. A thu a lo awih avangin amah pawh chu mi a let derah a inngai bawk a. mihring remruat thu mai mai zawma kawng dik chu pensan tir a, thlemthluka a lo awm chu a zak em mai a. Chu mi hnuah Pathianthuhriltua hnenah chuan "Ka pu, engtinnge i ngaih? Beiseina a la awm awm em? Tunah hian kir lehin kawngkhar lam chu ka la pan leh thei ang em? min lo ngaihsak lovin chuta ta chu zak takin min kaltir ang em? Hemi thu ka lo awi ta hi ka inchhir em em mai a, ka sual chu ngaihdamin a awm thei ang em?" a ti  a. 

Tin, Pathianthuhriltua chuan, "Sual hmun hnih  i tih avangin i sual hi a nasa em am mai; kawng tha chu I kalsan a, phal loh lamah chuan i kai ta zawk a, nimahsela kawngkhara awm chuan a lo lawm ang che. mite tan hian thiltha a ngaihtuah em em mai a, amaherawchu i bo leh loh nan fimkhur hle tawh rawh; chuilochuan a thinura chu tlemte pawha a lin chuan kawng lakah i boral mai ang," a ti a. (Sam 2; i2) Chuti chuan Kristiana chu kir leh turin a inbuatsaih a, Pathianthuhriltua chuan a fawp a, "Dam takin," a ti a, a nui a, a kal ta a. 

Kristiana chu hmanhmawh takin a kal a, kawngah pawh tumah reng reng a be lo va, miin an biak pawhin a chhang duh hauh lo va. Kawng la bo ang fovah a inngai a, Khawvelthilafinga thu a awi a, a pen bona hmun a thlen leh hma loh chuan a muang thei hauh lo mai a. A tawp a tawpah chuan kawngkhar chu a va thleng ta hlawl a.