BUNG 9
Chutichuan ka mumangah chuan a kal ta zelin ka hmu a. Tin, kawngah mi an kea khaidiata hlin lo muhil der a va hmu a. Mi pakhat, a hming chu Hretlema a ni a, pakhat chu Thatchhiaa a ni a, pakhat erawh chu Uanga a ni. Tin, Kristiana chuan chutia an mu chu a va hmuhin anmahni tiharh turin an hnaah chuan a va kal a. "Mi, lawng puanzar chhip chunga mu ang in ni e. (Prov. 23:34) In hnuaiah leilawt a awm e. Harh ula, lo kal rawh u, hreh suh u. In khaidiatte pawh hi ka phelhpui ang che u; hetia in awm chuan mi, sakeibaknei anga vak vaka chuan a rawn hmuh che u zawngin a man mai tur che u a ni," ( I Pet 5-8) a ti a. Chu mi an hriat chuan amah chu an en a, hetiang hian an chhang a. Hretlema chuan, "Engmah hlauhawm ka hmu lo ve," a ti a. Tin, Uanga chuan, "Mitin mahni thu thuin awm theuhtur a ni," a ti a, a mu leh ta mai a. Chutichuan Kristiana chu a kal leh ta zeI a.
Tin, Kristiana chu chung mitena a khawngaihna leh anmahni a va kaihthawha a thlawna a puih duhnate an ngaihnepziate chu ngaihtuahin a buai hle mai a. Tin, chutia a inngaihtuah buai lai tak chuan chu mi kawng zim tak bang vei lam pangah chuan mipahnih an lo lawnliam a. Pakhat hming chu Dana a ni a, pakhat chu Verveka a ni a. Chutichuan a hnenah chuan an kal ve a, thukhawchangte an sawi za ta a.
Tin, Kristiana chuan, "A nih leh chu chu sawrkar mi hnena ka hrilhin a dik ang maw?" a ti a. Dana leh Verveka chuan, "Chu dan chu kum sang tarn tak a awm tawh a, chuvangin roreltu hnenah pawh sawi mah ila dik an ti ang. Chu lo rengah pawh kawnga kan awm tawh phawt chuan khawiahnge kan lo luh engnge pawi tawh ang? Kan luh tawh chuan kan lut a ni a: nang kawngkhar atanga lolut pawh kawng lakah bawk I la awm a. Keini banga lo lawn liam pawh kawng lakah bawk kan la awm a. Kan chan aia I chan engnge a that chuanna awm?” an ti a.
Kristiana chuan, "Thiante u. Khawi atanga lokal nge in nih a, khawiahnge in kal dawn?" a ti a. Anni chuan, "Lolam rama piang kan ni a, Zion tlangah Pathian fak turin kan kal dawn a ni,” an ti a. Kristiana chuan, “Engatinge kawng tawntirha kawngkharah chuan In loluh loh? Tupawh kawngkhara lut lova, a danga lawn liam chu rukhmang leh phil hmang an ni.' (Joh. I0: I) tih ziak hi in chhiar ngai lovem ni?" a ti a. Tin, Dana leh Verveka chuan, "Chu mi kawngkhara kal chu miten a hla lutuk an ti a, chuvangin pumpelh an siam a, chutah chuan an kal thin a ni," an ti a. Kristiana chuan, "Anih leh chutianga tih chu kan kalna tur Lal mithmuhin sual leh a thinuma a ni lovang maw?" a ti a. Dana leh Verveka chuan amah chu intibuai duh harsa ting lo mai turin an hrilh a; chu chu an dan a ni a, kum sang aia tam zawka mi tawh a ni tih an hrilh a.
ss
Tin, Kristiana chuan, "Kawng taka in lo luh loh chuan dan thiltih maiin chhanhim in ni lo varg. (Gal. 2: I6) He mi ka kawr hi ka kalna tur Lal min pek a ni. Ruaka ka awm mawi lo leh zah thup na’n; keiin a mi khawngaihzia chhinchhlah nan ka ha a ni; hmanah chuan puan chhia mai lo chu engmah ka nei lo va. Chu chang lovah pawh ka kal pahin keimahin ka inthuam chawp thin a ni. Ka rilruin, 'Matheilovin chu mi khawpui kawngkhar ka thlen hun chuan a kawr min pek ka hak achin chu chu mi Lal chuan min lo lawmin ka ring,’ ka ti thin a ni. Tin. thil dang ka chala awm pawh hi In hmu lo a ni awm e; he mi hi ka Lalpa duh tak chuan ka phur a tlak lai khan a dah a ni. Chu lo pawh chu thil dang ka la hrilh leh zel ang che u. Kalkawnga min thlamuantu atan leh ka chhlar turin lehkhabu chhinchhiah awm sa diam min pe bawk a ni. Tin, kawngkhar ka thlen hunah chu lehkhabu chu pe turin min hrilh bawk a ni. Chu mi hnuah ka kal lehna tur pawh ka hria ang. Chu chu nangni tan pawh a mamawh a ni. Nimahsela, kawngkharah in lo kal si lo," a ti a. Chung thute chu engmahin an chhang lo; an inen a. an nui mai mai a. Tin, an vaiin kal tain ka hmu a, Kristiana chu hma lamah tumah be lovin a kal a. Tin, a lehkhabu mi tha tak takten an pek kha a chhiar fo va, chu chuan a tiharh thin a.
Comments