Lal hnuhnungte leh an Nupuite

SERCHHIP DISTRICT KHAW HRANG HRANG A LAL HNUHNUNG BER LEH AN NUPUI TE

~Tedika Chawngthu

India constitution article 189 (b) & 190 (2) sixth schedule ah chuan District Council thuneihna leh ruangam chu Governor in chu district huam chhung mipui aiawh a roreltu pawl dinglai berawn in a siam tur tih kan hmu.Lalhovin ram hnuk an thlun reng chuan Mizo Union hruaitu te khan pawimawhna an nei tlem anga chanvo tha an chang phak dawn lo a ni.


Assam hruaitu ten Mizo Union hruaitu te kha an fuihpawrh a Mizo Union hruaitu te chuan Assam MLA te thuawih chu an tih tur ngei ngei ah an ngai. An policy pui ber pawh LAL BAN a ni.Lal neih chu mipuite tana phurrit tak anga zirtirna an thehdarh a, Lal ban policy chuan Zoram a tuam hneh hle.


Kaihlek hla te an phuah a, Lal te chu "Union in kawng a dal an ti che tunah bang tawh rawh" ti tein an nawr a. Lal tan tu lam ten an chhang let a "Union in ban a rel an ti, an bang chuang hlei lawng an ngur zual zel dawn" tite in an in-ṭheṭhaw a ni. Mipui boruak sosanna khua ah phei chuan Lal in mai pawh nilovin Lal Khawnbawl leh Tlangau in thlengin an vawm a, huan pal te pawh an thiahsak a ni.


Kum 1954 ah Mizoram Hmar lamah Lal an bang a, chhim lamah kum 1956 ah Lal an bang thung. Lal ban an nih khan Mizo Lal bang te kha an vaiin 309 an ni. Assam sawrkar atangin Lal bang te khan zangna dawmna an la a, a then chuan an la duh lo.


  1. Serchhip- Lalhanga H/ O Lalrumi(Rulchawm Lal fanu). Lalhanga hi kum 1958 ah a boral.
  2. Baktawng- Lalzuala Sailo H/ O Lalropuii
  3. Khumtung- Baktawng khaw per a ni. Baktawng Lal in a awp.
  4. Hualtu- Tlanglianchhuma H/ O Rozami( Sihfa Lal thlah)
  5. Hmuntha- Lalngengi( Sialhawk Lal fanu) W/ O Dr. Laltawnga LMP. Lalngengi hi an pa Dr. Laltawnga Lal laiin kum 1945 ah a boral a. A pasal ai a awh.
  6. Chhingchhip- Hrangliana Sailo H/O Ngurbeli (Nupui sawm chuang a nei a, pakhat chauh ka rawn tarlang)
  7. Khawbel- Lianmawia Sailo H/ O Khawchhani.
  8. Chekawn- Lungchhuan Lal in a awp
  9. Lungkawlh - Lalkanglova (Lalhanga) Fanai Lal H/o Thangliani.
  10. Lungchhuan - Lalawta Sailo H/O Sainguri( Chhingchhip Lal fanu) 
  11. Piler - Varparha Sailo H/O  Thangkhumi.
  12. Sialhau- Sangviala Sailo H/O Thanchhungi.
  13. Sialsir- Banglala Sailo H/O  Kungliantanhnuaithangi.
  14. Neihloh- Zakuala Sailo H/O Lalsangi Sailo.
  15. Vanchengte- Saichhuma Sailo H/O Chawngsiami.
  16. Rullam- Laltawna sailo H/O Lalchhungi
  17. Thenzawl- Ngurchhina sailo H/O Kapchawli.
  18. Buangpui- Thenzawl Lal in a awp.
  19. E.Lungdar- Liansailova H/O Rengpuii
  20. Ngentiang- Lungpho Lal in a awp.
  21. Khawlailung- Thanzama Sailo H/O Rothangpuii.
  22. Mualcheng- Saihnuna H/O Lalrochhungi.
  23. Bawktlang- Mualcheng Lal in a awp.
  24. N. Vanlaiphai- Lalnghinglova H/O Thanthuami( Lungdar Lal fanu)
  25. Hmunzawl- Thinglian Lal in a awp.
  26. Lungpho- Tlangchangliana Sailo H/ O Rengpuii.
  27. Thentlang- Lalhuaisena H/ O Lalthlumi Sailo.
  28. Sailulak- Thanchhuma Sailo H/ O Sainghinglovi.
  29. Leng- Lalchuanga Fanai Lal H/ O Chalngengi.
  30. Thinglian- Sairawta H/O Lalbifohnuni.
  31. Chhiahtlang- Lamchhip Lal in a awp.
  32. Keitum- Chawngtleng Lal Hrangluaia'n a awp.
  33. Hriangtlang- Sialhau Lal Sangviala'n a awp. A fapa Sailothanga reilote a Lal.
  34. Kanghmun- Zote 'S' Lal in a awp. Zote ' S' khawper a ni. 
  35. Zote ' S'- Lalzika Sailo H/O Lalrumi
Email Post

Comments

Post a Comment

Chhiar hlawh ber