SAKEIBAKNEIPUIIN KEITE NO CHAWM

 SAKEIBAKNEIPUIIN KEITE NO CHAWM 

~Familia Fanai Lalṭansanga

India ram Gujarat state Gir Forest-a sakeibakneipui pakhat chuan keite no a chawm. Kar khat aia a kilkawi tawh.

He sakeibaknei hian note pahnih a nei a, keite no, thla khat leh a chanve-a upa a chawm tel a, a hnute a  hnektir ve a, a note te nen pawh keite no hi an inngeih dial dial hle a. Forest hnathawkte pawhin ‘A mak hle a ni,’ an ti ve tawp mai.

Zawlnei ropui Isaia ziak;- 

‘Chinghniate chu berâm zîngah an tla ang a,

 

Keitê leh kêl pawh an bawk dûn ang.

 

Bâwng no leh sakeibaknei no chu

 

Ran châwm thau nên an awm ho vang a,

 

Naupang têin a hruai duah duah ang.

 

Bâwngpui leh savawm chu an tla dûn ang a,

 

An note pawh an bawk za dial dial ang.

 

Sakeibakneite chuan bâwng ang maiin buhpâwl an ei tawh ang.

 

Hnute hne laite chu chawngkawr kaw bulah an tualchai ang.

 

Hnute hnêk bâng hlimten rûlngân tawmkûkah kut an dah ang.

 

Ka tlâng thianghlimah rêng rêng chuan

 

Tu mah an intina tawh lo vang a,

 

An intichhe hek lo vang;

 

Tuifinriat hi tuia a khat angin,

 

LALPA an hriatna chuan ram hi a khat tawh dâwn si a,’ 

tih thute pawh min hriatchhuahtir  ram ram mai.

Kumpinu-in India ram a awp lai khan Vai lal ṭhenkhatin Sap tlawn an ching a, sa an peltir ṭhin a, Gir sakeibaknei an tih Asia rama awm chi, Asiatic lion te hi an mang hman ṭep a. Kum 1965 khan India sorkar chuan Asia ram sakeibaknei awmna awmchhun Talala Gir ram chu National Park and Wildlife Sanctuary atan a puang a, sakeibaknei leh ramsa dangte an humhalh ta a. Kum 2015 khan sakeibaknei chhiarpui an nei a, Sakeibaknei pa 109, a nu 201 leh a note 213 an awm.