SUDDEN - GOLD SEEKER-1
GOLD SEEKER (Completed)
"Dawt sawi ah min puh elo?"
Chu aw ki, sin tak, awmze danglam tak nei chu han hriat ngawt pawhin buaina a rawn hring ngei ang tih chu rinhlelh rual a ni ta lo! Chu thusawitu, tleirawl chu kum 20 emaw vel lek tur hmel apu a, Cowboy incheina naran maiin a inthuama, dawtsawia puhtu chu hmachhawn in thinrim fe in a en khai khai mai a. A hmachhawnpa chu a kum let a upa tur hi niin a lang a. Chupa chuan tham lo awm zet hian a nuih vak a.
" Ka sawi awmzia chu, chutia i sawi anga thil awm tak tak a nih si chuan, hetah engvang in nge i rawn kal khaw tlai tehlul ang?"
" Ka hrilh ang che Preedy, ka lo kal na chhan chu hmanrua te, ration leh min tanpui tu turte lam tur a lo kal ka ni, mipakhat han tih mai chi ani si hleinem" tiin achhanga. A lo ngaithlatute zinga pakhat chuan " Pakhat han tih mai chi zawng ani lul lovang, ramsa leh misual tak tak an awm ngei awm si a" a lo ti a. Saloon nghaktupa chuan " Ka ngai ngawt ang che, Dabt.... I kal tur thlah nan i han" Show" dawn lawm ni?" a lo ti fiam ve a. Chutia a han tih chuan an chek tlak tlak hlawm a. Midangin an lo ngaichang reng tih ahriat chuan a tih ngaihna hre lo chu ahamhaih rilru hle a, a tawp ah chuann thinrim zui zel chu tha in ahre ta lo va ' Awle, i ti dik e, han hung chhuak ta che le, a man chu min bill mai dawn nia" a ti ve ta a. Mahse, chu saloon awmchhun "Pioneer Saloon" an tih ah chuan Dabta chuan a lo bat tam tawh em a vangin saloon nei tu chu alo lunghnur ru hle a. Mahse, amah ngeiin alo sawi hmawr hmuh zawk anih si avang chuan hreh tak chungin zu um leh zu thlit na no chu a rawn la chhuak a, zei fe in an zu no tur chu mitun hma ah chuan a han theh vir phei nalh nalh hlawm a. Chutah zu um chu a'n theh vir phei leh a. Zu tui chaka lo tuihaltawh tak tak te chuan an no ah chuan an thli bibirh hawk hawk hlawm a. An tlak nghal duak duak hlawm leh nghal a. Saloon neitupa in hreh zeta zu no leh zu um a han theh phei vel chi lawmin kut an lo beng dar dar a.
Preddy chuan " I dek nalh kher mai, nang tuk a hnehsawh hi ka la hmu miah lo. I ti thang hle anih hmel e" tiin alo fak bawk a. A bula a thian chuan " Dabt-a ipte a pawisa lakchhuah nan a kut chu a zei fe a ngaih hle a tul hmel e" a lo ti ve bawk a. An mi rel chuan an thusawi chu alo hre ve hman a "Tlang a tanga ruk ru ho nen kan lo kir leh hun ah ka la rul leh vek mai ang" tiin a rawn nuih pui ve mai a. Thla engemaw zat ral ta ah khan rangkachak hmuhchhuah thu chuan mi tam tak beng athleng tawh a. Tichuan, Dakota ram Wayside khua a mi tam tak chu an kal tawh nghe nghe a ni,"
" Kei chu ka kal ve dawn lo. Tim-a chuan kal ve ngei chu atum a, a sawi danin a tha hle ani awm a, a bultan na tur chu ka tum sak dawn" ati a. Tleirawl chuan " Tha a? Kum 1749 a ni leh ringawt a lawm le" a lo ti a. " Enga? Eng nge 1749 kum te chu i hriat ve reng reng a, a pian pawh i piang ngut em ni?" tiin pa te tak te, sam tuak var vah tawh, mit khur thuk fe mai hian aw sin leh ki sang tak hian arawn nuihsawh pah a. Welder-a chu asen ap ap mai a " Kan hmu lo pawh ani mai thei.. Snowy. Mahse, misawi chu ka hre hneh ve kher a sin" tiin a rawn tang ve leh ta tlat a. Chu putar chu a rawn nui ve leh hak a ' Ni e tiraw, a hrilhtu che pawh chuan California atanga mel zanga vel a hla atanga a hriat ve bawk ani ang chu! Vala, i hriat chian duh chuan kei, a tirte atanga a tawp thlenga hretu hi min zawt mai rawh.... Rangkachak maw?..unpui ani ringawt... Lo ngaithla teh.. Chiang takin ka'n hrilh ang che. A tama atam zia mai chu, hnim to te pawh hi han pawt ila a zunga rangkachak bei ringawt pawh sawh thlak hlawk hlawk tham hi a awm zel mai zu nia. Chutiang ringawt chuan mipakhat ka hriat pawh in karhnih lek chhungin Dollar Singhnih chuang zet hu lai ala thei a ni. A laih a laih pawh angai lo reng reng" a ti ta zung zung a.
" Chu chu em ni i ruh khawm vek chu Snowy? "...... Chu putar chuan a rawn zawt tu lam chu a han leh hawi vat a ' Eng a ni? I hriat duh chuan a letthum hu zet ka khawl a, ka hmangral leh tawh ani. Engnge, rangkachak te chu hmanral tur a siam ani lawm ni? Ka duh hun hun ah rut leh nghek tur in ka chhuak leh mai ang. " A la ti ta zel mai a. Snowy chu pa huihphai lam deuh a an ngaih avangin a ngaithlatute chu an nui ham ham hlawm a. Tunge a nih a, engnge a hming dik tak tih hrechiang tu pawh an awm hek lo. Snowy-a chuan hna athawk ngai lova, a chang leh thlakhat emaw vel hi a pilbo leh vang vang thin a, mahse, zu lei na tur pawisa chu neih loh lai anei ngai lo. Zu pawh chu tuisik ang mai in aleih baw hiau hiau mai si a. Mahse tute mah in chupa awmna puk emaw, a tawmna leh abihrukna chu an hmu ngai lova, fiah thei an la awm hek lo. Chhui tuma han zuiru thin te pawh in khawchhung bak ah chuan an hloh leh nge nge thin bawk a tin ni.
Pa hang lam deuh sang tak, kum sawmli mi vel ni tawh awm tak, hmai hriam hrat mai, hnar zum ret rut leh mitmeng sa va deuh duar pakhat chuan " Deadwood khua chu athanglian hle tawh an tih ka hria asin" a rawn ti a. Chupa chu a inchei dan ah ngawt chuan Pastor emaw Ukil emaw hi a ang ber mai a, a kuttin te pawh a enkawl ngun hle a ni tih a hriat theih bawk.
Hepa hi Wayside khuaa mite chuan a ma in vuah angin Paul Lesurge tiin an ko ve mai a. A landan anga Gambler( lehkhadena eizawng mi) niin an ring mai hlawm a. Hepa an lo ngaihdan leh rindan erawh hi chu asual hret ani. Paul Lesurge-a hi Gambler ani hauh lo. Pa rilru nei, hisap kitap ngah tak leh thiam tak a ni tlat thung. Hlawkna tur anih dawn phawt chuan engpawh thap ngam zel mai mi ani a. Hlawhtling dawn a a in hriat chuan khaw hmu lo lek a bawh ruak ruak mai mi ani. He khua Wayside ah hian karhnih zet chu akhawza ve tawh a, a landan leh chezia chuan mi a chaldelh hle nghe nghe a. Amah ain ringtawk in mahni tawka in duh tak mi ani.
Chu a thusawi chu tleirawl Welder-a a hrilh bik deuh ni a a lan a vangin a ni chuan hrehawm a ti rilru hle mai a. Deadwood khua chu tlawh pawh a la tlawh ngai lo va, chubak ah Dakota ram hi a fan pawh ala fang chhin lo reng reng, kal pah a afan tih mai loh chu.
Rangkachak laihchhuahna lam te phei chu miten an sawi atanga hre chawp ve lek ani chauh bawk. Chutiang mikhual fing takin ahan sawi chuan aha ahawlh ta riau va, angaithei lutuk lemlo " Chutianga hla ka la kal lo. Ram awmdan ka hriatchian hnu in ka lo kir leh vat mai ani. Hmanraw tel lova kalna chi ani si lova" a ti a.
" Uai, in sawi angin chutiang hnim pawt phawng tur te chuan eng hriamhrei nge ngai ang? Rangkachak tih angreng te chu i hmu chai lo ani ta ve ang" tiin a bula ama rualpui awm vel chuan a rawn chhal a, Tim-a chu a sen ap ap a, chutah thinrim fe in "Hmu lo aa ni? A nih heng te hi eng nge ni ta?" tih pah in a ipte a han zen a, thifun pakhat hi a rawn phasrh a, dawhkan bulah chuan a han thehchhuak lawp a. Chu ip chu mi tinin Miner lai tu ho ah thin Savuna siam pawh zih theihchi a ni tih an hre thei nghal vek a.
Snowy-a chu a rawn hnai nghal ruak a, mi zing ah chuan a rawn in zep phei tawlh tawlh a, Ip chu a han la kang a a han vawr lauh lauh a, nui suk chungin " Pava thum zet a rit anih hmel e, mahse, dar mawi lek pawh a lo ni thei a" a la ti ta cheu va. Tleirawl chuan " Han hawng chhin la, engnge i hmuh i hre mai ang chu. Gold te chu hai rual i ni hleinem" a lo ti ve ta then a. Snowy-a chuan " Nauva, i chawhmeh a i chi ei zat aia tam ka hmu tawh hre ta che" a han tih khum ve sak a. Tichuan Ip tawnna chu a han pawt phelh a, a zena, tlem a zawng a han tham chhuak a dawhkan ah chuan rangkachak dik tak mai chu ahan dah tle ta sar mai a. Han en reng reng in rangkachak dik tak ani tih chu a tlet dan ah tu tan pawh a han hai chi rual ani lo. Putar phei kha chuan va tham nawk nawk mai tak a nap a.
" Gold zawng ani chiang khawp mai. Mihringin kan dam chhan thil hlu awm chhun a ni ngei mai" a ti a. Mipakhat chuan " Ni.... Mamawh engpawh leitheih na a ni ngei mai" a lo ti ve a. Snowy-a chuan chutianga rawn sawi tu chu a en a " Eng thil lei nan.... Tu in nge chutiang thil te ngaihtuah duh ang? A pawimawh ber chu zawn hmuh ani zawk. .. Ni, thian te u sa pel te leh hmeichhia, mipa zawng zawng ah pawh chuan he Gold zawn hmuh theih tluk a harsa hi ka la tawng ngai lo, thildang han zawn vel hi chu ka ning thuai thin a, mahse, Gold hmawr i hmuh tawh chuan tawp in tai a nei thei ngai lova.... " tiin Gold chu ip ah chuan a thun leh a, tleirawl chu a pe a.
' I hmuhna chu min hrilh duh chuang lovang tiraw" a han ti satliah ngawt a, Welder-a chuan chu putar a tak chu rum fe in ahan melh ngawt a, lehkhaden aman ang lek ah angaihsak in a hria a, a thin arim hlar mai a. " Hrilh che maw?.... He thil ka lakna ah hian a aia tam fet zawng ala awm ngei mai. Chu chiah chu ka hrilh ang che" a ti ta hmak a. Snowy chuan chek tlak tlak chungin " Hre hle ah i in ngai a ni maw? Ngawi tak rawh. Kei ang lek a i chhaih rei hnu a Gold hian mi alo bum nasat theih zia i hriatchian hun ah meuh chuan i chak lo hle ta ve atiin achhang let a. Titidang pawh leng thei ta lo chuan an thinlung ah chuan arawn chhem alh leh a.. Chu tleirawl thil neih chu an rilru ah chuan acham hlawm a, nghaknghlel tak in an ngaithla thuap hlawm a. Chung ho zing ah chuan Gold lam ngaihtuah leh enghlelh vw miah lo palhat a tel vw tlat mai. Chupa chu tleirawl hmel tak, Cowbot sam dum hlap mai hi ani a. Bar nghengin a ke akherh a, chutianga an han phul vel ta hlut chu nui deuh tha chung hian alo thlir ve satliah ringawt a. He tlangval hi Wayside khua ah hian mikhual satliah ve mai ani a. Sakawr dum lian tak "Nigger" tia a koh thin nei tupa ani a, a sakawr pawh chu angai hlu hle in alang bawk a, atih tur leh a lo kal chhan engmah a sawi map bawk hek lo.

Comments