SUDDEN - GOLD SEEKER-2

A tu amah chuan zawhna an pe lem lo bawk a. Tlangval sang tha zet zawt, dar pharh hlai tha tak, khabe kual nalh zet zawt, dar pharh hlai tha tak, khabe kual nalh tak, hmelchhe fahran lo, mitmeng pawl ram mai hi ani a. A phakruk pai fual hnelh hnawlh danah chuan awmze nei tak niin a nvaih theih a, a puakruk kawm chu amal te ah hian savun hruiin atawn tat mai bawk a. A hming chu James Green ani tih chauh a hrilh a. 

Chu hming chuan awmzia tehchiam aneih loh avangin tumah in hepa hi an bengkhawn hranpa lo. Saloon nghaktupa chuan, "Heng miho hi an a zo ta a nih hlawm hi. Gold pawh an la hmu ngai lo a nih hmel hlawm hle mai." tiin James Green a chu a rawn hrilh ru su su a. Cowboy chu a rawn then tha a, "An beng a verh hmel phian mai.. an thidang lo chauh hlawm pawh a ang a nih hi," a han ti zet a. Thutak leh deuh zawk hian, "Engahnge mi reng reng hi mahni thawh chhuahna hlawh aia awlsam taka pawisa lak mai hi an hlut viau zawk chu aw!" a rawn tih zawm leh ta a.

Bixby, saloon nghaktu chuan, "Ka hre bik lo le. Mahse, Gold laih hi thil awlsam takah chuan ngai suh. A nih loh leh mi han chhang teh, engvangin nge mi reng reng hian awlsam taka an pawisa hmuh hi an khawl theih reng reng loh mai le?" tiin a lo chhang a, "ka hre bik lo. Saw putar sawn a khalh chhuak tep tawh a nih hmel saw maw. I sumdawnna dawrtu i hloh tep a ang e a," 

"Tuna mi dawrtute pawh duhtawk loh nak alaia! Tun aia an kiam leh nghal chuan, puanthuah tel sawk sawk a pem daih mai a tul hmel a ni." 

"Gold zawng hote chu zui ve i tum em?"

Chu zawhna chuan chu Cowboy hawiher leh hmel chu a ti danglam teh chiam lo. Ngaihsak fahran lo hian, "Tum mumal pawh ka la nei lo. Mi pahnih ka zawng a, chung mite chu Wayside ah hian an awm mial beisei in ka lo kal mai a ni." tiin a han chhang leh ta a. 

"I thiante em ni le?" 

Chutah Cowboy hmel landan chu a danglam deuh sawt a, a mitmeng chu a thip sawt a. "Ka hmu chak hlawm tawh ngawt mai," a ti ringawt a. Saloon nghaktu chuan cowboy hmel atang chuan zawh zui zel chi turah a ngai ta lova, engmah a zawt zui duh ta lem lo va. Chutihlai chuan, tleirawl pakhat hi a sakawr thlan huh hluam mai chung a tanga lo zuang thla in saloon panin a rawn tlan nal nal a, "Stage (Sakawrtawlailir khualzin phurtu) a lo thleng.... Nula nalh fahran a rawn chuang tel...tin, Ike-a a rui lo tlat a ni awm e," tiin a rawn au va. Wayside atanga khaw hnai ber chu mel 40 emaw laia hla a ni bawk a. Stage pawh hi kar khata vawi khat emaw lek he khuaah hian a lo thleng thin a. Stage lo thleng hi an lawm hle a, inhmuhkhawm nan tak he hun hi an lo hmang thin a ni. 

Chu tleirawl aw chu sakawr paruk ke per ri leh sakawr vuak na hrui riin a rawn zui nghal a, chutah Wagon han ding leh a brake tlawh ri te chuan a zui leh a, a khalhtupa chuan "Howdy...." tiin a rawn au va, chutah dan pangaiin an infiamin kalkawng chanchin leh khawdang chanchinte an in zawt tawn nawk nawk a. 

A mi phurh te chungchang an han zawh chuan a khalhtu chuan " Ni e, hmeichhia chu phur e. Nula... A mah chauh ani leh nghal. Kei tak ngial pawh ka duh aia tam ka tawng ve hman thelh mai. Ka sakawr te pawh in an hre ve deuh ni ngei tur a ni. Mahse, ka whip a ka han vuak deuh thak thak hnu chuan mihring an ni lo tih an in hre chauh ani" tiin ahan fiamthu zui hlut nghe nghe a. Bixby-a chuan " Ike, hmuh che ka lo la inring lo asin le, Gold laihna lamah i tlan ve ta ah ka lo ngai tawh deuh che asin" a lo ti ve a. " Piah lamah a tam an tih chu ka hria, mahse, ka hna hi ka thlang zawk. Hlawh hmuhna a ni a, chaw a hun takah ka ei thei bawk si a" a ti a.

"Mahse, a hausak theih viau zawk ani lawm ni? " tiin Predy chuan alo ti ve thunga. Ike-a chuan" A tir lamah zawng chu chu a ni fo reng ani. Mahse, a awmna Block Hill saw Sioux Indian ho ram a ni a. Ka lu vun ka la ui rih tlat.... " a lo ti a. A lo ngaithla tute an lo nui ham ham a, an nuih chu a za leh zual hlawm a. Chumi chhung chuan Wagon a lo chuang nula khan ke han leng na hun aneih avang in lawm takin a chhuk a, kawng bumboh tak tak a insawh insawh a ni bawk a, a kham thawkhat hle mai lah tak a. Khualzin ho chu an in ang lo in an hmuhnawm hle hlawm a. A rawn chhuk thla hmasa ber chu mipa, kum sawmthum vel mi awm, pathau tak hi ani a, a phu loh in a beng chu a sei leh nghal a. A hmui lah chu eng lai pawh in a nur nung reng emaw tih mai tur hi ani roh va. A hmui hmul ki vun mai chuan a hmui ner chu a thup zo tak tak si lo. 

A kawrawm chu a hawng huai a, a awmhmul chu a lang fur a, a kawrchung chu a ko vah chuan abat a, a kawnv bawr ah puakruk apai vuh mai a. Wayside khua chuan mikhual huphurhawm leh tawhkhirh tak an nei sawn ani tih an inhre nghal mai a ni. A hnung ah chuan tleirawl pakhat, sa tha tawk fe, hlim thei tak hmelpu hian arawn zui bawk a. Chu Cowboy chuan a khing leh lam in a lukhum chu a rawn keng a, lehlam in a hnung a mi lo chhuah na turin kawngka a hawn sak bawk a. A pathumna a lo chhuah ve chuan Wayside khaw lo thlir tute chu an thaw deuh huai hlawm a. An lo phun ri nghal ta sup sup a, a lo thlirtu zinga pakhat chuan, "Three Finger (Ike an kohna) chu Sabengtung that dan sawi ah zawng a tlak viau mai thei a, mahse, saw nula sep tur chuan a hman tlak thlawt loh a ni. Saw nula saw a no tih piah lam ani e." a lo ti bawk a.

A sawi ang ngei chuan chu nula chu alo tha in a lo no na ngiang mai a. Kum sawmhnih pawh la tling lo tur hi ani a. A kawrlum fual hak hnalh te chuan a sam dum kir mawi tak te chu achawih hliah hliah mai a. A mit chu a dumpawl mawi tawk ani a, a hnar chu azum vah mai bawk a, a heh lah chu han fawh atana itawm fahranin atai hlar mai a. Chutia mi hmuh duh leh mit fuk na ber a ahan awm ta mai chu chu nula chu a zak rilru ta hle mai a. Mahse, a intipachang hram hram a, kawngka lo hawnsak tu Cowboy chu lawmthu ahan hrilh a. Chumi zawh a amah lo thlirtu mawi taka ahan nuih hnap mai chuan a lo thlirtu chanve aia tam chu a bawih ah a siam nghal hi a ni ringawt mai a, a thil duh chu an ni tan chuan thupek hi a ni ta ringawt mai a ni.

Chutia mipui hamhaih lai chuan Paul Lesurge-a chu a rawn kal hma a, nula chu lukhum phawkin chibai a rawn buk ta a. "Maam, Wayside khua ah hian nangmah lo welcome hmasa ber tu ah ka han tang ang e. I duh chu ka tan thupek a ni... Ka hming chu Paul Lesurge ani e" tiin a rawn in hriattir nghal a. Chutia a hming ahan hriat ngawt chuan chu nula tan chuan awmzia hranpa vak anei lem lo. A han en vang vang a, biangsum khuar kalhin ahan nuih a, chutah a ban chu avawn tur in a pe ta a. " I ngilneihna avangin ka lawm e, ka pu. Ka hming chu Mary Ducane ani a, ka rawn kal na chhan chu...." "Chu zawng nakin a sawi ah la khek rih zawk la a tha ange. In silfai leh hahdam i mamawh a ni e. In lo kal na kawng lah a hrehawm zia ka hriatthiam pui che a" a lo tihkhalh thuai thuai a. 

"In phihfai chu ka chak khawp mai" nula chuan alo ti vat a.

"I landan ah chuan i mamawh hmel loh hle si a" tia alo fak der zauh chuan chu nula chu a lo sen deuh ap ap a... "Awle, khawinge Hotel awmchhun ah ka han hruai ang che. A ropui fahran lo nain a enkawltunu chu afaiin a fel thung a, a lo enkawl thei ngei ngei ang che. Kha kha em ni i thawmhnaw chu?" tiin Cowboy pakhatin an inbiak lai tihbuai duh lo va nula bag a lo khaisak reng tawh chu kawk chungin ahan zawt a. Mary chu alo bu zauh va, bag lo khai tu hnen ah chuan Lesurge-a chuan" Ka thian, khawi ka lo la ange" a han tih chuan a lunghnur hle mai a. 

Chu Cowboy chuan chutia Lesurge-a'n thamlo fe a a han ti mai leh a nula beisei ve deuh mai a han chan khalh ta mai chu a ngaithiam lo kher hle a, a thinrim chuan a puakruk kawm chu a han vuan nghal ta mai a. Chu Cowboy chu Lesurge-a chuan chiang fe mai in ahan en a. "Thiana, gentlemen te chu nula hmaah an in tibuai ngai lo ve. Pawi i tih loh chuan nakin ah kan la sawi dun dawn nia" awmze nei fe in a tihsan ta daih mai a.

Chutia a han tih chuan chu cowboy tleirawl chu a thinrim zual sauh va. Mahse, a tawng leh hma in nula chuan chibai buk tura ban pah in, "Zin kawngtluana i thatna a vangin i chung ah ka lawm tak zet a ni," a lo ti a. Chutia ahan tih meuh chuan tlangval chu tihngaihna hre lovin a hamhaih hle a. "Engmah a ni hleinem.. Tanpui i ngaih chuan sawi la, ka lo tlan vat mai ang," tiin chibai a buk ve ta a. 

"Ka lawm e. Mahse ka chunga tha te lak ah chuan thinrim lo hram ang che" a ti sap a. Chutia zinkawng tluan a a kawppui nula lo laksak a lo chhuhsak mai tu leh nula kal dun ta chu a enzui vawng vawng a. Chutianga a thlir vang vang laia amah rawn be tu aw ahriat chuan a phu deuh zawk nghe nghe a. A han enchian chuan an chuanpui pa kha a lo ni a. A ni chuan, "Kan nula i chu a rang hle maw? I lo chuan ve hma khan kan inkawp viau va. I lo kal a, nang kha a ti leh deuh che a, tun ah hei Paula a hmu a, a hnutchhiah ve leh ta thung che a ang hle mai. Mahse Paula a hmu a, ani hi chu akalsan leh mai thei kher in ka ring lo" a rawn ti a. 

"Sawpa saw i hria mi em ni? " 

"Paul Lesurge maw? Hria chu ka in tih ve mai a ngai. Dik takin amah hmu turin alawm hetah ka lo kal. Unau ang chiah kan ni. Hepa hi chu pa pui tak atling. I hmuh angi pa zei tak ani bawk," tih pah in a han nui huk huk a. Chupa bawk chuan, "Chuvangin i nula i chu mangtha mai rawh.. Cowboy.. Paula i dah tha te anih ngawt si loh chuan" a tih zawm leh a. 

"I ka kha chip cham ringawt mai rawh, nang utawkpa. Chuti lo chu keimahin ka chip sak ang che" tiin alo vau ta hlar mai a. 

Chupa chu anui huah huah reng a, a hmel han en chuan utawk pawh han sawisa hrep dh hmel hi a ang reng mai. Chu Cowboy chu hlauhawm tak tur ah pawh angai lo. Chuvangin la fiamthu chung zelin " I thu tak viau elo? Ni, kha nula kher kha zawng a chhe lo bawr bawr em rwng ani. Zan khat atan ka thlakhat hlawh pawh........" tawng pawh atawng zawm leh hma in tlangval chuan apan that a, a khave ah ahnek ta chawrh mai a. Thiamna nena hnek zawng ani lo na in a tha zawng zawng leh thinrimna nen a hnek a nih avangin ahnek na kher mai. 

Chutianga a hnek duh mai arin loh avangin chupa chu ameng awn a, a let ta der mai a. Sakawrin a han kheng let tawp hi a ang ber. Chu cowboy chu ala thinrim hle a ni ngei ang, a kuttum hum ruh reng chung chuan a hnek thlukpa chu a melh chhuk run mai a. "Nula thu ka bula i sawi leh vaih chuan ka pawtsawm vek ang che" tiin ain hrosak khum a. Chutah ain her a a kalsan ta a, chutianga a han hnungchhawn veleh chuan a hnek tluk a kha alo tho thuai a, a puakruk aphawi nghal a, a hnektu cowboy chu kah mai tumin a kau ta nghal a. A hmet per hman lo chiah tih ah a sir lam atanga aw lo chhuak chuan, "Ti duh suh" rawn ti sap hian a hre ta tlat mai. Chu aw chu ring lo hle mah se a rik dan ah han ngaihthah rawk chi a ni lo tih chu chu pa chuan ahai miah lo. 

Chupa chuan a han en zauh va, mite chuan an lo thlir thuap mai tih pawh a hre nghal bawk a. Sir lam deuh va tleirawl pakhat ban nghenga lo ding chuan a puakruk chuan alo tin ve reng ani tih ava hmu ta a. A mei zuk lai chu seh kawhin a pet khu hlat hlat a, chu tleirawl chuan "Min rawn hmachhawn rawh. Mi hnunglam atanga kap ve chi ka ni lo ania." tiin awmze nei fe hian thu ahan pe ta a. 

Chpa chuan "Engvanga hetianga rawn in rawlh ve ringawt nge i nih?" tiin a rawn zawt ve thung a. Chu tleirawl chuan sawi buai thui chu a duh lo hle mai. Chu tlangval mitmeng leh mipui hmel ahmuh chuan chupa chuan buaina siam chu a phur ta lo a ni. Chu tlangval ai chuan upa in lang mahsela, silai chelek lamah chuan a upat hmelin a inhre ta bik lo. 

A lo thlir tute pawh chuan chu tlangval, saloon a an fiamthu pui bawrh bawrh kha a hmel an han en chuan han fiam mai mai chi ah an ruat bik tawh lo a ni. Chupa chuan "Nangnen inhnialna ka nei lo ve" a rawn ti chhuak ta a. 

"Ni e, ka hmachhawn tlat che alawm.. Han tih lawm che ka tum mai a nia" deuhsawh tak leh awmze nei fe hian a han tih khum a. A cowboy kah tum pa kha a rawn hawi ve a, alo thlirin thilawmzia chu a hre thi nghal vek a. Tlem a tlem ah a thi lo chauh tih pawh ain hria a. A lo kir leh a amah kah tum tu pa chu a rawn hmachhawn a. Greena chuan a bula ban chu kawk in " I silai kha phawi vela, tah khan ding rawh" a rawn ti leh ta a. Chu Cowboy chuan atih ang chuan ati ata a. Chutah chu pa hnen ah chuan "Awle, i thah tumpa chu i hmachhawn ta. Tunah che rawh le" tiin a sawm zui ta a. Chu pa chuan chu sawm na pawh chu han zawm chi niin a hre tawh lo. A dar a san uk a, hmui ner nung chungin "Intihvei na mai mai ani. Cinema ang thil le.... In upat deuh hun ah ka la hnial buai zawk ang che u" tiin a pistol chu a bawm ah akhung ta a. A kekawr ipte chu zenin a kal ta daih a.

A hnunglam ah chuan tlangval sam dum chuan "Ka rin ang ngeiin dawihzep tluan zak...." tiin a chhan pa chu akawk a "Khatiangin hunremchan pe tawh ngai suh ang che" tiin ahrilh nghal a. Cowboy chuan, "Ka at vang a ni e. I chungah lawm thusawi ka ba...." ati a. 

"Chutiang sawi tur a awm lo" tiin ahan nui suk a. "Ka hming chu Jim Geeen ani, ka inchung chu ka lukhum hi ani mai, khawvel ah thian pakhat mah ka nei lo" tiin a in hmelhriattir a.

" Dawtsawi a han puh nghal mai che chu ka hreh deuh kher mai. Mahse, thian pakhat i neih chu ka hre tlat ani" tia nuih ve pah in, "Kei chu Gerry Mason ka ni a, ka chhung leh khat ten min boral san vek tawh a., bawng ven ka kham deuh va, Gold laih lan hi han chhin ve hlek ka tum ani." a lo ti ve ta a. 

"Eu.... Chu a va tih chi awm ve! Keipawh ka awlthawn ve lai tak asin" ati a. 

"Nia mawle, mahse thil inruahman angai hle chuan ka ring a.... "

Chutia a lo remtih avang chuan Mason chu hlim hle a, Greena pawh chuan hrethiam takin alo nuih ve a. Nula hmeltha tak mai kha Wayside a a chamban chuan a thian chhar thar pawh chu ahloh lo mai dawn ani tih a hria a, chubak ah ani pawh chuan kalbo leh thuai atum ve si a.

Previous                                       Next