Kristiana Vanram Kawng zawh-Thuhmahruai

THUHMAHRUAI 

John Bunyan-a Kristian Vanram Kawng zawh ziaktu hi Bedford atanga Elstow khuaah kum 1628 khan a lo piang a. Chu lai hunah chuan an ramah suahsuaina a punlun nasa a hle a. Kum 1199 lai vel khan a pipute chu Bedford khuaah an awm tan a. A pa Thomas Bunyan-a chu belpawp thawmtu, hnuchhui lam thiam mi a ni a; a nu chu Margaret Bently-i a ni. Chutih laia mi rethel fate lehkha zir ang chu a zir ve a. Sikulah an tur a, zlak leh chhiar thiam chauh chuan a zir ve a: amaherawhchu naupang thatchhe tak a ni a. Anchhe lawh leh chhechham leh dawt sawi leh Pathian sawichhiatah a rualpuite zingah amah tluk an awm mang lo. 

A tleirawl hma deuh chuan hlauhna chauh amah thuilun theitu a nl a. Chh(inah chuan thinur lo thleng tur ngaihtuaha hlauh ut ut chang a nei a; zanah mumang hlauhawm pui puite a mang bawk thin a. A chang chuan ramhuaihovin amah lo hnuk dawr dawrte hian a hria a. a chang leh ni hnuhnung lo thlenga thil hlauhawn tak tak a chunga lo thleng dawnte hian a hria a. 

A lo upat deuh hnu chuan a rilru a lo sak ta tial tial a. Mak taka thih a pumpelhnate pawh chuan amah a tidanglam chuang lo va. Vawi  hnih  tuiah a tlahlum thelh a; tin, Charles I lal lala mipui leh lal pawl indonaah chuan sipaiah kum hnih  lai a tang ve a. Leicester khaw huainaah a tel a, a santiri dinpui chu a malah an kap tlang a. a thi nghal hawk a. Kum 1645-ah Indona chu a lo reh a, John Bunyan-a chu Elstow khuaah a kir leh ta a. 

Kum 23 a nihin nupul zaidam leh sakhaw mi tak mai, a hming Maiy chu a nel a. Elstow khuaah chuan chhungkua an lo din tan ve ta a. Ama sawi danin an rethei  em em a, chaw ei thleng leh fian tak ngial pawh an nei lo va. A nupui erawh chuan a pa thihsan lehkhabu pahnih, ‘Van Kawngka’ leh 'Sakhaw ngaihsak mi’ tih hi a chhawm a. Chung lehkhabute chu an nupa chuan an chhiar dun thin a. A nupui chuan a pain nun dan thianghlim taka a nunziate a hrilh thin a. Chung atang chuan rilruah insiamthat duhna tak tak a lo nei tan aa a. Mahse pawnlangah chauh a insiam tha a, a thinlung a la danglam tak tak lo va, a nundan sual pawh a la sim chuang lo. 

Nakin deuhvah chuan Bible a lo chhiar tan ve ta a: Nikhat chu Chawlhni bawhchhiat thu sermon a ngalthla a. Chawhnua a awm mai mai lai chuan rorelna lo thleng tur chu a rilruah a khat hle a ni ang, a lo hlau la em em mai a. Van atangin awin. "I sualte kalsanin vanah i kal ang nge, I sualte neiin hrem hmunah i kal dawn?" ti hian a hria a. Mi sual tak a nih chu a thinlungah a lo lang nghal uar a. Mahse ngaihdam leh van rama kal dil chu tlai lutukin a hria a. Rilru hah tak chungin Inkhel  turin a kal leh ta a. 

Ni khat chu Bedford kawtthlera in pakhat kawngka bulah hian nu pathum hi an lo titi a hmu a. A va pan hnai a, Pathian thu leh an thinlunga hna a thawh dante an lo sawiho a ni a. An titi atang chuan sakhaw tak takah chuan thil hlu tak eng emaw, a la chan ve loh a awm a ni tih a lo hre ta a. An thusawi chu a theihnghilh thei ngai tawh lo va, chuta tang chuan mi tawng tlahawlh tak tak a pawl thin chu bansanin Pathian ngaihsak mite pawl a tum ve tan ta a ni. 

Chutianga Kristian dik tak takte a kawmna atang chuan a nun sual Boralna khua chu kalsanin Lungngaihna chirhdup pawh dai kaiin, Kraws bulah a thinlung sual ritphurh a lo hnutchhiah ta a, Kristian, Van ram kawng zawhtu ropui tak pakhat a lo ni ta a ni. 

Kum 1653-ah Bedford khuaa pastor John Gifford-a nan an lo inhmelhriat a. Chu mi kum chuan Gifford-a chuan Ouse luiah baptisma a chantir a. Baptist kohhranah lawmluh a lo ni ve ta a. Chhandamtu a lo chhar taka chu midangte pawh a lo hriattir ve tan ta a ni. A thinlunga Pathian khawngaihna leh zahngaihna a hriat chu saw! lovin a awm thei ta lo va, hrethiam se chuan choakte lam hi hrilh zel mai a duh a ni. A thu sawi pawhin mi a hip hle a. Reilo teah Bedford chheh vela mi tarn tak a thusawi ngaithla turin an lo pungkhawm tan ta a. 

Mahse hun khirh tak mai a lo thleng dawn a, a sakhua avangin nasa taka a tuar a lo tul dawn ta. 

Chutih lai vel chuan a nupui Mary chuan an fa te pathum nen chuan a thih san ta a. An fa upa her chu May a ni a, mitdel a ni. Elstow afangin St Cuthbert's Street-ah a insawn ta. Kum khat hnu chuan an fate nu tur chu a zawng leh ta a. 

Elizabeti a nei a, a thlang fuh hle nghe nghe a. Ani hi a lung in tan chhung leh a chhuah hnu pawha hmangaih taka enkawltu a ni. Kum 1655 leh 1660 inkar chhung chuan Bedford chheh velah chuan thu a hril thhn a. November 12, 1660 chuan Harlington bula khaw te Samsell an tihah thu sawi turin a kal a. An inkhawmna tur  in neitupa chuan, "Thil hlauhawm a awm e. tlanbo rih mai rawh," tiin a hrilhru a. Mahse John Bunyan a chuan hlauhawm lo Ian veleha han tlanchhiat mai chu a duh awzawng lo mai a, a thu sawi lai chuan Police-in an rawn man ta a. Bedford khaw tan inah an khung ta a. A nupui chuan a theihtawpin roreltute hnenah a chhuahna turin a bei a, mahse a hlawhtling lo. 

Kum 12 lai a tang a, a nupui chuan nitin a theih anga thain chaw a siamsak a, a fanu Mitdel te khan tan inah a han hlan thin. A tan lai thu chu hetiang hian a ziak. "Engkim Pathian kutah ka hlan a, tin, inchhung ka luh chinah Pathian chu ka kiangah a awm tlat tih ka hria a. Tun ang reng rengin Lal Isua hi a tak tak a nih ka la hre ngai lo," tiin.

Tin, inah chuan heng lehkhabute hi a ziak a: 

• Fianrial Hlawkzia, 
• Thlarauva Tawngtai, 
• Kristian Chetzia, 
• Khawpui Thianghlim, 
• Mitthi Thawhlehna leh 
• Khawngaihna Luangliam-te hi. 

Kum 1672-ah chuan tan in atangin a lo chhuak a. Thuhril phalna licence a nei a. A awmna kohhran chuan an pastor atan an lo thlang ta a. Pastor a nih atanga kum thum lekah chuan a thuhril phalna chu an chhuhsak a. Amah pawh an man leh ta a. A chungchang an ngaihtuah a, Bedford Bridge tan Inah thla ruk tang turin an ruat leh ta a. Chuta a tan lai chuan a lehkhabu hmingthang tak Kristian Van Ram Kawng Zawh hi a lo ziak ta a ni. Kum 1676 khan a bua chhuah a ni a, Then Hnihna (Kristiana nupui leh a fate kal ve thu) erawh chu 1665 kumah a bua chhuah a ni ve chauh. A dam laiin vawi 11 lai chhut nawn a ni a, copy 100,000 lai hralh a ni. 

Tan In atanga a chhuah hnu chuan Bedford khuaah pastor niin kum 15 rawng a bawl a, Pathian Thuhrilh leh ziakin a nun chu tangkai takin a hmang tawp a ni. A thih hma kum sawm chu a huntha ber tih theih a ni awm e. Thuhril turin sawm a hlawh hle mai a. London khawpuiah te, Leicester khawpuiahte pawh an sawm thin. Sakhaw zalenna duhtute zingah thian tha tak tak a nei a. Pakhat chu London khawpuia Lord Mayor Sir John Shorter a ni. Khawpui lianahte thu hrilin sawm ngun hle mah se Bedford khuaa kohhran tan chuan rinawm takin a thawk a. August 1688 chuan London khuaah thu hril turin a kal a, a kal pah chuan thil pawimawh tak tih tur a neih avangin Reading a tlawh pah a. John Bunyan-a te thenawma tlangval pakhat Reading khuaa a pa nen an Inhau vak mai a, a thinrim chuan tukthluk a tum a. Chu tlangval chuan a pa nena an kara remna siam turin Bunyan-a chu a ngen a. Chu mi titur chuan a kal a ni. A pa chu theihtawpin a va bei a, remna pawh chu a siam thei ta a. Chu mi hnu chuan Reading khuaah chuan thu a sawi a, a sawi zawhin sakawr chunga chuangin London a pan ta a. A lehkhabu zlak hnuhnung ber manuscript Inthawina a tih chu a chhuahtute hnena pek tumin a keng a. Ni 40 zet chu thli leh ruahpui hnuaiah a kal a, a huh zawr hnap a. A thlen In a va thlen chuan damlo a ni tawh a. A thlen In pa John Studwick-a chuan khumah a muttir a, a enkawl nghal vat a. Pathian ni chuan thu sawi tur a ni a, a la chau hle chungin a tumna chuan a tichak a. 

August ni 19 chuan thisen hrin an ni lo va, tisa duhzawnga hrin an ni hek lo. Pathian hrin an ni zawk e tih chang thlana hmangin sermon ropui tak a sawi a. Inkhawm ban chuan a thlen inah khuma a mut leh nghal a tul ta a. 

Thawhlehni chuan a khawsik a lo na ta hle mai a, a lo zual zel a. August ni 31, 1688 chuan khawvel natna leh tan in hrehawmte tuar tawh lo turin thihna lui a lo daikai ta a, a chatuan van in a lo thleng ta a ni. A thlen In pa, a thiantha tak John Studwick-an an chhungkaw Inphumna atana a lo reserve Bunhill Fields-ah chuan a taksa chu zah takin an zalh ta a ni.

Kum 60 chang chang a dam a, chu mi chhung chuan lehkhabu 60 lai a ziak a, chung zinga a lar lar pathumte chu Khawngaihna luangliam te, Indona Thianghllm te, Kristian Vanram kawng Zawh-te hi an ni. 

Chung pathumte zinga larzual chu Kristian Van ram Kawng Zawh hi a ni. Ama dam lai ngei pawhin a hmingthanpui hman hle tih kan sawi tawh a, a thih hnu pawhin a thu zirtir a dik leh a ngaihnawm em avangin miten an lo ngaina ta zel a. Mi thiam sangte pawhin an ngaisang em em a ni. Khawvel tawng chi hrang tam taka lehlin a ni a, Kristian missionary te chuan an kalna apiangah an keng darh a. Bible tih lohvah chuan lehlin leh tih darh zau ber a ni. Tanin ah chuan Tawng hrang 147 a lehlin a ni a. Chung tawng zinga tam tak chu John Bunyan-a dam laia saphovin a awm tih an hriat lohte a ni. 

Tun thleng hian khawvel hmun tinah hnam hrang leh tawng hrang tamtak hmangte hnenah thu ala sawi ta a ni. Mizo tawnga a bu kan neihna pawh kum 70 ala tam a lo ni ta. 

Khawvel dang zelah awm mah ula, mihting nun hi a thangthei tak tak lo va. Chuvangin a thuchah hi a hlui tak tak thei dawn lo va, thangthar lo la awm turte tan pawh a la pawimawh reng a ni.