'Tuai' : Pre Colonial Context

 'Tuai' : Pre Colonial Context      (Liando Dar)

~Lalrochama Saivate

Hmanlai Mizo nunah, hurherh thil hi a awm ve ngei. Heng : Uire, thlim, Lawithlem, Anpui kawp te leh a huho a pawl rawn ang chi thlengin a awm. Tin, heng bakah hian, mihring piah lam : Ran nena inpawlna (Sexually intercourse) pawh a awm - 'Sepui/ Vawkpui rim' an ti.

'Tuai' pawh hi tlang hriatin an awm. Eng dinhmun (Status) nge an luah ka hre pha lo. Sakhaw thilah hian an inrawlh deuh tlatin ka hria. An en hrang (Discriminate) lutuk lo a ang thung. Tunlai 'Gay' nen hian an nihphung an inang ang em, ka hre chiang ngam lo. 

'Tuai' chungchangah hian, tawngkam lar tak - 'Tuai khaw fang' tih erawh a awm. Hur herh lam hawia khaw fang anni thei ang em?. Tunlai mite nen hian an danglam thui lo maithei. 'Patil ram chhuah pui' a hlawhtlin theih loh te pawh an ti; lang lo lam/ a phen a mi : (behind the scenes) a awm maithei, hei poh hi. Engpawh nise, 'Tuai' bik hi chu 'Sexsual figure' an nihna chen a awm dawn. 

Tin, heng : 'Mihur zawn' leh adt pawh kan neih (practice) avangin, hmanlai Mizo nunah khan Sex abuse hi a awm khawp ang. Major Shakespeare hunlai khan, Vai Sipai hmuna Nawhchi zuar pawh khap ngai khawpin an awm tawh.

Liandoa te unau - Lersia :

Lersia leh Singaia hi unau ni awmin an sawi. Singaia hian 'Ro' tihtham fe kengin a chhuak a, rulpuin a lo dawlh. Liandoa te unau vanneihna a lo ni thung. Tuaisiala mit var manah rulpui pumpui an hlawh a. Singaia 'Thi leh dar' an chang. An lo hausak phah. 

Lersia hi a reiah lal ropui tak a ni ta a. A unaupa chanchin hi a chhui ru zel a ang. Liandoa te unau hi a chhui thleng a ni ang. Tichuan, Liandoa te nen hian inchhar chhoin, a siam lian lehzual a nih ka ring. (Se pui chhuah leh adt)

Liando Dar : 

Dar hmingthang leh huaisar a ni. 'Dar Huai' an ti kher a ni awm e. Singaia'n a nei hmasa bera, a thih phah. Rulpuiin a dawlh a, a thih phah. Liandovate unauin an chang a. Tuaisiala ralin an thah phah.

Tuaisiala hi Tuai (gay) a ni an ti. Titi ah chuan, an khaw tlangval hoin an mutpui (Pawl) thin niin an sawi. Hemi vang hi nge, Liandoa hi a pem ngei hmel. Tuaisiala hian a zui ve lo a ni ang. Tichuan, Lersia thih hnuin, Lersia unaupa Vangchhia'n/a hoin Tuaisiala hi an that (buan hlum). He lai context : 'Buan hlum' hi hriatfiah a har. 'Pawl rawn - Sexual abuse' (Gang rape : Mihûr zawn) a ni maithei. Tin, Inbuan pangngai (Wrestling) pawh a ni thei. Lersia thih thuah hian Tuaisiala hi rinhlelh ni a sawi a awm a. Phuba lak nana thah pawh a ni thei tho. Tlang bum nan, Tuai-ah an puh daih pawh a ni thei tho bawk. Vahuiin Tualvungi a ko ang deuh khan.

Liandova hian a nau Tuaisiala phuba la turin, Pasaltha Hauchema kha a tir a. Phuba lak manah 'Dar huai' kha a hlawh. Hauchema hi : Sawngkhara leh Chawngvungi thawnthu a Sawngkhara pa kha a ni. Chawngvungi manah a kal a. A nin a thih phah leh bawk a nih kha. A reiah Laburhan a changa. A inpui a kanin a kang ral ta.

Hmanlai Mizo nun kha zahmawh/Hur herh uchuak lamah an invawng fuin a lang. Lo uchuak deuh ta se, Sap ho ziah hmaih loh tur chi a ni chiang hei hi. Amaherawhchu, sawi tur ting chu a awm tho tho.

Lal ten, 'Vanlung ur' an chhiahhlawh te an rim dan pawh ka hria. 'Banglai chung' an rek pawp a. 'Phung tlak' anti! Chumi awng atang chuan, zan reiah, Lal khan midang hmuh lohin a chhiahhlawh hmeichhia te pawl turin a pan thin.