Zomite Thlavang Hauhna Kawngzawh

Kawngzawh Runpui

Hmun hrang hrang, khaw hrang hrang leh hun hrang hrangah heng thil thleng duhloh vanga kawng zawh hi Mizoram mai ni lovin, state dangah te pawh neih a ni a. A tute pawhin kan duhlo hle tih a hriat. Hei hi a chhan pakhat nia lang chu - Meitei ten Kuki nula, saruaka kawng an zawhpui avang kha niin a lang a. He thil hi India ramchhung mai nilovin, ramdang te thleng in an duhlohzia an lo tarlang a ni.

  Thenzawlah pawh he thil thleng duhloh zia lantir na kawng zawhah hian mipui an tam hle mai a. NGO hrang hrang aiawhten thu an sawi hlawm a ni.

Kolkata Mizo Kawng Zawh

Manipur buaina a Zofate tawrhna nasa tak tawrhpuina lantirin vawiin (6th August) tlai dar 5 khan Kolkata Mizo awmte chuan City Centre, Salt Lake atangin Karunamoyee thleng kawng an zawh.

He kawngzawhah hian mi 300 chuang an pungkhawm a. Mizo bakah, hnamdang te pawhin kawng hi an zawhpui ni a thudawn a ni.

Vawiin Kolkata kawng zawh (solidarity march) ah hian thuziak hrang hrang, Bengali, Hindi leh English a thuziak kengin an aurual a. Aizawl leh Manipur atanga khualzin, Kolkata a cham te pawhin kawng hi an zawh pui  a. Kawngzawh tawpna hun hi Karunamoyee hmunah siam a ni.

Tin, Delhi tlang thlengin, Zomi te thlavang hauhna a nasa hle bawk.