DIK LEH RIL

*Hnung lama min rel zui leh turin hmai chhanah min fak chiam lo la, ka that lohna i hriat chuan midang bulah ni lovin ka bul ngeiah min hrilh mai la, insiam that ka tum mai ang!

*Ka chanchin i hriat chian duh chuan midang zawt lovin min hre chiang turin min hnaih mai rawh,

*Rinthu maia ka chanchin sawi lovin thudik a nih chuan a tha lo laite nen lam sawi zawk fo rawh.

*Ka nihna bak baka fak ka phut lo va, ka nihna ni lo thleng thlenga sawichhiat pawh ka duh lo bur bawk.

Keimahah famkim hmuh tum bik lo la, famkim tum famkim thei bik lo ka ni si a.

*Engti pawhin min lo sawi rawh, ka haw lo che, mahse dawtthu i sawi tam poh leh chunglam rulh letna tuar turin inpeih tel fo ang che.

*Ka bulah midang that lohna sawiin lo rel duh suh, ka hre chak lem lo,_* _mi famkim i nih bik ngawt loh chuan tumah sawisel thei i ni bik lo.

*Midang that lohna sawi peih em em te hi, an sawia te ai hian an nunah zirtur a awm lo fo va, nun hlimna tak tak an nei ngai lo