GOOGLE-IN LONDON KHAWPUI-AH IN LIAN NAMEN LO SA DAWN

World News-June 4, 2017193 Post Views:2,109

Google chuan London khawpuia an headquarter tur  in lian namen lo an sak tum design an tlangzarh a, an in sak tum hi chhawng 11 niin anin chhung huam zau awng tur hi mtd 1 square feet lai a ni dawn a, a chhawng chung berin pangpar huan mawi tak siam an tum bawk dawn a ni. He an building sak tum design-tute hi khawvela architect ropui London 2012 Olympic hmunpui lo design-tuThomas Heatherwick  leh Danish architect Bjarke Ingels te an ni a, a design hi a pui miah miah hle a ni. Google hi American multinational technology companya ni a, kum 1998 khan Stanford University, iCalifornia-a Ph.Dan zir laiin Larry Page leh  Sergey Brin-te’n an din a ni a. Internet leh a behbawm thil tam takonline advertising technologies, search, cloud computing, software, leh hardware lam an khawih a, an lo hlawhtling ta hle a, google tih hi verb-a hman chuan computer hmanga internet-a thil zawn sawina a ni ta daih mai a ni. Computer, Internet leh mobile hian Sap ţawng thar a rawn chher chhuak tam ta hle mai a,English Dictionary-ah hian Sap ţawng thumal thar hi an seng lut mawlh mawlh zel maia ni. Kum 2015 october thla atang khan Google chuan an thuvawn, motto an thlak a, “Dothe right thing” tih an hmang ta a, Sual kalsan la, thil ţha ti rawh tihna te pawh a ni ta ve ang.
Google dintute hian thil dangah an thluak an hman duh avang leh an insawrbing duh avangin tunah hian Google CEO chu India mi, Sundar Pichaia ni mek a ni. He an ruahmanna hi pawm a nih chuan kum 2018 atangin London, King’s Cross railway station bulah an sa ţan dawn a ni.Mizo pi leh pute thufing “Mi fingin an fin man an ei seng lo, mi a-in an at man an chawi seng lo” tih hi a dikzia Goolge hian a rawn nemnghet leh ta ani.Kohhran leh khawtlanga  inhmang, inti puithu, inti khunkhan, inhuam up vel, inti tuavawn, inti fing, fing mang silo hlei hlei hian Chhura rual rilru ang  pu lo tura kan in update zel loh chuan, mi dang chu sawi loh kan fate, naupang te te ngei ngei pawhin min nuihzatbur mai chu a ni ta zel mai si a, kan inzir zel zawng, loh theih lohvin  a lo ngai ta a nih hi!