HMARCHHAK KHAWPUI 3-AH SMART CITY PROJECT KALPUI DAWN

Gemini Sailo>‎Mizoram News
Dated 26/6/2017
Sorkar laipuiin 'Smart City Mission' hnuia Smart City project kalpuina tura khawpui a thlanchhuah zingah hmarchhak khawpui pathum an tel.Smart City project kalpuina tura khawpui thla chhuah te chu - Mizoram khawpui Aizawl, Sikkim khawpui Gangtok leh Aruanchal Pradesh-a Pasighat-te an ni. Kar kalta Zirtawpni khan Smart City atana khawpui thlanchhuahte puanna hun New Delhi-ah buatsaih a ni a, diltu 40 zinga khawpui 30-te chu thlana chhuah an ni. Urban Development Minister M Venkaiah Naidu chuan khawpui thlanchhuah hming hi puangin, khawpui 40 tlan tura tih a nih laiin, 30 chauh thlan a ni, a ti. Diltu khawpui dangte hi tehna hrang hrangah an tlin zawh loh avangin khawpui 30 chauh thlan an ni ta tih a sawi bawk.Urban Development Minister chuan Smart City project hi khawpui 100-ah kalpui tura ruahman a nih thu sawiin, hemi atan hian khawpui 90 thlan chhuah an ni tawh a, khawpui 20 aṭangin khawpui 10 thlan chhuah leh an la ni ang, a ti. Khawpui 20 - Itanagar (Arunachal), Biharsharif (Bihar), Diu (Daman & Diu), Silvassa (Dadra and Nager Haveli), Kavaratti (Lakshadweep), Navimumbai, Greater Mumbai and Amaravati (Maharashtra), Imphal (Manipur), Shillong (Meghalaya), Dindigul and Erode (TN), Bidhannagar, Durgapur and Haldia (WB), Meerut, Rai Bareilly, Ghaziabad, Sharanpur leh Rampur (UP) aṭang te hian khawpui 10 thlan chhuah leh an nih tur thu a sawi bawk. Heng zingah hian hmarchhak khawpui pali an la tel ani.Smart City project atan hian cheng vaibelchhe 57,393 ruahman a ni a, sorkar laipui chuan heng khawpui thlanchhuah te tan hian kum nga chhungin cheng vaibelchhe 500 a pe dawn a ni. Zirtawpni-a Smart City list tihchhuah tharah hian Thiruvananthapuram chu sang berin, Naya Raipur, Rajkot, Amaravati, Patna, Karimnagar, Muzaffarpur, Puducherry, Gandhinagar, Srinagar, Sagar, Karnal, Satna, Bengaluru, Shimla, Dehradun, Tiruppur,Pimpri Chinchwad, Bilaspur, Pasighat, Jammu, Dahod, Tirunelveli, Thootukkudi, Tiruchirapalli,Jhansi, Aizawl, Allahabad, Aligarh leh Gangtok-te chu thlan chhuah zingah an tel a ni.