KUT NGEI A BIBLE ZIAK CHHUAK

C. Lalmuanpuia (Mama) S/o C. Lalhmangaiha Rahsiveng Lunglei chuan Bible a ziak chhuak ve ta tih a nau ten min lo hrilh.

Mama hi 7 March, 1984 ah a piang a. Kum 6 mi a nih khan khawsikpui vangin a kaih a, a țawng thei ta lo a. A kut vei lam leh ke veilam hi a hmang tha thei lo bawk a. Harsa takin lehkha a zir chho a, Pawl 9 a pass ve a. Pawl 10 chu a zir tak na in, a rilru lam in a phak chiah tawh loh avang leh a nu damloh lai kha anih avangin a rilru a pe thei lo a. A nu a thi a, chungkua an lo harsa ve nen, a chawlhsan ta a.
4 May, 2016 khan a kut ngeia Bible ziak chhuak turin bul a țan a. 6 June, 2017 ah a ziak zo ve ta hlawl mai.

A ziak lai hian Bible Society lama mi țhahnemngai ten an tlawhin an fuih ve reng a. A kutziak lehkhabu hi a kawm an siamsak dawn nghe nghe a ni.