MYANMAR SIPAI HOTU IN INDIA THLAWH DAWN

Source : Czars Khiangte @RALTHUAM & TUNLAI KHAWVEL

12 Jul, 2017
Chinese chanchinbu Global Times chuan, Myanmar military chief in India a tlawh tur chungchang tarlangin, Myanmar hian India hi China nen a ramri buai an neih chungchang ah a thlawp a nih chuan, China in Myanmar a tanpuina (economic ties) chu tih tawp a ni dawn tih a sawi.Myanmar sipai lal, Myanmar armed forces a Commander-in-chief, Senior General Min Aung Hlaing chuan tun Zirtawpni (Jul, 14) hian India a tlawh dawn a, hetah hian Prime Minister Narendra Modi te, Defence Minister Arun Jaitley leh National Security Advisor Ajit Doval te a hmu dawn a ni. Myanmar economy hi China lakah hian a innghat thui em em a, tunah hian China hi a sumdawnna pui ber leh investment a hmuhna hnar ber a ni.Global Times chuan, “China tan engmah lungphanna tur a awm lova Myanmar hian India a thlawp hi a ngama rinawm loh” tiin a chhuah a ni. China chuan South Asian ram te pawh thawhpui zel turin a mit a len reng a, Bangladesh nen a insumdawn tawnna pawh in hma a sawn zel tih a sawi bawk. Bangladesh-China-India-MyanmarEconomic Corridor tih hmasawn leh kalpui zel nan India rama market hmunpui leh China leh South East Asia ram te inthlunzawmna tih changtlun nan he inbiakna pawimawh tak hi hman a ni dawn bawk.

Photo: Commander-in-chief, Senior General Min Aung Hlaing