NREGS HLAWH LUT EN DAN

PFMS kaltlanga NREGS hlawhte a luh zel tawh avangin VC leh mimal thenkhat te pawhin NREGS hlawh a luh leh luh lohah kan buai tláng niin a lang a, a en dan awlsam tak hmang hian mahniin i en mai dawn nia. Android phone internet hmang i neih pawhin en mai a harsa lo a ni.

Step 1: Hetah hian  click la, browser hmangin a lo in hawng ang, nghak ang che.

Step 2: Box 3 ruak a lo lang ang, a hmasa ber leh a dawttuah i adhaar number kha type ang che, space dah loh tur, type tlang vek rawh.

Step 3:  A hnuai bera word verification box-ah khan, a chunga hawrrawp/number lo lang ang ang kha type rawh. Eg. 45ff5e (character paruk a ni tlangpui)

Step 4: A tawp berah search button kha click rawh le. Chuan nghak deuh la, a hnuaiah PFMS hmanga i account a pawisa lo luh dan chu a lo lang ang, a pawisa lut zat, a luh ni, bank account, engvanga lo lut nge etc. te a lo lang ang, a lan theih loh chuan ti nawn leh mai rawh.

Eng account?:
AcctNumberAsPerBank tih zawna account number lo lang kha a luhna bank account chu a ni a, mahse bank account number tawp digit 4 chiah a lang thung ang. _Eg. XXXXXXXXXXXX3407_ I bank passbook en la, eng account nge tih i hre chhuak thei mai ang. SBI or MRB or APEX

Thubelh:
PFMS - Public Financial Management System hi Central Sorkarin mipuite hnena sum a hun taka thlenga, fel leh dik taka a luh mai bakah central atanga an lo venpui (monitor) theihna tura ruahman a ni a, adhaar link bank account nen a inzawm vek a ni. Web based (internet) software hmang leh lang tlang (transparent) system niin, Digital India hmalakna kal zel kha a ni.

Heng bank, LPG, ration card, nregs leh adhaar card link te pawh hi a tum ber chu CORRUPTION tih bo hi a ni. Pu Modi-a hian India hi corruption avanga hmasawn thei lo a nihzia hriain UID (adhaar) system hi a rawn kaltlangpui ngam ta a, a fuh chho réng a, a la fuh chho zel dawn a ni. He UID/adhhar kaihhnawih avanga India in sum a saved tawh hi nasa tham tak a ni. Chuvangin adhaar leh sakawlh inkaihhnawih tih hi chu lo awih reng reng suh. Sorkar laipuiin i chan tur dik tak a hun takah, bo thlau awm lova i dawn theihna tura ruahmanna zawk a ni e. Dan/an phalna lova mi bank account a pawisa lo lak chhuah ve ngawt hi corruption a ni a, a tihpuitute pawh corruption țawmpuite an ni, mahni thawh loh hlawh, sum dawn pawh hi corruption tho a ni.

Ringlo mi vai tam tak hi keini ringtu inti zawk aiin an lo rinawmin an lo taima zawk niin a lang.