​Season bul tan ve theilo tur Robert Huth

Source : http://www.inkhel.com/post/season-bul-tan-ve-theilo-tur-robert-huth

August thla laihawlah 2017/18 Premier league season tan a ni tawhdawn, hetih lai hian Leicester City defender Robert Huth chuan kheimit hliam avangin season bul a tan ve thei dawn ta lo a ni."A kheimit hliam zai a ni a, hlawhtling taka zai a nih avangin kan lawm hle, a nat viau kan ring a, a lawmawm khawp mai," tiin Leicester City boss Craig Shakespeare chuan a sawi.

Kum 32 mi Robert Huth hi kar ruk atanga kar riat emaw vel a chawlh angai dawn a, Leicester City-in Hong Kong-a Pre-Season tour an neihnaah pawh a tel ve thei dawn ta lo bawk a ni.

Club lian dangin an rim mek nia sawi an midfielder Riyad Mahrez chu King Power Stadium-ah acham chhunzawm dawn niin Shakespeare chuan a sawi."Riyad hian kan hnena cham chhunzawm turin a rilru pawh a siam, tun dinhmunah amah lak tuma dawrtu club-in a la tawng lo, kar hnih khat hnuah a lo kir leh anga, training a rawn zawm ve leh ang," tiin Shakespeare chuan a sawi bawk a ni.

Leicester City hian August ni 11-ah Arsenal an hmachhawn anga, August thla chhungin Brighton leh Manchester United an hmachhawn dawn bawk a ni.