TATA Motors thar Light Strike Vehicle –LSV V2

Source : Czars Khiangte @ ‎RALTHUAM & TUNLAI KHAWVEL

SATURDAY, JULY 15, 2017 IN NEWS

Tun hnaia sawi hlawh tak pakhat, TATA Motors motor thar Light Strike Vehicle – LSV V2 hi a ni, he armoured vehicle hi US military hmanlai Hummer entawn a siam a ni a, Indian army te hman turin enchhinna neih mek a ni. He vehicle hi siam chhuah mai turin production line a thleng tep ta a, TATA LSV V2 hi a top speed chu 100 kph a ni a, armoured vehicle dangte tih theih loh feature tam tak a nei a, Himalaya ah test hrang hrang a la hmachhawn ang, he Light armoured vehicle TATA motors siam hi indona hmun a hman theih tur a ni a, armoured vehicle a nih ang taka sipai te nunna atan a him leh tha tur a duan a ni. TATA MOTORS chuan LSV V2 hi tlem a upgrade belh dawn a, cabin bullet proofa neih te, kawgkhar rinawm tak(military grade) te leh bullet proof glass a neih te, a chunga, machine gun operator a neih te hi indona hmun hrang hrang atan chhawrna a tam viau ang.TATA motors Light strike Vehicle hnung lamah hian hmunawl silai mu, eitur, sipai lenna a la nei tel cheu bawk a ni.

Thla reilo te liamta ah khan TATA hian Indian army atangin order lian tham tak, Safari Storme 30,000 lai leina tur chu a hmu tawh nghe nghe nia sawi a ni. Heng Safari Storme te hian tuna Indian Army hmanlai Maruti Gypsi zawng zawng hi kum rei lote chhunga thlak vek tum a ni.