THE De Santis Marriage 1

Tey T-max
THE De Santis Marriage-1
Source : Mami Chhakchhuak

The de santis marriage
Chapter-1

Inneihna tura inbuatsaihna kalpui mup mup chuan Lizzy chu ati luhaiin hetiangema a buai pawh hi ala hre ngailo.Zaninah lah La Scala hmunah hun an hmang dawn ani si a,a rilru chu a buai map map a.Milan hmuna hotel lian leh ropui berah an khawsa a,thawmhnaw manto lutuk,a damchhung pawha a inbel ngailoh tur inbel tura tih ani bawk a.La Scalahmuna chutiang thawmhnaw inbela han chet tlat vel chu a chak lutuk hran lo.Englanda an sumdawnna tenau enkawla apa puih chu a thlang fe zawk.A thiantha ber pasal neihna a kal chu a phur hauh lo a,mahse apa in a tilui miau si a.A nuta pa Matthew hlei hlei chuan alo tur nasa in a thin a ur hial a."Chhaw lutuk mah ta che,he thil avanga ka pa rilru hah zia hi i hria alawm.Bianca pasalneihna ah chuan kal ngei ang che,a pasal hausa lutukzar zova la sumfawng hramhram kan nih hi.I va awm chhung zawng an neih va chen rawh'.Chutiang thu a hriat phei chuan Lizzy chu a tim chawih hial a.A thian tha berin pasal a neih dawn avanga Matthew an amah alo huatna chuan ati hreawm hle bawk a.Bianca nu leh pa te hlei hlei chu a kalloh hlau an ni a,a sam sei nghiau kawi kual zet chu hnunglama hui liamin darthlalang lam chu ahan en a.Inhmeh intihna reng reng anei lo,chu thawmhnaw silver rawng chuan a taksa a phuar mar lutuk,a rawng pawh a inhmeh lo.Bianca anga samuk kharh leh pian nalh,no zet nihve a chakna chu a vawikhatna ani lo bawk.Mahse an pianhung chu a inang lo hle a,a sam sen thar kawikual zet chu engang pawh a tihnalh tum se thunun hleihtheih ani lova,a vun lah chu a var lutukin chu silver rawng kawr nen phei chuan thlarau ni mai awmin a in hmu hial a.Chu kawr chu Bianca ten inhualna an neih dawna Bianca lei ani a,ani kha chuan a inhmeh em em a.Nimin mai khan chu kawr chu huat hmel zetin Lizzy lamah ahan theh a."He kawrhi engvanga lei nge ka nih pawh ka in hre nek love.A rawng kha ka huat zawng tak ani,a fual lam lah kha katan a dik lova,a mawng pawh ka tawn mar zo lo" atihlak hlak anih kha.Chutianga buaina tur chu Lizzy chuan anei hauh lo a,heh pet fan fan chung chuan a awm zawn chu ahan sawi tha sawk sawk a,a hnute dawmna hakin a nihna tur anga a awm tir thei chu a lawm hle a."Lizzyha mai mai teh,kutdawhin thlan bik tur an nei chuang em ni,ha mai teh" a inti rilru mawlh mawlh a.A pindan kawngka an rawn kik rik tak thutah chuan a rilru chu ala peng ta thuai a.."I inpeih tawh em,Ellizabeth?"Bianca nu chuan arawn ti ta lauh lauh a."La Scala pan tur chuan kan tlai tur ani lo" Tlai lul love,alo ti rilru a."Minute khat chauh" tiin a chhang a.La Scala ah chuan engangahausa leh Italian chhungkaw hlun pawh nghah anni lovang.A kawr rawng ang pheikhawk chu ahan in thawlh sawk sawk a,Bianca pek tel hnawihsen sen lar hlar chu hnawih duhlovin hmui hnawih mawm chu ahan hnawih leh thuai thuai a.A tawp nana ahan inen leh chuan a kawr hawh nena nalh inti lo zeta a thla chu enin chumi kar atan a vawikhatnan a nuih a za ta tlat a.Tunah chuan a thiannu in a pasal hausa lutukin a pek zungbun manto zet a lek vel hmuh chu a hmabak ani ta.A zungbun man chuan anni chhungkaw leiba zawng zawng chu a rul tla thei vek hial ang chu.Mahse Bianca chu nula thilphal tak ani lemlo.Mahse chuvang chuan a ngei phah lemlo.Bianca Moreno nen chuan English school enkawlna khauh zeta an luhtan ni atangin thian tha ber anni tan a,an pahnih chuan chulai school ah chuan khawvel dang atanga tla lutrawih ni mai awm anni a.Bianca chu Italian nula inkarah Sydney a zalen takanung thin ani a.Nunphung pangaia nung thin chu xankhat thilthu ah England lama apa patea chu a thih thut avangin mi hausa tak lo ni ta thutin a pa chu Londona Moreno Inc. neitu pa ber alo ni ta ani.Lizzy ve thung chu chulai school ah chuan a nu in mualpho thlak taka an chenba bialtu MP ,nupui neilai a kawp avanga mualphona pumpelh tura apa in a dah ani a..A schoolluhna hmada ah chuan a nuchanchin avanga chhaih a hlawh nasat em avangin an chenna atanga hla taka dahbo chu apa rilru ani.Mite chhaih leh hmuhsit nihkha a tawp phah em? Teuh lo.Mahse apa chu a hrilh duh lo.A nu chuan duham theih tawpa an neih zawng zawng lak saka a chhuahsanna chuan sawi zui a hlawhin apa pawh ati hnual em ani.Chuta tang chuan Bianca chu a thian tha ber leh thu engkim a hrilh ngam awmchhun ani ta ani.Bianca chu mitmeng dum kawlh hlar mai,chhungkaw innghahna nghet leh hausa tak nei ani a,a huai hle bawk.Lizzy thung chu a ngawi chawi hle in mite hmuhsitna dawngtu leh anu in a chhuahsan atanga vawikhatmah arawn ngaihsak leh ngailoh ani.Kum sawmpahnih an nih atanga tun,kum22 an nih thleng hian an thil tih reng reng an la inhriat pawh tawn sak reng thin a.Tunah chuan a thiannu chuan Italian mi hausa turu lutuk pasal ah anei dawn ta ani,karhnih chhung atan a thiannu chu a thlahthlam ringawt thei lovin duhtlan tur anei chuanglo bawk.Helai hmun hi Bianca chhungte zara thleng ani a,a mamawg apiang pindan,eitur,tlereuh engkim an tum sak vek bawk ani.An chungah chuan a lawm hle bawk.Anni zarah nilo se chung zawng zawng te chu a nei thei dawn hauh silo a.Tichuan,helaiah mahni chhungkaw harsatna kalsanin Bianca pasal neihna ropui chungchuang zeta tel turin a awm ta ran mai chu ania,a pasal tur lahchu a hausa chungchuangin,alar hle maisi a.Luciano Genovese Marcelo De Santis,kum 34 mi De Santis bank,hmun hrang hranga mi neitu,lalram din tham khawpa hausa,a thianhnai ten Luc tia an koh chu ani.Khur ru der der chuan Lizzychuan a kawr mil tur nghawngawrh chu ahan la a,hmanhmawh zetin a nghawngah a awrh mawlh mawlh a.Bianca pasal hual a ngaihtuah chhuah apianga amaha danglamna lo awm ziah avang chuan mak a inti hle bawk a.Mipa danglam tak ani.Nelawm lutuk anga langsilo,hlauhawm hmelpu ni hauh silo,amaha sanna lang chu hmuh hmai chi anilova,pa sang zet,vun uk khak,hmeltha fahran hi ani bawk a.A bulah chuan Bianca chu zawhte naute ang maiina che vel thin a,mahse Bianca chu Italian tho ani.British mi ho ngawt ai chuan an nelawm thiam zawk alawm,an zia pawh miinpawh tak an ni.Bianca ang chuan tu mipa lakah mah a awm ve ngailo ang.Luc De Santis chuan a ngaihtuahna a tihbuai fo pawh chu a duhlo.A mipa mil chi ani ve lo,ani tan chuan a lutuk vek tlat! A lianin a sang lutuk a,a hang lutukin a hmeltha lutukin mihipna a ngah lutuk.Hlauhawm khawpa mihipna a ngah chuan ati hlauani mahna! Khuma a bag chu la in kawngka lam a pan ta dawr dawr a.Milana a kal hma chuan Luc chu vawikhat chiah a hmu a.Bianca nu leh paten chaw eia an sawm tumin Bianca English thiannu leh an makpa ni mai tur chu an inhmelhriat tir a.A thiannu in chutiang mipa a tawng tamai chu mak atih avangin amelh sek ringawt mai a."Enge ang i tih a?" Bianca chuan alo ti sek bawk a."Min ti zam alawm" alo ti hak a.A chhan chu chutianga awmdan danglam taka a awm a hriatvawikhatna ani tlat ani." Min ti zam hlum lo chauh alawm" ati a.Bianca chu alo nui hawk hawk a,mahse hlima nui tur ani reng ani.Hmangaih a tawng leh ta tlat ani.Lehkhachaihang maia anuna hlimna lo sang chu hai rual ani lo."Ngaiah ila neih mai ang,Lizzy.I hriatchian hun chuan i hlau tawh hauh lovang" alo ti zuihar har mai a.Inchawi angam angem le?An inhmuh lehna chu kar liamta maiah khan ani a.Lizzy in Milan alo thleng hlimhlawl khualchhawn alo dawr mek lai ani a,Bianca zawk nen chuan an inhmu hlawl a.Arawn pan ta thuai a,atih tur ve reng ani bawk a.Mahse alam pana alo kal ahan hmuh chuan a hmuh hmasakna ber ang tho khanmak taka zam ru zetin alo khur ru leh ta dar dar tho mai a.Thlawhna tumhmuna Bianca ali hmuak lo chu a thinrim ani ngei mai,lo hmuak tur ani lo tih a hrilhfiah zung zung hnu pawg chuan alung ala awi hmel lo hle tho a.A mize dam thlup leh thupe thang awraih a midang a dawr fel lai chu alo thlir reng a.Lizzy chu pindan nuam thei ang berah awmtir anih tur thu leh amah ngeiin a enfiah pui tur thu a sawi mawlh mawlh a.Hawihawm taka lift a panpui dawna a kiu a arawnvawn takah chuan Lizzy chu lo phu zawkin alo kat dawrh mai a,a thiltih chu a atthlak hle tih inhre reng mahse chupa chuan engah mah alo ngai hauhlo a,mitmeng danglam miah lovin a kut chu a dahthla ve mai a,engmah a sawi zui hauh lo a.An kalchhuah hma a inhmuhkhawmna tur lampan chuan lift bulah chuan a ding ran mai a.Chumi kartluan chuan Luc hmuh lohva awm chu atum tang tang tawh a,mahse zanin chuan a hmuhloh theih dawnloh tih a hre chiang hle.Mi tlemte anni dawn a,La Scala hmuna a hmun hauh chu a changkangin a bikte a duan hmun ani a,Luc te hlat thei ang berah a awm zel mai ang chu.Lift bula bangah chuan darthlalang alo inkhai a,a sam sei kawi zet chu alan nalh deuh dan ngaihtuahin ahan tuai kual ngial a,a beidawnthlak hle in a hria a.Beidawng zeta a hnar in asam chu a thlah leh ta nge nge a,a hmai chu alang dang mah mahin a mitmeng paw hring raih chu alang lian mah mah ani.A insiamchhiat lai tak chuh nimai awm chuan lift chu arawn inhawng a,ami hmuhhreh ber chu alo lang hlawl mai a,an mitmeng chu a intawk zauh a,alo insiamchhia arawn hmuh avanga zakin Lizzy chu alo sen nghal tawn tawn a."Oh" a aw a lungawilohna lolang chu thup har ati hle a."Helaiah hian ilo awm ve alaw? ka lo hre hauh lo a"Luc mitmeng rangkachak rawng danglam zetah chuan nuihzatna alo lang a."Chibai le,Ellizabeth.Ilo lutve nghal dawn em?" a aw chu a ril ruih a,Ellizabeth ti ngatin a ko ziah lehnghal.Luh ve maw? Lift bang nghenga a ding chu alang sang lutuk aziaawm deuhin inti thunei tu deuh hmel pawh kha apu lova.Tlailam thawmhnaw thui nalh zet a inbel chu a inhmeh kher lehnghal a.Lift chhunga awmdun leh chu a zam lutuk tlat,mahse inti huai lui tak chuan a penlut lui ta hram a.Luc hnungchhawn zawng chuan kawngkhar lam hawiin a ding auh mai aA hnunglama ding chuan arawn thlir reng tih a hriat avang chuan a heh a pet ru fan fan mai a"Zanin chu i nalh takzet ani"arawn ti chhuak ta sup .A khur chhuak ang tih hlau zet chuan a khawng awt mai a.A landan chuna hria a,arawn hmuh dan tur pawha hria alawm....a nupui hualin a thiantha ber rethei zet a thawmhnaw a hak hawh tir pawh a hre ngei ang.London a an inhualna ah khan Bianca khan a ha tawh tlat ani."Ka nalh thlawt lo" alo ti let hlak a.Vanneihthlak takin lift chu ading ta in intur zawrhna hmun changkang takah chuan an thleng thlan ta a.Chhuah mai tuma a ke a pen ruala akiua arawn dawm leh takah chuan Lizzy chu a ding khawng leh ta lah mai a.Mawl leh lutuk,engvanga atawh hlek apianga danglam ziah nge anih le?"Kal ila?" Luc chuan alo ti dam thluam a.Ahan pen lui hram hram a,Luc a kutin a ban a khawihna lai chu a hrechiang ngang mai a,a awmdan chu a hriatsak ani chiang mai.Bianca nu chu ahan hmu hmasa ber a,lunghlu tle sep sep a inbelleh a kawrdum hak chuan ati lang thar sar mai a."Oh,ilo thleng ta maw Lizzy"tiin alo pan thuai a,a hmelah chuan engemaw riau alangin ahmai hnawih nalh tak pawh chuan ahliahbo zo lo a."Luciano" tiin Luc chu chibai ahan buk a,chutah Lizzy chu ahan en leh a."Biak lawk che ka duh a,cara" ahan ti zui a.Bianca nu chu han chhaih fiam a tum ani a,mahse ahnung lama mipa ding chuan "engmah atih ka ringlo" arawn ti tluang ta purh a.Sofia Moreno chu alo dang dang lawp lawp mai a.Lizzychuan Bianca nu chu a makpa tur chuan a awm ati nuamlo tih ahre thei mai a.Luc chu a hnung lam atanga rawn kunin Sofia hmai chu afawh sak zauh a,Bianca nu chu hnem tum ang maiin a lang."Ka kalsan rih ang che u" tih pahin Lizzyba vawnna chu a thlah ta nghal a.A thiante lo awmna lam pan akal chu Lizzy chuan a thlir zui lo thei lo a."Lizzy,Bianca awmdan diklohna chhan hi min hrilh tur ani" Sofia chuan alo tih takah chuan amit chu a khap ta sak sak a."A awmdan a makin alak atang tawngkam tha pawh ka dawng hauhlo.Tunah pawh hian lo chhuk a Luciano bula an mikualte lolawm tur ani asin,ka rawn koh hnu che a,a pindana ka luh pawn ala insiam reng renglo nia mawle!""Chhun chaw eilai khan alu anat avanga chawlh hahdam a duh thu kha asawi a,alo muhil ani mahna" chal chuar nang chuan alo ti a."Chuvang chu anih chu a khum alo chuar nuaih,a hmel landan lah chu khum atanga tla ang mai ani,minlo vin hlur lehnghal a""Minute reilote hun pe leh rawh" Lizzy chuan alo ti dam diai a."Alo chhuk har viau chuan ka han chho dawn nia""Tuna a awmdan anga a awm chuan nangmah bak han pawg ngam tur kan awmlo ania,cara" Bianca nuchuan ati zuai raih a.A pasal hual ni lovin maw? Makti rilru deuh tak chuan Bianca nu kut chu suihin anmikual dangte awmna lamah chuan ahruai ta a.Biamca pa chuan alo lawm thuai a,ala hmuh ngailoh Bianca cousin chu alo hmelhriat tir thuai thuai a.Vito Moreno chu amah ang rual vel tho niin Moreno chhungkaw hmelthatna chhunin a mitmeng pawl ramah chuan fiamthu duhna alo lang bawka."Tichuan nang hi maw Ellizabeth chu,ka lo thlen atang khan i chanchinhi ka hre tam hman hle ania" alo ti sawt sawt a." Tu hnen atang in maw" Lizzy chuan alo ti thuai a."Ka cousin duhtak i hnen atangin mawle" Vito chu alonui sak a."Bianca chuan Sydney chhuahsana U.K a school hahthlak lutuk a dahanih avanga a lungawi lohna leh a hel duhna ti reh tu ati che alawm""Ah,Sydney lama Moreno zinga mi ini chiang,ka hrechhuak thei mai e" Lizzy chu anui hak hak a." Ka ai i awh hma kha chuan Bianca sual lama a kawppui ka ni thin a" Vito chuan ati a."Kha cousin kha nangmah maw lo ni?" Lizzy chu anui leh hawk hawk a." I chanchin hi kei pawhin ka hre tam lutuk asin""Kahhlum hial pawh ka phu fo asin" Vito pawh chu a nuive hawk hawk a.Champagne no ahma zawn taka ahan hmuh takah chuan ahan en a,Luc chuan no kengin alo melh chhuk run mai a."Oh,ka lawm e" ati sap a.Alu alo bu nghut ringawt a,Vito lam hawi chuan ahanthle buk a,Lizzy mak tihtur zet chuan a kal leh ta daih a.Vito chu ala titi zui zel a,an mi sawmte anlo thlen tam tawh nen Bianca hmel reng reng alo la lang lova.Mite chuan an sana an bih zauh zauh hlawm a.Lizzy chuan Luc De Santis chu ava melh ringawt a.Midang bulah lo awm lovin a phone chuan mi alo be mek a...a hmel landanah chuan a lawm lemlo a ang hle bawk a.Bianca a bia em niang? Bianca chu a tlai fo avanginlawmlo mahse a thiam awmtho ve.Ngaiah neih tum mairawh,alo ti rilru a.Bianca hunbi vawng diklo lutuk thin chu amah leh anu ngei pawhin an hau fo,karleh a an ineihna turah pawh a hunah biakin a thleng angem le!Minute a liam zel a,Lizzy in a sana bih velo tura a insum hram hram lai chuanSofia chuan ngei zetin alo en reng tawh bawk a.Chhuanlam siama Bianca han ngaihven a tum rilruk lai tak chuan lift lama thawm alo awm ta a.Tupawh mai chuan chulam chu an thlir ta thup a.Bianca chu alo lang ta hlawl mai,a tawp atawpah chuan le! Silk puana thui rangkachak rawng kawrfualarawn ha hnalh mai a,a samchu mawlte a rawn kilh chhovin a hmel tha fahran leh a nghawng no zet chu ati langsar hle a.Lunghlu bengbeh leh thi a inbel chu a de sep sep bawk a.Lalfanu ni maia mawi ni hian Lizzy chuan alo hria a,chhuang zetin alo nuih var var a.Bianca chuan a tlai avanga inthiamlo hmel pu zetin ahan melh kual a."Ka lo tlai lutuka,min ngaidam vek teh u" arawn tithawp sat a.Ngaidam ani tihchu alo thlirtu te hmelah chuan alanh reng mai a.Luc chuan Bianca chu panin a kut zum sal chu ahan fawh sak a.Engthu emaw a sawi zauh chuan Bianca hmui chu ati khur deuh dar dar a,Lizzy chuan mawi alo tiin alo chhuang takzet a.Luc chuan a nupui hual chua hmangaih ani,hai rual ani lo.A aqm chhungah chuan engemaw tam rawn hnawh ut ut tu alo awm chuan makti zetin a hawisawn ta daih a, a awmdan maktak areh leh ta thuai chu lawmin ahan thaw huai a.La Scala hmuna lemchan leh zai ngaihthlakna hmun chu limousine car rual chuan an pan ta duah duah a.Vito Mireno nen chuan inkawp chawtin fiamthu a duh a,an nui dun hawk hawk reng mai a,nuam ati ve hle a.La Scala chu a ropuiin a thiam pawh anthiam reng ani,Lizzy lawmna em em pakhat chu a thiannu pasal hual amah tibuai ru tlat tu a pehhel theichu ani bawk.Chumi hmun atanga an chhuah hnu chuan,Milan khawpui pawna kum zabi sawmparuk na a sak tawh hmun mawi leh ropui fahran ah chuan zanriah ei turin an kal leh ta dial a.Engkim mai chu a ber vek ani mai,mi hausa ho nun chanve lanna ani ber a.An eiin an in a,an lam bawk a,Vito chuan ano chu alo thlit khah sak reng avang chuan a hai ve viau dawna inhriatna a neih rilruk lai takchuan a thutna bula chuan Luc De Santis chu lo kalin lam puiah arawn sawm ta mai a.Chhuanlam siam tum chuan ahan hawi kual ruai ruai a,chutah ani chuan a kiu ah rawn vuanin a kaithota nghal a,"lokal rawh.Mopachuan monu thiannu ber alampui chu midang lo beisei lawk reng ani alawm"alo ti ro halh a.Chutiante chu inneih tak takhnu ah chauh alawm a thlen thin,mahse a taksa lo khur leh ta dar dar leh a thawchham avang chuan engmah a sawi chhuak thei lova,Luc an a kuah a lamtuala a hruai thlen lai pawh chu a hre mumal lo hial a.Pindan chhung eng chu a dul ruih a,rimawi ri fan ruih chu inangaihte tana tum rik ani ngat mai,hmeichhe aw thaw nalh zet chu a zai fan raih raih bawk a.Luc a taksalian leh nghet churh,lum thur thur leh a ban tha chakzetin a kuahna avang chuan a thin aphu zawih zawih mai a."Hahdam deuhin awm rawh" Luc chuan arawn ti zawi sup a."Nunhlu hlimawm tak ala ni dawn asin"Lizzy chuan ahan en chho hau a,alo nuihzat hmel a hmuh phei chuan a sa pup pu mai a."Ka tih ngailoh....""Hetiang ema hnaia mipa kuah hi maw?" alo ti el hluk a.""Hetiang pheikhawk buna lam hi" thinur zet chuan alo ti a."Sawi pawh anuam vaklo ania"Luc chuba nui hawk a,a nui ri chu a zawiin a ril ruih a,Lizzy thawk ati buai pha tlat lehnghal a,"thilsiam dangl tak i ni,Ellizabeth Hadley.I nalh em em a,mahse hrilh i duh hauhlo a.I inveng ranin ka bulah chuan i inla hrang tlat a,mahse hmeichhe laka zei lutuk Vito Moreno bulah chuan u hahdamin i inthladul thei bawk si""Vito hi chutiang mi ani lo.Hmeichhe laka zei chi anilove" Lizzy chuan ati hlak a."Sydney a phone no.i hriat duh apiang han be chhin ta che,a hming han lamri zauhla i hre mai ang" Elsenna lam ani lo,a thutak hle ani."Aw,mahse ka ngaina khawp mai" ala ti talh a."Nangpawh chu alo hneh tan tawh che tih ka hre mai e""Chutiang te chu sawi pawhamawi lo anih chu!"A lu chu arawn kun hniam thut a,a hmui chuan abiang a si lek lek hial a,"Ka thuruk ka han hrilh ang che,Mia belle...mawi leh mawilo thluturin pa tha tak ka ni biklo ania"A mipa rim leh a thil inhnawih rim inchawhpawlhchu a hnim hnai mah mah tlat,Lizzy chu a dak chhuak ta thuai a.Din ngil pahin Luc chu anui hawk a,Lizzy chu kuah nghet sauhin rimawi rem chuan a sukpui ta nghal a.An in san hleih hlemai,Lizzy chuan a khabehnuai a chen awrh a.Ngawi rengin an lamdun ta zel a,alo in hnem ve deuh vang ani mahna Luc an a taksa arawn tawh dan chu a hre ran reng mai a.Mipa nalh chungchuang tak chu ani,phat rual ani lo a sam dum tle hlap atanga a ke lerthleng chuan han sawisel lai tur reng reng a awmlo.Zai ri chu a zawi raihin thinlung fan chi hla a sa riairiai a.Mi a ang maia tlaitluan a zu no alo dawm ve chuan chu lamna pindanboruakah chuan a chen tirrin a mit a chhing diar diar a.Luc a kut lehlam chuan a dar var har chu a kuahin a lehlam chuan a hnungzang a kuah bawk a.Engtia a kut chuan a kawrhma chu lo zut mai nge anih hre haub lovin a nghawng zawn hnai takah alo thaw a,a hmui chuan Luc a nghawng chu a si lek lek hiala.Luc an a lampui dan ang ang chuan alo awm ve mai a,a nuam tihna chuan amah ah nghawng a nei tih chu a inhria a,mahse Luc a laka nghawng a neih alo ring pha hauh lo a.Luc chuan zei zetin alo kuah hnai sauh sauh zel a.Thil nuam tak ani.Vai riai a rimawi rema an suk dun zel lai chuan engdangmah a rilru ah a awmlo,chutah a lei hmawr chuan Luc a nghawng chu liakin a hmui chuan a vun lum thar thar chu a tawk ta mai a.Lizzy chu a phu zawk a,meng chhuak nghalin a dakchhuak ta vat a.A thiltih avanga zaka sa pup pup lehinthiamlo em em chuan a khawng ta reng mai a.Bianca pasal hual chu a hmuia nawrin a lei hialin alotawk vel chu ani si a."Oh,Lalpa leh" Lizzy chuna khur nghal zawih zawih maia. Anlo lamdun tawh hauhlo! Luc lah chuan nuihzat hmel zetin alo enchhuk run mai lehnghal. A hmuiin a tawhna Luc a hrawk zawn chu ahan melh ringawt a,a dinna lei chu inhawng thutin tla lut daih se a inti hluah hluah a. "A pawi ka ti lutuk!" tiin ahan tawlh hnung hrat a,a pheikhawk a raplek thelh lehnghal a. "A nihna takah chuan..... ka lawm e" tih pahin Lizzy chu alo vuan thuai a."Vanneihthlaktakin thil lo thleng tur kha ka lo thlir lawk thiam a,chuvang chu ania helaia kan awm nachhan hi,mite mit lak ka duh loh vangin..." Pawnah an awm amaw...? Ahan hawi kual ruai ruai a,amah pawh chu avai riai mai a.Huan,a awm ani tih pawg a hriatlohna ah anlo awm reng tawh alo ni! Pawna a hruai lai pawh hrechanglo lekin maw alo awm a! Ahan tawlh hnung leh dawrh a,khawilai ber emaw atang chuan rimawi chu alo la ri chhuak riai riai a,abuai mupmup a,,thih a duh rum rum hial ani.Luc chu a en ngam lo a,engmah sawtur pawh a hre hek lo. Luc lah chu a hahdam hmel hle a,ban lianpuo ngheng chuan inkuangkuah in a ding a,nuam ati hle niin Lizzy chuan a hria a. "I wine in kha puh mai la" alo ti dam duai a.Lizzy chuan alu ali bu nghat ringawt a,chutiangtal chhuanlam tur a awm chu ava lawm em"Zu lampang hi ka in vak ngailo a" "Ni e,a niang" "Vito khan...." "I no kha a thli khatreng mai bawk si a" Chu thuchu sawi chhuah a tum hauhlo a,mahse arawn sawitakah chuan alo en thuai a."A ti lo,a ti em ni" chhuanlam dang neilo zet chuan alo ti hau mai a."Ellizabeth khawngaihthlak,lehkhabu a inbumna hlui ber ani hial ang chu" rawng zet chuan alo ti let ta nghut a. Lizzy awmngaihn hre lo lutuk chua hawi ruai ruai mai a,chutah kawnkhar zau zet lam chu hawiin a ban ahan phar ringawt a. "Ka ngaihdani ka..." "A hnena kir lehin tun aia rui khan alosiam che anga maw?""Midang,midang chunga i rilru putdan hi a mawilo hle ani,Signor" tiin a kut chu alohum ruh ve tang tang a."Nangpawh le,Signorina.hmui lum nuam tak leh lei hnawng chap i nei alawm le" Lizzy chu a khawng awt mai a,a lakah fiamthu a thawh tawk tawh e.A inhera,kawngka lam chu apan ta nghal a."Nangni pahnih khan helaiah enge inlo tih a?" Kum22 anih thleng hian chutiang ema inthiamlohna ala nei ngai lo.A thuannu,nalh leh hmeltha lutuk mai,hmangaihna avanga hlim hmel pu sar reng kha a chhuah tumna kawngka ah chuan arawn pen lut ta si a. "I....I thiannu hian inchhung boruak lum kha a tuar thei lova,boruak thianghlim hip a duh alawm" Luc chuan alo ti zang vah a. Bianca in ngaihtiah hmelpu zeta arawn en chuan alo ip chawih chawih mai a."I tha em,duhtak? Khai aw,i hmai te pawh a sen vek alawm" arawn ti ta thuai thuai a. "I cousin kh a bul tum tu ania,tlaitluanin a wine no a tih khah sak alawm" Luc chuan ati hul hak a. "Vito maw? Oh,kha misual pa kha,min lo enkawl sak tur che khan ka chah si a...." Lizzy chu panin ava kuah tathuai a."I pa enkawlna hnuai ah zan rei tak i meng ngailova,ani lawmni Care? Zu lampang reng reng i in ngailo bawk!" "Ka pa chu chutiang em em a khauh ani hleinem" Lizzy awm chuati nuamlo tulh tulh a."Nilo,i sawi ang ani lo" Bianca aw chu a kha fak mai a,Lizzy nutapa Matthewleh Bianca te in ngaihzawnna kum 2 liamta a alo tihchah sak tawhna avang chuan Bianca chuan apa chu ala haw hle niin alang."Helaia ilo kal ve a phal pawh hi a mak ka ti hial asin! I hak tur thawmhnaw nalhlo zet zet aiin keiin a aia mawi zawk ka lo hawh tir mai pawh chea!" Chutiang em a hmusita a thiannu chuan atih ala hrengailo reng reng,a pasal tur pawna alo chhuahpui abanga hremna ani ngei ang. Mak takin Luc De Santis chu arawn inrawlh tathuai mai pawh a "a tawk e,cara" Bianca lam hawi chuan ati a."Landan hi sual ani hleinem,bakah i thiannuhi alu ana ania.Ka hriat veloh tur thil i sawi pui duah khan ati zual ngei ang" "Oh,a pawi ngawt mai Lizzy,ka lo tawngtam leh lutuk thin a.Enteh,engvangin nge hotel lamah ka hruai kir lehmai lohvang che? Kan mu hma anga ani mai alawm,a pawi em Luc?"Lizzy hreawm ti lutuk leh zak lutuk chu alo tap lo chauh tawh a. "Pawti love" alo ti tluang purh a. "Ni lo,a ngai lo" Lizzy chuan alo ti chhuak thei hram a."In party atangin ka hruai hrang thei lo ang che.Vito pawhin a thlawhna ruih ala reh loh thu a sawi kha,a rualin ka kir mai ang""Teuhlo lutuk' a thiannu hmel nur nang chuan alo ti nghauh a"Vito pawh kan rualin alo kir ve anga,zu a pek teuh che avangin ka hau ngei bawk ang,Luc an car a ruahman thei mai ang chu" Luc chu arawn ding ngil a,Lizzy chuan an thiandun a kalpelh a ina a lut lai pawh chu alo en ngam lova.A thiannu chu a hrilh ngei ngei tur ani,a inpuan angai tlat...mahse engtinge a hrilh ang? Bianca chuan mak ati lutuk dawn tlat asin,a ngaidam thei ngai lovang,an inthianna pawh a tawp nghal ang. Luc an lo hrilh hmasa ta sela? A nupui hual hnenah chuan fiamthu thawh nan lo hmang ta sela? Zahna nen a hmachhawn leh ngam ngai tawh lovang. Car chhunga aluh dawn lai tak chuan Luc chuan arawn vuan chawt a,"Engmah hrilh tum duhsuh a ngaidam ngai lovang che" a aw chu a damthlap a,a rilru arawn hriatsak ani ngat mai."Tin,Vito Moreno lakah khan lo inthiat fihlim ang che" ahan ti zui nghut a.Chutah a nupui hual lam chu hawiun a biangah ahanfawhsak zauh a. Vito tel ve chuan a awm ati nuam huaihuai mai a,Bianca nen an titi dun lai chuan alo muhil der tlat a.Bianca chuan a tiam ang ngeiin Vito chuan zu a pek avang chuan a hauh sak nasa hle bawk a. Alu chu ana reng reng bawk.Hotel an thlena unau pahnih ten mut hma a no dawm an rawt chu hnarin a pindan lam a pan ta thuai a.Lukhama a hmai chu phumin a thiltih chu hriatreng loh duhin mutthilhharsa ati ngang mai a Mahse an thusawi dun kha lo ngaithla ve ngei tur alo ni,a tukzinga a pindan kawngka arawn in kik dawt dawt atanga thilthleng avang chuan.Lo awm khawtlai ve sela chuan,a thiannu in a damchhunga a thiltih sual lian ber ati tur chu alo dang thei tur.A tihtheih zawng chu chumi zana thil lo thleng,Sofia Moreno in tap chunga a hrilh lo ngaihthlak mai chu ani ta ani.. "A kalbo daih" kawngka a hawn rual rual chuan Bianca nu chuan mangang zetin arawn ti ta mai a."A thawmhnaw zawng zawng kengin zanlaiah helai hmun hi a chhuahsan ani.Heng hun chhung zawng zawng hian hetiang rilru hi anlo pu ang tih ati lang ngai reng reng lo! Engtinge a tihtheih zawk chu le? Engtinge Luciano a awm ang? Oh,ka tuar zawh pawh ka ring love.A hmalam hun tha zawng zawng a paihbo ta anih hi.Kan lakah hetiang thil hi engtinnge a tihtheih le? I unaupa mawl lutuk pawh hiengvanga rawn rubo tura lolang thei nge anih reng rengni?" Vito emaw a puh alo tihmek laiin"Matthew maw?" awihlo zet chuan alo ti he haw a"ka unaupa ani tih i chiang chiah maw,Mrs Moreno?" ahan ti nawn leh a. "Ni e,Matthew maw le!" Sofia chu a khur dar dar mai a."Nimin chawhnu khanhelaiah hian alo thleng a.Nimina Bianca pindana kaluh lai pawh khan a inbualna pindanah a biru chiang ani!I man thiam tawh em? Alo la insiam miah lovin khum lah kha alo chuar nuaih a.Thil thleng kha hriatthiamloh rual ani hleinem! An thil lo tum lawk kha ilo hre ve rengreng em? Ellizabeth i hria em?" Arawn puhna avang chuan Lizzy chu alo ding mar awt a."Teuhlo,nangmah ang thohian he thil hian min thawng ania aw" alo ti let hlar mai a."Ni e,i hriatloh ka beisei"MrsMoreno chuan alo ti vawt raih a."Lo telve ngat la chuan,hethil ngaihdam theihloh avang hian ka haw kumkhua tawh ang che!""Vito nen an kalbo iti dawn emaw ka tia" vai riai chuan alo ti a. "Vito maw,?a unaupa alawm! Hethil hi a nihna aia tihbuai zual i tum em ni?" Lizzy chuan chianglo zetin ngaihdam alo dil a. "Tu emaw talin he thil hi Luciano kan hrilh angai ta anih hi" Bianca nu chu a inhrut hraih hraih a."Bianca chuan lehkha a hnutchhiah ngei mai a,mahse Luciano chu nizan khan Lake Commo a a inah a kal daih si a,naktuka kan thlenna tur alo buaipui dawn ani.Kanpa lah chu tukin khan mi hmuhtur aneih avangin khawpui lamah a kal daih bawk si.....a fanu awm herh zetin kan nun a tihchhiat vek pawh hi ala hre ve hauhlo vaVilla De Santis chu lunghmun tlangchhip ah a ding luah mai a,a bang rawng hring dal raih an hnawih chu tlailam nitla tur chuan a chhun eng ruih maia.Chulai in panna chu lawngte chak chi hman anihloh chuan mimal thlawhna bakin a kai theih lohva.Lawngte chhunga a thut lai chuan Lizzy thin chu a phu dap dap mai a.Lawng dang chu tlanpelinan pan zar zar a.Bianca pa chuan Bellagio thlenga a kalna tur car a ruatsak a.Luc chu phone ringawta hrilh chu tha an ti lo ani,Giorgio Moreno chuan thuthar hrilh chu a hreh em avang chuan Lizzy chuan aman hrilh mai a tum ta ani.Bianca pa chuan a unaupa alo telve avang chuanLizzy chu a khawngaih hle zawk a.A unaupa thiltih anih chuan engahnge a hrehawm chu atawrh ve mai lohvang ? Mahse ahma zana thilthleng avang khan Luc chu a hmu hreh hluah hluah si a.In lianpui panna rahka chu rap thlap thlapin thir kawngkhar l chu a pan zel a.A hnung lamah chuan a kalna lawngte khawlri thawm leh a let thawm chu a hre zui a,amah maia hmun rapthlak zeta hnutchhiah ni ta hiala inhriatna a nei a.Thir kawngkhar phen atang chuan hlimthla ang maiin mi pakhat hi alo lang nawlha.A mitmeng dum tha zet chuan Lizzy chu chik zetin arawn en a,ani lah chu zinga Bianca nu rawn kaihthawh ang ang chuan ala inchei mawl tawp ani si a"Tanpui theihna che ka neiem,Senorigna" Italian tawngin hawihawm tak chuan arawn bia a.A hmui ro zet chu ahan liak huh a" Segnor De Santis lehkha turka rawn keng a.Ka hming chu Ellizabeth Hadley ania" ati sap a.Alu buk nghat pahin a phone a phawrh a,midang a biak lai pawh chuan Lizzy hmel chu a en ran reng mai a.Lu buk nghauh pahin thir kawngkhar chu a hawn sak ta nghal a,"I lut chho thei ang,signorina" ati nghut a.Lawmthu sawi sap pahin han kalpelh mai a tum a,a ding leh ta chawt a"Ka...Bellagio a kir lehna turka mamawh dawn a,tuna mikha minlo nghal turin ka ti mang si lova ati leh hnuhnawh a."I kal dawnah ka lo ngaihtuah dawn nia" ati sawk sawk a.Lawmthu hrilh pahin a kal ta nghal a,lung rahka a lawn chhoh zel hnu chuan huan mawi fahran leh phul hring dup alo lang a,in panna kawng tawn tawn a huan leh phul te chu enkawl ngun ani tih ahriat hle mai a.Huan atangakawngkal raih piahah chuan in mawi zet chu alo langin dil atanga thlifim lo thleh chuan tukverh puanzar chu a chhem phe hlap hlap hlawm a.A mawi takzet ani,ati rilru a.Tuna a awmdan khirkhan lutuk anga awm lova kal ni sela chuan hmun mawi ber ni hial ang chu.Mipa dang pakhat chuan alo nghak vang vang a,alu lo buk zauhpahin amah zui tur chuan alo hui nghal a.Inchhung chu alo dai ruih a,lemziak mawi tak tak leh puanzar nalh zet zet a chei niin a bungrua reng reng a nalh thlap vek mai a.Chua chuanthinga siam kawngka lianpui chu panin ahan kik a,a hawn hnu chuan Lizzy chu lut turin a hui ta nghal a.Thawk ahan la vang vang a,chhiahhlawh chu kal pelinpindan chhungah chuan a pen lut a.Pindan mawi zet,a chung sang vah mai,tukverh lian tak tak awmna ani a.A chhunga bungraw awmte chu a dinna chhuatphah ang maia nghet hmel leh mawi anni.Chhuarah chuan lehkhabu a intlar thup a,lunga siam meichhemna thuk lian leh mawi zet a awm bawk a.Ahan hawi kual ruai ruai a,Sofa khuhnanalh zet zet in hunna piaha tukverh pahmih inkarah chuan dawhkan nalh fahrana inhung a,chumi phenah chuan a mi hmuhtur chu alo ding run tawh a.Lizzy zam lutuk chu a hik mup hial a,Bianca chanchin chu alo hre tawh ani ngat mai.A hmel nelawmloh danah chuan a lang reng alawm."Ka lehkha tur irawn keng niin ka lo hria a" Luc De Santis chuan alo ti a.Lo chibai leh atana thusawi nawmna turin engmah tih alo tum hauh lova.Mahse engvanga lo lawm tur nge anih ang...?"Engtin...engtinnge ilo hriat a?" ati ngam tawk a.Luc chuan arawn melh zauh a,"Ka nupui tur ani alawm.A nihna tur atan chan nun hniam taka nun chu a mawi lova,ni e,ka mi chhawrten an thlithlai reng alawm"Mahse Matthew nena an tlanbo tur chu anlodang silo amaw? Mahse chu thu chu a zawt ng hauhlo a,a chil ahan lem khalh a,hriauva chhun zawk zawk ni mai hian a inhre hial a.Dawhkan hmaah chuan kalin lehkha chu adah ta nghal a.Lizzy hmel lo en reng chung chuan lehkha chu ahan la a,muangchang fahran chuan ahan hawng a.Reitak chhung chu a reh ta vawng vawng a.Lizzy chuan a hmel chang rut chualo en reng ringawt a,chupachu a chapona avang chauh chuan a kehchhe lo niin alo hria a."Ka...a pawi ka ti ngawt mai" ahan ti sapa.Chubak enge sawi theih aneih chuan reng reng?"Heibak hi engmah chah che dang a awmlo amaw?""Engmah a awmlo" a kut alo hum ruh ve tang tang a."A chhungte pawhin maw?"Alu alo thing ringawt a."Nizan khan i hmu ve renga ....alang nalh hle si a.A...""Ka nupui tur khan a vanneihna tur arawn pho chhuak anih kha" a aw chu a vawtin elsenna in a khat tlat bawk a.Lizzy chuan a hmui alo chip hmak a,engmah sawilo chuan hnuailam a bih ta daih a.Bianca khan midang ho bum nan incheiin lem alo chang vel chu ani si a.Thil rapthlak tak ani,lalfanu ang maia nalh leh hlim khan a khawsa vel a,hepa hi kuahin,hlim tak khan a nuihvel kha ani si a,a hmangaihna mitmeng khana melh de sar sar kha ani lawm ni? Tupawh mai khan inhmeh an tiin an lawmpui em em theuh si a.Luc ngei pawh khan duh takin a melh anih kha.Amah Lizzy ngei pawhin alo awh thin lalfapa nei tura hlim taka inpuahchah kha ani si a.LucDe Santis chu lalfapa chu ani hauhlo.Mahse a pianphung nalhna leh hmelthatna mai bakah hauskna avanga lalram zautak neitu ani tlat si.De Santis chhungkaw monu nih chu fimkhur angai hle reng ang chu.Lalram nei,Bianca khan ati alawm" Lalram nei tham pasalah kanei dawn ani,a chhan chu maw,ka pian leh murna in a zir tlat alawm" ati anih kha."I hmangaih reng em?" Lizzy chuan alo ti khauh a."I fiamthu ani lo maw,cara? I hmu tawh alawm.Tu hmeichhia in ngeLuc hi hmangaih lovang? Kei anga hun pek hi ni ve ngat hlawm sela chuan" nuihawk hawkin ati anih kha.Bianca nena am inbiakna a ngaihtuah chhuah phei chuan a intiamlo ru zual a...nizan atang phei kha chuan.Bianca khan lem alo chang thiamlo hle mai.Luc an lehkha a en lai chu alo en reng a.A hmelah chuan engmah alang chhuak hauhlo a,thaw dep dep chuan aloen renh ringawt a.A thin a ur ani ngei mai,hnem chi pawh ani lo,ani ngat phei chu engthamah mah a ngai tawh dawn si lova.Pa nelawmloh lutuk,rilru sakhat nei,tumah ngaihsakna neilo,nunrawngsi,ti rilru chungin arawn tawng chhuah hun chu alo nghak ran a.A pawn lam landan leh a chhungril chu a inang lo ngawt ang le.A lehkha pek tur ber a pek tawj chuan akal thei tawh reng alawm,mahse kal mai chu a hreh deuh a.Luc chu a khawngaih hle nangin ani lo khawngaih chu a duh hauh lo anga,engatan mah ati lovang, a ten zawk hial ang chu.Pa maktak ani,chu chu a vawikhat rinna mai ani lo bawk,a hmel chu alo en ngar ngar mai a.A hausakna leh thuneihna lehanihna sang tak phenah chuan mahni chauha awm ang maia lanna anei tlat ani.Bianca nena an awmdun thin lai pawh khan,a sawifiah thiam si lohengemaw kimlo nei riauvin alo hriatsak thin anih kha."Ka...inhualna zungbum chungchangah khan ngaihtuah i nei ani maithei a" an ngawih rei takem avang chuan ahan ti chhuak hram a.Bianca nu pawh khan a sawi reng alawm."Nei lo" engmah thlenglo ang mai chuan arawn ti chhuak ta hlawl a."Kha zungbun hmalam hun tur kha chu mipa retheizet atlanbo pui rual khan a chiang reng tawh alawm."Lizzy chu alo tim chawih mai a,a thil hmachhawn mek chuan a duh aiin a tibuai thui dawn tlat...Bianca tlanbo pui pa chu ama unaupa ngei ani sia."Matt.chu a rethei hran lo asin" mi vantlang lakluh ang chu ala lut ve ngei alawm.A nuta chu a chhan ve ngei tur ani."I ngaihdanah nge ka ngaihdanah"Lizzy chu a thinur ta hle mai a"Enteh..." tih pahin kawngka lam chu a kawk a..."ka kalsan tawh mai che a that ka ring...""Anpahnih ang maia tlanbo be turin maw?" elsen fe chuan alo ti a."Ni lo,ka thin a ur ve hmaa kal mai a thay zawk ka rin vang ania""Ilo thinur ve thei ani maw?"'Aw" ahan inhera,a hriat hauh lohvin Luc chu dawhkan phen atanga lo chhuakin amah hmachhawn zawng chuan alo ding reng tawh a.Dawhkan ngheng chuan inkuangkuahin alo ding awn duai a,Bianca lehkha chu a hnung dawhkanah chuan alo let reng a.Lizzy chu alo thaw ri hraih a.Luc a rawn enna mitmeng chuan a thawmhnaw inbel leh a sam hnawk nuaih chu a hriatchhuah tirin a awm anuam ta lo hle a.Nizan khan a bulah hian a awmdan a lo theihnghilh ani maithei a,zingah lah Bianca nu leh pate rinhlelhna peh buaina avangin a buai ve bawk a....an thtur tih an hreh em avangin hepa hmachhawn tur hian a kal ani mai a,tunah lah chutiang thawmhnaw inbela a pindan a chhuahsa ngam chu makti awm takinbalo en lehnghal a."Kan rama ilo luh kar atang khan Bianca thinchhe zet leh tawngtam zet kha i en thei hle a.I thlema,a rilru buai but but te dam takin i kawm hlim thiam a,zahawm takin i lantir thei bawk.Mahse i zahna tur khawpa tawngkam mawilo a hman khum che pawh khan i thin ala rim chuang lo a,tichuan,ka lakah engvanga thinurna lanchhuahtir nge i nih le?""Ka chhungkua i sawichhia anih kha""I unaupa alawm ka sawi.Dikna nei lovah min ngai em ni?"Dikna chu a neitehmeuh mai.Nimin tun anghunah kha chuan nupui hual hmeltha zet ala nei alawm,an inneih ni tur pawha hnai tawh hle bawk.Italy rama inneihna ropui ber ni hial tur chu,mahse chung zawng zawng chu a unaupavang chuan thulh ani dawn ta si a.Thawk ahan la vang vang a."Ka unaupa chu i haw thei ang,a farnu ka nihna avanga min huat theihna pawh ka pe ang che,mahse..." ahan dak chhuak vah a,a meng de ra ra a."Mahse...helaiah hian nang aia ian retheihna min sawikhum tura dikna chu ka pe thei lovang che,ka ngaithla peih lo""Chutiang chuan ka lo ti amaw?"Lizzy chuan tum hmakin alu alo bu a.Vawiin ni hian ani chauh hi a chapona tihnat ani bik hleinem.Bianca nu leh paten a unaupa an sawiselna leh an hmuhsitnaan tihlan nasat tawh tehlul nen."Chuti chu thupha ka chawi e"Lizzy chuan a awih hauh lo,a aw ah chuan thupha chawina alang hauhlo bawk."Ka lawm e" lawm hauhlo chuan ahan ti let a."Tunah chuan ka kal tawh....""Helaiah hian engtinnge ilo thlen""Bellagio atangin lawngte atangin ka lo kal""Chuti chu i haw lehna tur rem ka ruat hma chu helai hmun hi i chhuahsan thei rih dawn lo anih chu" alu a bu pah nghut nghut a."I kawngkhar vengtu khanalo ngaihtuah tur thu a sawi...""Helai hmunah hian ka thupek bak tlang tur a awmlo" Luc chuan ati chhum hmuk mai a."Invenna a ngai dawn tlat"A nihna a rawn sawi lehta,hnial tuma ahan ang ziauchu Luc hmel a hmuh rual chuan a chip leh ta hmak a.A cho thinur em ni? Helai atanga a chhuah thuai hi a tha ber ang.Lake Como kama in nuam lutuk ah a cheng a.Milan ah chenna hmum nuam zet a nei bawka.Bianca sawi dan khan khawvel hmun hrang hrangah in a nei a,amahin thlawhna te chi engemaw zat anei bawk a,cho rual anilo ati anih kha.Ama lawngtehmangin vaukam chu minute sawm lek chhungin a thleng thei ngei ang...mahse tu emaw han tihnat kual vel ala chak avangin ala kaltir lo ani ngei ang,alung a awi hma chu al chhaih vel dawn ani awm si a.Ahan thaw huai a"awmze neilo takin i khawsa vel tih i inhria alawm" ahan ti halh a."A hring" alo ti sup ringawt a."Engmaw hring?" a hawi hau mai a"I mit mawle,i thinrim mitmeng kha a hring alawm le.A pangngai ah chuan a paw chiai si a!" Luc chuan alo tihkhum nghut nghut a."Danchep ka nih ngat phei chuan chem hriam zet pawh ati chhuak thei asin" alo ti let nghat a."han enchhin ila.Bianca tethil tihtum hi ilo hre reng ani tiraw?" arawn ti ta chharchhar mai a.Zawhna ani lova,puhna ani zawk."Hre lo,ka hre lo ka ti tawh alawm" alo ti let hmak a,mahse a rilru ah inthiamlohna mak tak awm reng chuan,a awm ati nuamchuang lova."Dawtsawi hmang puh che chu ka tum hauhlo a, Ellizabeth" alo ti vawt ruih a."Dawt ka sawi hleinem,hetiangthil lo thleng tur hi ka lo hre lawk hauhlo a, mahse lo hre lawktur chu ka ni asin mawle,ka lo hrethiam si lova" ati nawiniaih a."An inngaizawng tih i hriat sa vangin maw?"A awmdan danglam hauhlo chuan a awm ati nuamlo zual sauh a" Aw,rei vaklo chu,mahse kum tamtak aliam tawh alawm" alo ti ram hmak hmak a."Naupang inhmel duh hunlai atangin" a meng de zawkin a nui ruh ruh mai a.A mitmeng chu Lizzy huatzawng tak ani,ahan thaw hraih a,"kan hausakna inchen lohzia i sawi kha chu iti sual love.Bianca tan chuan ka unaupa chu a tawk zo lo lovang tih ka hriaalawm,nangmah ang thovin""Moreno chhungkawtan chuan ka tlin tawk hle laiin maw?"Lizzy chuan a dar alo san ak a...a chhang buai duh ting lova.A dik tlat alawm,Moreno chhungkaw tan chuan an fanu nalh leh hmeltha zet enkawl thei turin a hausa in a hmeltha tawk.Matthew chu mi satliah ve mai ani a,anchhungkaw sumdawnna lian thamlo te chu ala rochung ve in a anpui English hmeichhe pangngai nupuiah ala nei ve ang alo ti rilru thin anih kha,a pek theih bak beisei ngailo tur.Bianca chuan a pek theih bak a phut ngei ang,a duh apiang nei thei ani thin si a,a anau chuan a pe zo lo chiang hle ang.Hepa hi chuan engkim a pe thei zel dawn a,a hmanral chu engah mah ngai tham lo bawk ang."A lo kir leh em em ang.A rilru simfelnan hun a mamawh mai mai aniang""A thinlung ni lovin maw"a aw ro hulh chuan Lizzy chu ati tim chawih hial a."Bianca khan a hmangaih che tih ka hria alawm.Pasal neih mai kha ala inpeih lo deuh aniang.Hun reilo te han pe la,chuan ka...."A mithmul dum chhah zet chu ti sangin hmuhnawm ti hmel zetin alo en a."Kha laia dingchung khan maw,Miss Hadley,Bianc rilru siamfel chhung nghak turin min ti amaw?""I hmangaih anih phawt chuan...aw...kati alawm...""Chuti anih chuan hmangaihna kawnga hriat nei lo mi a tak inih reuh chu,chutiang chu a thleng ngailo ang" ahan ding mar thut a,"inrinni leh lo thleng turah hian inneihna buatsaih sa a awm a,kaltlang pui ngei ka tum bawk"Monu awmlo pawhin maw? Lizzy chuan makti zetin alo en reng mai a."I sawu awmzi chu...i zawng chhuak anga,inneih pui tur chuan i hnuk chhuak dawn em ni?" Hepa hian Bianca duhlo chung biakin thlengina hnuk anga maw? A nui hawi hial a."Ni ang chu" a kutzungtang sei thlarh chuan Bianca lehkha chu ahan lek kang leh a....uluk zet chuan ahn thlep a."Tu emaw in ka thlak mai ang chu ka ti"A phu nasa lutuk ringawt mai a."Chuti maia awlsam chuan maw?""Chutimaia awlsam chuan" tih pahin lehkha chu a apawr thler ta vek a,dawhkan bul bawlhhlawh bawmah chuana paih ta daih a.Chutiang ema Bianca leh an boruak angai pawimawh lo chuan Lizzy chu ati damlo thei hialdawnin a inhria a."I nunphung pangngaia nung tura i inpuahchah thuai angai dawn ani,ni e,mahse ka puihna nen chuan a hunah chuan i inpeih hman em ang chu"A thusawi awmzia chu a hrethiam hleithei lova,ahan dak chhuak a."Ka nunphung chu a pangngai alawm" ahan ti nghat a."Ka pha hauh lo"alo ti ro hulh a."Mahse naktuka thuneitu te hnena i unaupa in inchhungkaw pawisa zawng zawng a ru chhuak vek tih ka hrilh hunah chuan a pangngai lehzual ang"