TUIPUI BUAINA CHUNGCHANGA CHINA VAU THEI TUR RAM 4 TE

Source  : Czars Khiangte @ RALTHUAM & TUNLAI KHAWVEL
SUNDAY, JULY 15, 2017 ID NEWS

Tuipui ramri fello(disputed sea) chungah lal ang a in ngaiin China hi a duh duh in ramdangte nek mahse khawvel lakah leh world arbitration court ah a thiam a chang chuang lova, Permanent Court of Arbitration in the Hague, rorel dan chu pawm lovin SouthChina sea claim ve dang Brunei, Malaysia, Taiwan, the Philippines leh Vietnam te duhdan pawh zah sak a hnekin, a pal zut nasa hle mai.China hi khawvelah military lamah pathumna a ni mek a, GDP(Gross Domestic Product) neih sanah pahnihna a ni bawk, he mi avang hian Southeast Asian ram te zawk te tan hian han cho chi rual a ni lova. South China sea hi a zau em em, Sg Km 3.5 million a zau niin tuipui hausakna hrang hrang a ngah hle, tun hma atangin ram hrang hrang te hian sangha man nan te, lawng kal nan te leh tuichhung hausakna chi hrang hrang an lo hai chhuah na hmun ber a ni thin. Tun dinhmunah China thiltih han dodal a, China han vau thei tur hianram pali an awm a ni.

1. India
India hian South china Sea ah hian claim engmah a nei lo na a, China lian zel avang hian buaina eng enge maw chu a nei mek thung. Hmun hnih a China nen a ramri buai nei India hian khawthlang ram hausa thawhpuina a nei tha a, 2014 a ‘Act east policy’ hmang in Southeast Asian ram ten en economic lamah thawhhona an nei a, heng ramte nen a India thawh hona hian hmalam a pan zel pawh beisei a ni. May thla khan South China sea ah hian India hian Tsunami warning system chu he lai ram (South east Asian countries) te pawn an chhawr ve theih turin a bun a, hei hi China chuan duh lovin a a ma siam a hmang zui nghe nghe, Tunhnaiah Vietnam sawrkar leh ONGC ten Tuifitriat mawng a, oil lakchhuah an tum te hi China ti thinur em em tu a ni.

2. Japan
Japan hi Asia ah chuan ram chak leh thiltithei, China mitmei venna ber pakhat a ni. 2014 khan Japan hian Vietnam hnenah lawng paruk ngawt mai a pe a, Phillipines sawrkar pawh military aircraft 5 lai nikum mai khan a lo pe tawh bawk, heng te hi South China Sea a China chetdan a duhlohzia tilang chiang tute an ni. Thenkhat chuan Japan hi Tuipui a a huang zauh zel loh nan Khawthlang ram te nen inzawm a sawi a ni tawh a, May 1, 2017a Izimo helicopter in US supply ship tuipui chunga a ven danah te, tuna India leh US ten en a ‘Malabar exercise’ an neih te hi China tan chuan a thinrim thlak viau awm e.Japan hian China nen hian East China Sea ah a hranin ram inchuh an nei mek a, Japanese military tana hnawksak em em East China sea islets a China lawng te hi China lam chuan Japan nena buaina siam tumna a awm lo tiin a sawi tlat thung.

3. United States
U.S. President Donald Trump hian China in maritime expansion a buaipui ai mah a hna hmasa a a neih chu North Korea ballistic missile chungchanga China nawr hi niin a hriat a, China hi ei leh bar leh ralthuam, thil dang hmang te a N. Korea tanpui nasa ber tu a ni. United states hian China in a tuipui nia a chhal chhungah hian claim engmah nei lo mah se, Asia a a thawhpui ram te a ngaihsakloh phah chuang lo, May thlatawp mai pawh khan US hian South China sea ah hian a lawng lian pahnih te kal luih tir in, Beijing tuipui a nih loh zia a lo lan tir tawh a ni. Phillipine nen a Joint patrol a neih pawh 2014 atang khan a la nei reng a, China mit a kham hle.

4. Vietnam
Vietnam hi South China Sea claim nasaber ram an ni a, khawmual thleng a China military expansion avang hian anram chin a zim phah hle, hetih lai hian ram rethei ve tak Vietnam hian economy ah China puihna tel lovin eng mah a ni lo tih a in hria a, kum 100 chuang tha mah ramri a buaina hi an lo nei tawh nghe nghe a ni, 1974 a Sea’s Paracel Island a ram pahnih te indona avangin tun thleng hian China hian chu lai hmun chu a la nei a, ‘nine-dash line’an tih mai China thuneihna huam chhunga tuialh thei a lakchhuah te nei let leh tur hian Vietnam hian a theih tawpin hma a la ve mek a, a tul a nih chuan India leh Japan te hian an puih a rinawm bawk.