CHEMTATRAWTA

Writer : Johny L Chinzah @Mizo Thawnthu Hluite

Hmanlai hian Chemtatrawta hian tui ti chipchep hmunah hian a chem atat rawt rawt a, chutihlai chuan atilah kaikuangin a rawn chep ta hlawk mai a. Chemtatrawta thinrim chuan kha um zamna rawpui chu a fik hmawk mai a, kha um thinrim chuan a hnuaia Ram Ar tla lai ngum ah tak chuan a zuk deng a, Ram Ar thinrimin Taivang bu a thaidarh a, Taivang thinrimin Sanghal tilah a seha, Sanghal thinrimin Bâk awmna Changel atai tlu a, Bâk thinrim Sai hnarah a lut a, Sai thinrimin pitarte in a chil chhia a, Pitarte thinrim tuikhur hnarah a e a.

Khua a miten, "Engatinge tuikhur hnarah i ek?" an ti a, "Engatinge ka In Sai in a chil chhiat ei" a ti a. "Saia, engatinge Pitarte in i chil chhiat" an ti a. "Engatinge ka hnarah Bâk a luh ei" a ti a. "Bâka, engatinge Sai hnarah i luh" an ti leh a. Bâk chuan, "Engatinge ka awmna changel Sanghal in atai tluk ei" ati a. "Nghala, engatinge Bâk awmna changel i tai thluk?" an ti leh a. Sanghal chuan "Engatinge Taivangin ka tilah min seh."  "Taivang, engatinge Sanghal til ah i seh" an ti leh a. Taivang chuan, "Engatinge Ram ar in ka bu a thaidarh ei"
"Ramar, engatinge Taivang bu i thai darh?" an ti leh a. Ramar chuan, "Engatinge Khaum in ka ngum ah a den,"   "Khaum, engatinge Ram ar ngum ah i den."  "Kha um chuan, "Engatinge ka zamna rawpui Chemtatrawta'n a fik ei" "Chemtatrawt engatinge Khaum zamna i fik?" an ti leh a. Chemtatrawta chuan, engatinge ka tilah Kaikuang in a cheh ei a ti a. "Kaikuang, engatinge Chemtatrawta tilah i cheh an ti veleh a, Kaikuang chuan chhuanlam tur hrelo chuan, "Ih ih ih ih, meiah min rawh chuan naupang lawmah ka sen vitvet ang a, tui a min thlak chuan ka dang bim bem ang a ti a. Mei ah an han rawh a, asen vit vet a, tui ah an han thlak a, a dang bim bem a, vawilehkhatah, "Nu leh pa khua chu nuam singkhaw" tih pah in puk ah atlan lut ta daih a. A pukah chuan hnahthial kuang in an hawlh a, Kaikuang chuan hnahthial chu a rai apiangin thi rawh se a ti a. Tun thleng hian hnahthial kung hi a rai a piang in a thi ziah a ni. Hnahthial a anhawlhna pawh tunthleng hian Kaikuang hmui pawh a la ther fur a ni.