ELECTRICT POWER

By. Zamtea Chongthu

Khawvel ah hian civilization ropui tak tak, LAL chak leh ropui tak tak an lo awm in, an lo ding chhuak tawh a. Ei bar zawn kawngah te, mipui mamawh leh rorel phung ah tunlai mite aia awhawm zawk tam tak an nei. An hriatna leh thiamna thenkhat phei chu vawiin thleng a khawvel mite mak tih leh kan la hriatfiah thiam loh thil te pawh a la awm.

Amaherawhchu, eng vanga khang civilization leh Lal-Ram ropui tak tak kha tlu chhia a, ralta nge an nih tih tih hi in chhut ve ngai em...? Engtia ral ta mai nge tih hi khawvel mak tih a la ni reng. An ni aia chakin an hneh a, an ral ta.  tih ngawt hi chhanna dik famkim a nilo. Mi zawng zawng pawm dan pawh a nilo.

A chhan bul ber chu, Khang civilization ropui leh hausa tak tak khan ding chhuak a, hmasawna, awm reng turin Electrict power an hmuchhuak lo kha a ni.

Khawvel mihring kan changkang hlek a. Physician ropui Albert Einstein leh midang dang ten, thil an hmuchhuak a, chung zinga ropui ber chu electron kalphung mak tak a tanga ELECTRICT POWER an hmuchhuak ta hi a ni kan ti thei ang.

Khawvel in  ELECTRICT POWER kan hmuhchhuah hnu hian, Hmasawnna hian ral leh tlukchhiat lam a hawi ta lo.

He thil ropui tak, Electrict power a vang hian, he khawvela kan chen chhunga kan ei leh bar tharchhuah a, kan sawngbawl dan kawngah te, kan nunphung a thiamna leh finna kan zirna kawngah te, hlim leh hrisel taka hun hmang tura kan in enkawlna tur thilah hian kan va hmang tangkaiin kan va awlsam phah em..! He kan mamawh tak, Electrict power hmang hian hmasawnna leh changkanna kawngah kan ngelnghet tawlh tawlh a, belhchian dawl turin min pui a, hma kanla sawn zel bawk ang.

Kan ram Mizoram ngei pawh hi, Electrict Power lamah kan thanharh a, zing, chhun zan zawma duhtawka hman tur *power* kan neih a, hralh chhuah tham meuh kan siam hunah, he kawlphetha chakna hi man tlawm zawk a hmang chung hian a ram mite ngei hian hna hrang hrang hlawk leh awlsam zawkin kan thawk ang a, kan economy hi kan rin phak leh kan beisei aia nasa in a thang puitling ang.

Ram leh hnam fing chhuak hmasa apiangin Electrict Power ah ruahmanna dik an siam a, rahbi hmasa hi an lo rap mai zawk a lo ni e.

Mizoram Economy au hla dik leh rintlak ber chu.
POWER FIRST...
POWER FIRST... Tih hi a ni e.

Mipui khawsak a changkana, retheih na khur thuk tak ata kan talchhuah hunah, thiamna a pung zual ang a, mipuite finna ah kan thanharh in, kan huaisen bawk ang a, Politics thlengin a kal dik thei ang.

Mipui hausakna ram hi a rethei ngailo.

POWER FIRST...!
POWER FIRST...!