BAWNG ESSAY

BÂWNG ESSAY...

Bawng chu mihring ran vulh zing a a lian ber pawl a ni a. Feet 4 vel te pawh a ni mai thei. Bawng chuan ke pali a nei a. A hmalam ah 2 leh a hnung lam ah 2, a vai a belhkhawm chu pali a ni. Tin, a ke bawl hi a tui khawp mai. Bawng chuan amah a inven ve na a nih leh nih loh ka hre lova, mahse, a back kick hi a na khawp mai. Hman ah pawh Hruai-zuheh an an thenawm te bawngpui hur, an inhnuai a an thlun chu 'kreinch' a tum a. Mahse, bawngpui chuan a lo kheng hrep a. A neitu ten Hruaizuheha chu JAC hnenah an report a, an vaw hrep.....ti fuhlo tak tak a nia awww... Silawng lutuk a, kar thum lai khumbet in a nat phah hial a ni. Tichuan, bawngpui atangin bawnghnute kan dawng a. Hnute a pai tam leh tam loh chu a bawng hrisel leh hrisel loh ah a innghat...a ti, Bondu an. Bondua te hi bawnghnute sem a sumdawng an ni a. Bawnghnute tak chi te, tak ve deuh thuak te leh a special te, mega special te an nei a, an hlawk tak tak a nia awww.....mahse, an nupa hian zarda an heh rap... Tichuan, bawng chuan hnim hring a ei thin a. Mahse, tui a tih leh tih loh erawh a sawi ngai lem lo. Hmanah pawh Pu Rama te bawng rual an tlanbo a, mi lo ah lut in an vaimim vui tan tawh an lo ei teuh a, lo neitute an thinrim a nia aw....pu Rama pawn lei a chawi phah hial a lawm....chi loh tak tak a ni. Bawng puitling hi chuan an chhip ah ki pahnih, sei lutuk lo, zum deuh an nei a. Hei hi an rim hriatna nen a inzawm leh zawm loh hriat a ni lova, mahse, bawng hi chuan chi an duh khawp mai. Vawikhat leh pawh Hruaizuheha bawk hian bawng pachal ki ah vuan in a chei vel rawk a, kekawr mawng thler phung in a lo pir nek a sin le! Chuan, sawi tawh ang in bawnghnute hi sumdawn nan hman a ni nasa khawp mai a. Mahse, Kamala te bawnghnute hi chu a dal tak tak a nia aw. A dal zia han complain te hian an nu hian, "A dal ang chu...kan bawng hian tui a in hnem em a lawm..."a ti tlat zel a, he vai nu hi chu a rilru a chhe tak tak a ni. Bawng chu leileh nan an hmang thin bawk a. Mahse, Kamala te bawnghnute dal dan em em hi chu aw...a Juda Iskariota tawp! A nupui lah hi a hang dum ril ropui sia, ka ngei tak tak a ni... THE END.