DIK LEH RIL

HMEICHHE Â LEH, HMEICHHE FING

       1.  Hmeichhe â chuan a pasal ai fingah in ngaiin a
hnial fo țhin a,hmeichhe fing chuan a pasal a
țanpui a,a chhawmdawl țhin.

        2.  Hmeichhe â chuan a pasal tlin lohna chauh
hmu lianin a pasal lakah a thinrim fo va
,Hmeichhe fing chuan a pasal tlinna hmuh sak
thiamin hlim takin a pasal bulah hun a hmang
țhin.

     3.  Hmeichhe â chuan a hun leh hmun pawh thliar
lo vin,a pasal a hnial pawng pawng a,mi karah
meng țha ngam lo-in zak takin a sim țhin
a, Hmeiche fing chuan midangte bulah zahthiam
takin a pasal a bia a,a chawimawi a,thu hrilh duh
a neih chuan an nupa chauh a an awmdunin a
hrilh a,thurawn a pe țhin.

       4. Hmeichhe â chuan a pasal a ngai nep a ,amah
pawh mi ten an ngai nep thuai țhin,Hmeichhe
fing chuan a pasal a ngai sang thiam a,amah
pawh mi ngaihsan a ni thuai țhin.

       5.  Hmeichhe â chuan hun liam tawh a,a pasal nun
dan chhui kirin thikthuchhiatna a chhuichhuak fo
va,Hun liam tawh siamțhat theih tawh si loh
chuan a in velhțah tir țhin a ni,Hmeichhe fing
chuan hun lo la thleng tur thlirin a pasal a enkawl
a,hlim takin hun a hmang țhin.

       6.  Hmeichhe â chuan a pasal thiltih sual hre ran
a,a pasal chu kawng engkimah hre chiang tawk
niin a inngai a,a thu hnuaiah dah a tum țhin
a.Hmeichhe fing chuan a pasal thiltih sual
ngaidamin mipate hi naupang ang mai a,rilru an
put chang a awm ve țhin a ni tih a hria thiam.

      7.  Hmeichhe â chuan awrawl vin takin leng bo
daih rawh tiin a pasal a hrawk țhin a,Hmeichhe
fing chuan paa min leng bo san suh aw a tițhin.

         8.   Hmeichhe â chuan thal angin a pasal natakin a kuai a,a kuaih na pauh leh a kap chhuak thui a ni
si a,Hmeichhe fing chuan thal mu angin a pasal a
thlah za len a,a kuta hrui awm chu hahdam takin
a vuan mai a ni.

   9.  Hmeichhe â chuan ei leh in tur a
ngaipawimawh a,taksa nalh turin a invawng țhat
nachang a hre lo,Hmeichhe fing chuan ei leh in
tur a ngaihpawimawh ang chiahin a pasal tan
itawm reng turin a invawng felin a in tithianghlim reng țhin a ni.

     10.   Hmeichhe â chuan a pasal a nawra nawr kal a
tum a,mittui tla chungin a pasal lakah beidawngin
beidawnna chu a hmu țhin a ni, Hmeichhe fing chuan rilru lam pawimawhna hria in, muangchangin a pasal ngaihtuahna a țha lamah hmasawn
turin a țanpui a,hlim takin a pasal hlawhtlinna chu
a hmu thin.