Hriattur Pawimawh

Ukil rawn pawimawhna

1. Nupa inthenah reng reng hian Pa ten thawhchhuah tha an neih phawt chuan Cr.P.C Sec 125 behchhanin Court ah fachawmna emaw mahni inchawmna emaw a dil theih a. Chutiang mamawh kan awm a nih chuan a rang thei ang bera Ukil rawn nghal thin tur a ni.

2. Thil inhralhna (Sale deed) leh neitu inhlawnchhawnna (Gift Deed) {Immovable Property} angah reng reng hian Ukil te hriatpuina lova lehkha thema ziah ang mai mai hi Court ah rintlak a ni lova. Nakinah buaina leh harsatna pawh lo awm se Dan hmaah tanchhan tlak a awm lo. Chumi a nih vang chuan hetiang thil hi tih ngaia kan awm chuan a rang thei ang berin Ukil kan pan vat thin tur a ni.

3. Pawisa inpuk tir leh inremsiamna ang chi reng rengah hian tawngka satliah emaw paper thema ziah satliah mai mai hi chu Court hmaah tanchhan tlak a ni lo khawp mai a. Chuvangin, nakina buaina pumpelh nan hetiang thilah hian Affidavit emaw Agreement Deed emaw siam ngei hi a tha. Chumi tur chuan Ukil kan pan vat a ngai a ni.

4. Kan LSC chungchangah emaw kan huan lo ram Sawrkarin an tihchhiat chungchangah emaw, kan pawisa ba tuten min rulh sak duh loh chungchangah emaw, engemaw chhan hrang hrang vanga buaina leh harsatna kan tawk a nih chuan in tana engtiklai pawha tanpui vartu hnai reng Ukil an awm tih hria ila. I mamawh a hnenah thlen la, anin a lo ngaihtuahsak zel ang che.

5. Police in diklo takin an ti che emaw, VDP/JAC in dik lo takin an lo khawih che u a nih chuan Law Court ah engtiklai pawhin Criminal Complaint a nih theih reng a. Chutiang ang mamamwhna i neih  chuan Ukil pan vat zel ang che.

6. Khawtlang hruaituten kan khua leh tuite hnenah intiamkamna kan siam tur duh a nih pawhin legal paper satliaha hming sign tir ringawt tawh lovin Ukil te hriatpuinain Affidavit siam tir thlap thin tawh zawk ila. Chutia kan tih phawt chuan Court hmaah an kã kan hupsak tihna a ni a. Nakinah kan sawi ngai tawh lovin Dan angin Court chuan awlsam takin kan thiamthu min sawisak thei tawh zawk ang.

7. Fa inchuh, ro inchuh leh thildang engemaw neuh neuh inchuh hun a lo thlen pawhin a haw haw leh tharum zawng nawr khan engmah thiam min chan tir dawn lo tih hre thar ila, hetiang ang buaina kan neih chang hi chuan Ukil rawn hmasa sa leh ruai hmasa sa hi a dingchang leh thiamchang zawk an nih duh châwk tih hre bawk ila, saptawnga Prevention is better than cure an tih hi rilru ah i vawng tha reng ang u.