MEGALITHS

MEGALITHS

Megalith chu hmanlai mite’n lung lian puipui hmang a thil an siam emaw lung an phun emaw hi a ni a,  megalith tih hi Greek tawng a tang a lak megas tih leh lithos tih a tang a lak a ni a, a awmzia chu Great-stone(lungpui,lung ropui) tih na a ni.  hetiang hi khawvel hmun hlui leh hmanlai mite lo khawsak tawh na hmun ah te hmuh tur a awm nual a, a ropui in a lian thei hle  a; ton za(100) atanga ton sang chuang(1000+) thleng a rit lung an hmang thin a ni, ton za(100) tling lo pawh a awm nual awm e. Khatih hunlai hmanlai; khawl leh hmanraw changkang la awm loh hunlai a, lung lian puipui hmang a hmun ropui tak tak an din thei kha, tunlai mithiam te pawh in mak an ti in, ngaihdan hrang hrang pawn an nei reng a ni.

Hmanlai hmun pakhat  ‘Ba’albek’  an tih chu Lebanon, beqqa valley (The Bar car Valley)a awm;  hmunhlui leh hmun upa tak a ni a, tuipui atang a meter 1150 vel a awm a ni a,kum 9000 vel a upa a chhut a ni. he hmunhlui hi  a din tu diktak hre lo mahse , hman lai Pheonician(Canaanite) ho din ni in an ngai a ni. ba’albek chu Pheonician(Canaanite) ho Ni(sun) pathian ’ Baal’  hming chawi a din a ni a, ‘bek’ chu khua tihna a ni. he hmun danglamna em em chu an temple chhuatphah(foundation) siam nana lunglian, ton sangchuang a rit an hmang chu a ni. he an temple ; “temple of Jupitar”(heliopolis) foundation   tur hi  an lunglakna(quarry) atang chuan tons800 atanga tons1500 vel a rit lungtlang(block) ,feet 33 vel a sei, feet 14 vela sang chu an la a,temple chhuatah an hmang a ni.  he hmun bulah hianah hetiang ai a rit mah  lungtlang  hman loh a awm bawk a ni.

 Ba’albek a an lung hman hi hmanlai miten a lung an lak len ber a ni a, lungtlang hetiang  han ti sawn a ,han ti che tur hian eng khawl mah an la nei lo in; an tihsawn a, an thiar vel dan hi mithiam te mak tih leh chhui chhuah theih loh a ni awm e. He temple foundation ah hian lung lian pathum an hmanga, a hming ah ‘ trilithons’ an ti a, heng lungte hi a khua(Ba’albek) ai hian a upa zawk a, kum 10000 chuang daih kalta siam ni in an chhut thung a ni.  he hmun hi luah hmasatu awm in he temple foundation atan  a an hman hi lo siam in, a siamtu te luah loh hnu hian Canaanite ho hian luah leh in temple saknan an hmang ah an ngai a, a lo luah hmasa tute hi tutenge an nih a, enga tan a siam nge an nih tih hriat a ni lo thung.

‘Sacsayhuaman(saksaywaman)’  pawh  Peru a Cusco khaw bul; tlangchhip a awm a ni a,  Inca ho hunlai a an khawpui hlui a ni. tuipui atang a meters 3701 a sang a awm a ni. he hmun ah hian lung lian pui pui chu insi thap a rem in, bang sang tak tak an siam a, heta an lung hman hi atlangpui in tons 128 atang a tons 360 vel  thleng  a rit an hmang a,  an lung lakna hi mel 22 vel a hla a ni a, tlangchhip ah chuan la chho in, he hmun Sacsayhuaman hi an din a ni. Lung rem nan hian charhna engmah an hmang lo a, chutichung chuan a in si rem tha em em a, blade(razor) emaw samzai emaw pawh lungrem kar ah hian a leng lo a ni. lung an hman hi a lian in a rit hle a ton za chuang thah an ni a, an lung hman hi cubic thlap thlap a chher a la ni lo zui a ni.

Mithiam te chuan lung an lak dan leh an sawngbawl vel dan hi ngaihdan hrang hrang nei mahse, he tih hun lai a Inca ho themthiam zia leh ropui zia hi mak an la ti reng a ni. he tih hunlai  kum sang chuang  kalta a an hmanraw hman thin archaeologist ten an phochhuah thin ho nen a han din ah chuan a ropui in a mak hle a ni.

Bolivia a awm ‘Puma punku’ pawh  tlangchungzawl (plateau) feet 13000 vel a sang a awm a ni a, He hmun ah pawh hian lung lian pui pui tons 450 chuang a rit te hmang a, awm ze nei tak a kher khuar  in, rual leh mam em em in an kher a ni. khawl an hmang emaw tih mai tur in intiat chiah chiah leh in ang chiah chiah in an kher a, mithiam te mak tih a ni. hetiang ang lung lian puipui a siam megalith ho hi khawvel hmun hrang hrang ah hmuh tur a awm nual a, tons 100 chuang a rit lungtlang hmanna pawh a awm nual a ni.  Unfinished obelisk an tih Egypt ram a awm pawh hi tons 1100 a rit lung tlang a ni a, an l