RIGHT TO PRIVATE DEFENCE

Thil sualtitute hrem dan tur chipchiar tarlanna “Indian Penal Code” an tih mai Section 96-106-na chuan rikrum thil emaw, midang beihna laka kan lo inhumhim theihna turin dikna min pe a. Chu chu “Right to Private defence” tih niin, mitinte kan inhumhimna kulh bing sang a ni.

He lei hringfate hi inngeihtlang dial diala, a thlum a al ei za tlang thei dinhmuna kan din thin loh avangin kan beiseiloh deuhin kan chungah midangin vanduaina an lo thlen chang a awm thin a. A chang phei chuan kan nunna tana pawi thei hial khawp thil te kan chungah a lo thleng thin. Chutiang hunah chuan kan nunna huhimnan emaw, kan bungrua leh midang humhimna nan kan lo beihlet ve a thiang a. Chu chu dan pawhin min phalsak a ni. Amaherawhchu, hetiahlaia kan hriat reng tur chu he kan inhumhimna hi beihletna ang ni lovin inhumhimna phaw-ah kan hmang zawk tur a ni a. Phuba lakna anga hman a rem lo.

Kan thinlunga kan vawn reng tur chu he kan beihletna hi lohtheihloh a ni em, leilung dana awm ngaih ngawih thil a ni em, dan hmaa inhumhimna chhan a tling em tih hi kan chik reng tur a ni a. Min beihna chetzia nena inphulo lutukin kan beilet tur a ni lo. He inhumna danin min pek hi kan chunga pawikhawp tute thiltih nena inkungkaihna lai a neih chauhin kan hmang tur a ni a. Entirnan: Miin min lo bei ta se, chutiang hunah chuan min beitu ina kan thuneihna an lo rah atanga min chhuahsan leh hma thleng kan lo beihlet ve a thiang a. Chumi hma emaw, a hnulam emawa kan beilet a nih chuan dan hmaah thiam kan chang thei tawh dawn lo. A chhan chu chutiang chu Police lam hna a nih tawh avangin.

Heng dan ina inhumhimna kulhbing sak min pek hi khuahkhirhna nasa tak nena delhkilh tlat a nih avangin a hmangtute pawh kan fimkhur hle a tha. Dan chuan mifel/pawisawilo hrem palh/tihhliam palh ai chuan mi sual sawmkua pakua chhuah zalen hial pawh a thlang zawk si a…