SIMILARITIES IN MYTHOLOGY

SIMILARITIES IN MYTHOLOGY Hmanlai chuan mihring te hian tawng chi khat chiah kan hmang thin a, Bebel Insang sak a tang in tawng hrang hrang a lo chhuak ta a ni. Ti in an sawi thin a, mithiam thenkhat te chuan Sumerian ho hi khawvel a tawng hlui ber ang ah an ngai a, tawng(language) a in ziak an hmuh hlui ber a nih vang pawh a niang, an tawng hi Sumerian ho pathian ‘Annunaki’ tawng kha a ni thei awm e, ti in mythologist te chuan ngaihdan an siam ve bawk. Thenkhat chuan Africa ram a tang a lo chhuak kan ni an ti tho bawk a, engpawh nise hmanlai mi te kha awm khawm hunlai, hmun hrang hrang a an pemdarh hma hunlai a awm ngei a ni tih a rinawm hle. Sumerian ho kha hnam upa tak an ni a, an pathian Annunaki chu an pathian biak ber pakhat a ni a. Van pathian ‘Anu’ an nei bawk a pathian ropui ber keini Christian ten Pathian(YHWH) ka tih ang deuh hi a ni a, chuan lei pathian nu (Goddess of earth) an nei bawk a Anu leh Ki(anki/enki) chuan fa nei in Annunaki a lo piang ta a, Annunaki hming awmzia chu ‘Princely offspring’ emaw ‘those of royal blood’ tih na a ni a, thenkhat chuan ‘from heaven to earth’ tih na an ti ve bawk a, annu chu ‘Ant(fanghmir),’ naki chu ‘friends’..’Ant friends’ tih ang pawh a hrilhfiah pawh an awm tho a ni. Hetiang ang Van pathian leh Lei pathiannu inneihna ang chi hi myth hrang hrang ah hmuh tur a, hetiang chi myth hi The sky god and earth mother myth an ti a. ‘Anlil’ ti pawn an sawi thin tho a ni. Heng Greece myth ‘Uranus leh gaia’ te, Siberia myth ‘Tengri leh Eje te, Maori myth ‘Ranginui leh Papatuanaku’ te, hindu sakhua a’ Dyaus Pitar leh Prithvi Mata tenen pawh a in hrul viau awm e. Annunaki chuan ‘Igigi’ tih ho chungah ro a rel thin a, kum 2500 hnu ah ‘Igigi’ ho chu an hel ta a, anki chuan mihring siam tur in a ti a, Annunaki chuan hmun pakhat Eden ah chuan Lei(clay) leh a tisa leh thisen chawhpawlh chuan mihring a siam a ni an ti a, hei hi Bible a Pathian in mihring a siam dan nen a in zul hle a, hming thuhmun ‘Eden’ kan hmuh bak ah, Lei(clay) a mihring a siam thu a lo awm ve leh zel a, a danglam na chu ama thisen leh tisa a telh khi a ni mai a. ‘Igigi” ho leh fallen angel ho; Lucifer a leh a ho te helna nen khan a in similar leh hle bawk. Tichuan mihring chu an lo tam ta hle a, hetih hun lai hian mihring in dam chen(life span) an nei lo a an dam rei thei em em a, an tar thi mai mai lo a ni ber ang chu , an over population vang nge chhan dang vang pawh a niang, tuilian (global flood) a thlen tir a, hemi hnu a tang hi chuan mihring ten life span an nei ta a ni ti in, an sawi bawk. Hetiang thawnthu ang deuh hi nova ah khan kan hmu a, myth dang Epic of Gilgamesh leh Atra-Hasis ah te kan hmu bawk awm e. Hmanlai mi te kha ;an thil ziah paleotic paint an tih te, cave arts an tih ang chi a, an milem ziah a tang leh an milem kher, milim siam te leh an mythology a tang te in mihring ruangam ni si; a lu sava lu ang nisi leh sava anga thla(wings)nei leh mihring taksa pu mahse danglam taktak ; chutiang ang lam chi an ziah leh kher chu, hmun hrang hrang ah hmuh tur a awm nual a, mihring thla nei ang chi hi ram hrang hrang myth ah pawh a lo awm nual a ni. Russian mythology a Alkonost, Gamyan leh sirin te, Mesopotamian mythology a Anzu(Zu), siris leh Lammasu(shedu) te, Philippine mythology a Ekek te, Egypt mythology a Horus leh Thoth te, Chinese thunder god Lei Gong te, greek mythology a Nike, Eros leh Gorgon te, bakah Hindu mythology Garuda te, Zoroastrianism ho in a Faravahar an tih te,Japanese folklore a Karura an tih te leh Christian, muslim leh Juda te’n a vantirhkoh(angel) kan tih te ho hi mihring pianhmang ang, mahse thla nei thlawk thei ang a ngaih vek an ni a, mizo thawnthu a Sichangneii te, Lawnglaii te, Rimenhawii te leh a dang te pawh a awm ve bawk. Hmanlai mi te kha mihring pianhman ni si, mahse a taksa dang rul nisi emaw, rul leh rulpui mihring tih mai tur ang chi hybrid (reptilian humanoid) kan tih ang chi hi, ram hrang hrang ; hmun hrang hrang inhlat tak tak a mite mythology ah hian hmuh tur a lo awm nual bawk a, Athens ho mythical king hmasa ber Cecrop I kha a chanve mihring a chan ve dang chu rul ang in an ngai a, Aztec ho pathian Taloc mihring nisi rul ngho nei ang a ziah a ni a, Greek mythology a Typhon nupui Echidna chu a kawng a chin hnuai lam rul a ni a,Chinese mythology leh folklore a the white snake an tih te, Nuwa an tih te, Fuxi an tithe, dragon kings an tih te chu rul leh mihring in pawlh ang a sawi an ni vek a, heng bak ah hian Islamic mythology a Djinn an tih chu rul ah leh mihring ah a chang thei a, hindu mythology a naga(devanagari) an tih te pawh rul lam kaihnawih reptilian being a ni a, lei hnuaia cheng ang in an ngai a ni. keini mizo te pawn chawngchili thawnthu te, rulkepnei tih vel pawh sawi tur kan nei ve tho a ni. Gaint kan tih mai milian ho te pawh kha, ram hrang hrang mi; hnam upa tak tak te mythologyah a lo awm ve hlawm a, Christian te Bible a thuthlunghlui ah milian Anakim te, Goliath te, Nephilim te, Nimrod te, Og te leh Rephaite kan hmu a, Celtic ho mythology a Cawr te, Cormoron te ,Fachen te, Fomorians te , Buarainech te, Cethlenn te, Corb te, Elatha te, Eriu te, Ethniu te, Fodla te, tethra te, Kaour te kha giant ho an ni a, Greek leh Roman ho mythology ah pawh tamtak hmuh tur an awm a, heng Titans ho Atlas te,Coeus te, Crius te, Cronas te, Gaia te, Hyperion te, Iapetus te bak ah sawi loh an la awm teuh awm e, khatiang ho kha milian an ni bawk a, Norse mythology ah pawh milian Bestla te, Gorm te, jotunn te, Grior te, Gymir te, Hroor te bak ah a dang tamtak an awm a ni. Hindu ho mythology ah pawh milian Daityas te, Hiranyaksha te, Hiranyakashipu te, Kumbhakarna te,Mahabali te an awm a; Maya mythology a Zipacna te, Islamic Mythology a Uj ibn Anag te, Japanese folklore a Oni te, Cantabrian Mythology a Ojancanu te, Ayyavazhi mythology a Kroni te, Philippine Mythology a Kapre te, Basque Mythology a Jentilak te , Romanian mythology a Iovan Iorgovan te te kha milian (giant) ang a sawi vek an ni, keini mizo te pawn mualzavata te leh milian thawnthu chu kan nei ve tho bawk a ni. Mythology te hi dawt phuah chawp mai mai a ni e a tih theih loh a, evidence mumal tak a awm loh thin vang a fact a ngaih a nilo mai zawk thin a ni. mythology reng reng chu a hlui in hmanlai(Ancient ) hunlai a thilthleng chanchin a ni deuh ber hlawm a, ataktak in a thleng a tih theih loh a, dawt phuahchawp ; hmanlai pa mumang mai mai a ni e a tih theih chuang loh a ni. thilthleng mak tak tak te leh ,thil nung leh mihring mak tak tak te an awm tam a vang hian tamtak chuan an awih lo a, thil awih awm loh tak tak te pawh a ni ve bawk. Amaherawh chu khawvel hmun hran hran, hnam hran hran a mi te’n a mythology in zul tak tak an nei hian ngaihtuah erawh a ti thui ve deuh.