Aw Israel

Israel Prime Minister, Benjamin Netanyahu thusawi hi uluk takin lo chhiar ve la, Pathian ropui zia i hmuh tel ngei ka ring e
(Translated by Evan. K. Vanlalhlimpuia).

Benjamin Nethanyahu chuan ti hian a sawi a:

Kum 70 lek liam ta maiah khan keini Juda te chu Beram ang maia talh turin hruai kan ni țhin a!
> Kum 60 liamtaah te khan *ram nei lovin*, sipai pawh nei lovin kan la awm a
Arab ram pasarih țangrual te khan Juda ram tereuhte lakah khan indo an puang a, khatih hunlai kha Israel kha darkar reilote chauh *ram (country)* a la ni ve chauh a
> Juda mi 650 leh Arab ram zawng zawngte inbeihna a nih chu!!!
IDF (Israel Defense Army) pawh kan la nei lo. Thlawhna sipai pawh kan la nei lova, mi huaisen tlem te, kalna tur hmun dang nei chuanglo te chauh kan nei a nih kha
> Lebanon, Syria, Iraq, Jordan, Egypt, Libya, Saudi Arabia, an zavaiin vawilehkhatah min beihrawn thut a, chutihlai chuan United Nations in ram min pek ve chu 65% kha thlaler ramro mai a ni a, Israel kha awmlo ata awma din chawp mai a ni tak meuh a sin
> Kum 35 liamta ah khan Middle East a sipai chak ber ber pathum te nen kan indo leh a, mahse, ni 6 chhung lekin kan thianfai hneh hle a nih kha!
Arab ram țangrualte nen kan indo a, a hunlaia Soviet Union (tunhma a RUSSIA) ralthuam țha ber ber te leh sipai tunlai ber ber te nei mahse hnehna chu kan ta a ni reng a, tlawmni hmel kan hmu ngailo.
Vawiinah chuan hengte hi kan nei ta:
> Ram
> Sipai
> Thlawhna sipai chaktak
> Dollar maktaduai tam tak thawkchhuak thei economy ropui tak te
> Intel - Microsoft - ibm ten kan ramah ngei hna an thawk a
> Kan doctor tam tak ten an thiam bikna leh zirbingna avangin chawimawina nopui an dawm awl lova
> Thlaler ram ro kan parvul tir a, tunah chuan Serthlum, pangpar leh thlai chitinreng khawvel pumpuiah kan thawnchhuak reng ta
> Israel hian ama siam ngei boruak lawng pawh vanthengrengah kan kap chhuak ta hial a, chu pawh pakhat mai ni lo, pathum teh meuh mai țumkhatah lehnghal mawle!
Heng ram ropui tak tak
> Mihring 250 million chuang chenna USA
> Mhring 200 million chuang chenna RUSSIA
> Mihring 1.3 billion chuang chenna CHINA
> Europe ram ropui tak tak - France, Great Britain, Germany - mihring 350 million chuang chenna te nen hian intluk tlangin tukverh pakhatah kan dak ho za thei ta!!!
> Khawvel ram tam tak te zinga vanthengrenga hmanrua kapchhuak thei awmchhun te zingah kan tel bawk a
> Tin, Israel chu Nuclear nei ram, heng -
United States, Russia, China, India, France leh Great Britain te zinga mi kan lo ni ve ta bawk a (keimahni ngeiin kan nei ti ngai hauhlo mah ila mi zawng zawngin an hai si lo)
> Ngaihtuah teh u, kum 60 lek liamtaah khan ran ang maia talh turin hnawhdarh in kan awm a, zak ngawih ngawih leh beiseina reng reng nei lova siam in kan awm a
> Europe ram tlukchhiatna leh buaina chhum zing kha keimahni avanga reh thei a ni
> Engmahlo ațangin keimahni ngeiin indonaah hnehna kan lo chang tawh țhin
> He kan lal ram tereuhte hi engmahlo ațanga kan din chhuah a ni a sin
Hamas ho hi
> min ti hlau turin engnge an nih a?
> dawihzep ang maia min siam turin engnge an nih?
Kan nuih lam a za zawk a sin!
> Kalhlen kut kan lawm zo tawh a, heng hi a awmzia leh a nih phung i theihnghilh lovang u:
> Pharaoh lakah kan dam khawchhuak tawh a
> Greeks ho lakah damin kan chhuak tawh a
> Rom ho lakah pawh damin kan chhuak bawk a
> Spain lakah tihduhdahna fiahna rapthlak kan tuar tlang tawh a
> Russia ah mihring insuatna rapthlak lakah kan dam khawchhuak tawh bawk a
> Hitler a lakah damin kan chhuaka
> German ho lakah pawh kan ral hek lo
> Mihring halralna leh sàm meuh pawh kan paltlang tawh a
> Arab ram pasarihte lakah pawh kan dingchang zawk a
> Saddam Hussein a lakah kan dam chhuak bawk a
> Tunlai khawvela kan hmelma te ngei pawh hi kan la paltlang zel ang
Mihring hmakhawsang chanchin leh chanchin hlui dang reng reng hi ngaihtuah teh u, chutih hunlaia kan dinhmun te kha chhui kir rawh u. Juda mipuite u,
> Tun aia dinhmun țhaah hian kan la ding ngai lo, chuvangin, khawvel hi i hmachhawn ang u hmiang!
Hei hi hre reng ila:
> Eng hnam leh ram pawh, min tihchhiat vek tum tute kha he khawvelah hian hmuh tur leh hriat tur an awm ta lo
> Egypt?
> Greek?
> Macedonia a Alexander-a?
> Rom ho? (Latin țawng an la hmang reng em? )
> Nazi (Third Reich) ho te?
Mahse, keini hi min han en teh u!
> Bible ram ngei kha, Aigupta ho sal ni țhin kha, heta hi kan la awm reng e
Kan țawng pakhat kan la hmang tlang reng a, tunah hian Arab ho hian la hre lo mah se, PATHIAN chu a awm a, Amah ngei chu a ni tih an la hria ang.
Kan nihna diktak hi kan vawn nun chhung chuan chatuanin kan ral ngai lovang a, kan awm reng dawn a ni..!!!
Kan lungngaih ve ngailoh avang hian min hrethiam ula
> Kan țap ngai lova
> Kan hlau ngai hek lova
> Keimahniah chuan engkim a țha e, a la țha zual zel bawk ang
Engpawhnise,
> Chanchinbumite hi ring ringawt suh u,
> pawl lo la awm tur te, mi dam zel tur te, la rawn awm tur te leh chhuanthar rawn chhuak tur pawh engmah an hre lo
Ni e, kan thinlung ngaihtuahna hi a hniam a ni, a chhan chu mi tam tak ten kan thisen chhuak avanga hlim leh lawm taka tual an chai lai zawng zawng khan keini erawh chuan ka unau kal ta te sûn in ka țap a sin
Chuvangin a tawpah chuan hemi avang hian hnehna kan chang ngei dawn a ni. Israelte vengtu chu a muhil ve ngai si lo, Abrahama Pathian, Isaka Pathian, Jacoba Pathian, kan Pathian, YAHWEH ngei chu!!!
He thuchah hi khawvel pumpui a mi te hnenah puangdarh ula, kan chhungkaw pumpui hnenah thehdarh rawh u, anni chu kan chakna péng pakhat an ni si a..