Hmeichhe Fing & Mipa Fing - I

Hmeichhe Fing Leh Mipa Fing (Part - 1)

1. Hmeichhe fing chuan a pasal a zah em em a, mipa fing chuan a nupui a ngaihsak em em.

2. Hmeichhe fing chuan a pasal a fak țhin a, mipa fing chuan a nupui hlutzia a sawi țhin.

3. Hmeichhe fing chuan a pasal a tidawng ngai lo va, mipa fing chuan a nupui a tilui ngai lo.

4. Hmeichhe fing chuan a pasal tan chaw leh chawhmeh tui tak a siamsak țhin a, mipa fing chuan a nupui leh fanaute tan rinawm tak leh taima takin hna a thawk țhin.

5. Hmeichhe fing chuan a pasal hna thawk hawng thlahleh tih hriat takin a lo hmuak țhin a, mipa fing chuan hma taka in thlen a ngahkhlel em em țhin.

6. Hmeichhe fing chuan fate thianghlim takin a enkawl a, mipa fing chuan a nupui leh fanaute mamawh tihsak nachang a hre țhin.

7. Hmeichhe fing chuan a fate homework a tihpui țhin a, mipa fing chuan inchhung hna tihtur a zawng țhin.

8. Hmeichhe fing chuan a pasal a rawn der țhin a, mipa fing chuan an duh tihsak zel a remti țhin.

9. Hmeichhe fing chuan mi hnuaihnung leh neinungte a thliar lo va, ang khatin a dawr a, mipa fing chuan thudik chauh a țan țhin.

10. Hmeichhe fing chuan midang aiin a pasal a dah lal ber a, mipa fing pawhin a nupui chauh a rilruah a dah țhin.

11. Hmeichhe fing chuan a pasal thik tur engmah a ti lo va, mipa fing chuan a nupui a lersan ngai lo.

12. Hmeichhe fing chuan a pasal mamawh leitur a chiksak a, mipa fing chuan i mamawh lei hmasa zawk rawh a ti țhin.

13. Hmeichhe fing chuan a pasal duat a tum a, mipa fing chuan a nupui tan engmah tih hreh a nei lo.

14. Hmeichhe fing chuan sum khawl a thiam a, mipa fing chuan chhungkua ngelnghet tak din a tum țhin.

15. Hmeichhe fing chuan a lawm leh țahna zawng zawng a pasal chauh a hrilh a, mipa fing chuan a hriatthiampuiin a hnem țhin.

16. Hmeichhe fing chuan țawng tlem a chuh a, mipa fing chuan tlawm zawk nih a tum țhin.

17. Hmeichhe fing chuan mahni dinhmun mila inchei a thiam a, mipa fing chuan zahawm taka mi biangbiak a thiam.

18. Hmeichhe fing chuan hawihhawm a chuh țhin a, mipa fing chuan țanpui ngaite țanpui a inhuam țhin .

19. Hmeichhe fing chuan a pasal hriatpui vekin thil a ti a, mipa fing chuan khirhkhiap lutuk loh a tum țhin.

20. Hmeichhe fing chuan a pasal a titipui țhin a, mipa fing chuan ngun takin a lo ngaihthlaksak țhin.

By. Muana Joseph