INNEIHNA DANGDAI

INNEIHNA DANGDAI

Khawvela mi zawng zawngin kan suangtuah thin chu inneih ni hi a ni a. Mi tupawh mai hian inneihna chu damchhung daih a ni tiin a ropui thei ang berin kan buatsaih vek a. Chutah chuan a ropuina chu a neinung deuh leh a harsa deuh te chu kan inthlau deuh a ni mai a. Amaherawhchu, mahni theih ang tawk leh kan tlin dan a zirin a ropui thei ang ber chuan kan inbuatsaih theuh awm e.

1. Thawmhnaw ha lova inneihna : Ellie Barton leh Phil Hendicott te nupa chu Australia ram a mi an ni a, an inneihna chu a dangdai thei ang bera tih an duh avangin thawmhnaw engmah inbel loin an innei. Zungbun leh thil manto engmah an hmang lo a, saruak ngalngatin mi 250 hmaah an inneih thuthlung an chham a ni.  

2. Van sanga inneihna : Jeroen leh Sandra Kippers te nupa pawh dangdai taka inneih an duh avangin van boruak sangah an innei a, Fit 160 a sangah an innei a, pound 25000 lai an seng nia sawi a ni.  

3. Khawvel huap pawha langsar nia sawi China rama awm, Kunchu khawpui a cheng chuan a mo kawr a duh fual/sei em a vangin khawvelin a hriat a ni a. A mo kawr hi fit656 a fual/sei a ni a, poun220 tluk laia rit niin an sawi. A mo kawr hmingah chuan thlawhtheihna mo kawr tiin an sawi hial a ni.

4. Pheikhawk dawra inneihna : America ram Drew Elis leh Satayut te inkawp chu T. J Max pheikhawk dawrah an innei. Heta an inneih chhan chu ‘mo’in a dil vang a ni a. He dawr a thlan nachhan chu he dawr atang hian chhinchhiahna tam tak a neih tawh vang niin an sawi.  

5. Rose Par nena inneihna : China rama nupa kawpchawi pakhat chu rose par hmangin inneihna an cheibawl a, an pangpar hman zat hi 99999 niin an sawi. An inneihnaah hian car 30 an hmang a, chu an car hman chu rose par chuan chei chhuak vekin a lai takah inneihna an buatsaih a ni. An inneihna a an hman pangpar man zat chu moneitu kumkhat hlawh man zat hu niin an sawi bawk.  

6. Zûn ngai chunga inneihna : He inneihna a kal khawm zawng zawngte hi tu mah rilru nuam tak a awm an awm lo niin an sawi. England ram a cheng Kevin Lavelle leh Michelle Thomas chu inneih hmain rei tawk fang an cheng dun(living together) a, fa pawh pahnih ngawt an nei hman a ni. An inneihna senso tur chu an pahnih chuan pawisa an khawl char char a, amaherawhchu, vanduaithlak tak maiin Kevin chu a hnathawhnaah misualin an vaw hlum hlau mai a. Zato a inah an phum hma chiahin inneih hunserh an hmang.