MAHNI BAN (arm) SIAM

BAN LEH LAM PIANGSUAL CHUAN A KUT HMAN TUR A SIAM CHHUAK

Source : Legit Peeps

A kut/ban leh lam ah harsatna tawk mahse he tleirawl hian a kut lamin a harsatna a tawh chu thil thar gaihtuah chhuahna atana hmangin amah mai bakah midang amah ang tho va kut/ban lama harsatna tawk piangsual te tan thil thar a rawn siam chhuak. He rawlthar kum 18 chauha upa David Aguilar hi a hma hun a ngaihtuahawm loh hle a ni.

Europe ram a Andorra a khawsa an ni a, a kut/ban dinglam chu piangsual in a kut veilam chauh a lo hmang thei. Mahse he rawlthar danglam tak mai hian ama hman turin ban Lego Blocks a lo in siamchawp.

David Aguilar hian Video siamin DIY Prosthesis chu a lo hmang a, amah hian sawifiah in he a thil siamchhuah hi ama tan mai bakah amah ang thova ban/kut lama harsatna tawk te tan thil țangkai tak a nih ngei a beisei. A thil siamchhuah hian kut panngaia thil a la kang thei ang hian a la kangin a dahthla thei a,a khauh țha em em a a thil man/hum reng reng chu a man nghet chat chat hle bawk a ni. Amah David Aguilar hi High School ah Technology lam a lo zir țhin. IT leh Robotics lam chu a chemkalna zawng a ni a, Aeronautical Engineer nih ngei a lo tum hle bawk.