THEIR LAST WORDS

AN THU SAWI HNUHNUNG-TE (THEIR LAST WORDS):

Alexander Ropuia chuan amah an vuinaa an tih dan tur hetiang hian thupek a chhuah:

Thlanmuala phum tura ka ruang in zawn hunah chuan ka kut hi kut tuamna puanin in rawn tuam tur a ni lova, a hmu apiangin kut ruakin thlan ka pan tih hi an rawn hre vek tur a ni, tiin.

Hudson Taylor-a chu thih hmabak leh chau takin a awm a, a thianpa hnenah he ti hian lehkha a thawn-“Ka taksa a chak tawh lo em avangin tawngtai pawh ka tawngtai hlei thei ta lo. Nimahsela nu malchunga nausen tui taka a mu ang maiin Pathian kut chak rinchhanin hahdam takin ka mu ringawt mai a ni,” tiin.

Tertullian-a chuan “Thihna hi rangkachak tawlailir, Pathian awmna hmuna min phur thlengtu tur chu a ni e” tiin.

John Wesley kha a thianpain, “Naktuk zan zanlaiah I thi ngei dawn tih hre chiang ta la, I thih hma hun chu engtin nge i hman ang? tiin a zawt a. Ani chuan, “Tuna ka hun hman dan tur ang chiah hian ka hmang ang. Zaninah Glouchester hmunah thu ka hril ang a, naktukah chuan hma takah ka tho anga, chawhnu lama ka thusawina tur Tewkesbury ka pan ang; tlai lamah Martin-a te chhungkuain anmahni tlawh tura min beisei avangin ka tlawh haw nghal ang a, Martin-a titipuiin an chhungkaw tawngtaina ka hmanpui ang. Chuta tanga in ka thleng leh chu Pathian kutah ka inhlan leh mai anga, tui takin ka mu anga, zingah chuan van ramah ka harh hlawl tawh mai dawn a ni,” tiin a chhang.

D.L Moody-a chu khawthlang lama a rawngbawlna hmunah thih hlauhawm khawpa natna a tawrh thut avangin Massachusetts-a an inah a haw a ngai a. A fapa hnenah heti hian a sawi, “Lei a ral riai riai a, ka hmaah van kawngka a iinhawng ta! Hei hi maw thihna an tih chu, a va nuam ngai ve le! Lui kawr ruam a awm lova, Pathianin min kohnaah khian ka kal ngei dawn e. Chawimawina ka dawn ni tur hi a va han ropui tak em !”