Thenzawl Puan

Thenzawl Puantah tu te Puan tah chhuah  man Kum chanve chhungin 10,80,33,600 a tling.

Thenzawl,6 Feb. 2018 (Thawhlehni):

Thenzawl khua Puantah tu ten July atanga December 2017 chhung khan Puan tah chhuah atanga an sum lei chhuah Cheng Vaibelchhe sawm leh Nuai Sawmriat leh Singthum Sangthum leh Zaruk a tling.
Tun hnai a Industries Department (Handloom) Thenzawl in Puantahtu te dinhmun a zir chianna July  to  December 2017 Survey a neih zawh takah Thenzawl khua ah Puantahkhawl  2003 awmin chung zinga  1758 chu Puantah tu 1847 ten Puantah nan an hmang mek a ni. Zawlbuk Aw zawhna chhangin Pu PC Zaliana EO (H) Thenzawl chuan 2016 ah Thenzawl ah Puantahkhawl 1500 awmin, 2017 chhungin NLUP a Puantah thlangtu te leh Traning thar te hnenah Puantah khawl enge maw zat pek an ni a, chumi bakah mahni a puantah Khawl ngaihtuah belh an awm avangin puantah khawl leh tahtu an pung chho a, July to December 2017 chhung khan Puanbih chi 71352 an tah chhuak a, kum hmasa lam aiin Puantah khawl leh Puan tahtu tamin, tah chhuah zat punna tam viau in lang mah se, Puan hralhna Rate a tlak hniam avangin Puan hralhna sum hi kum hmasa lam aiin a punna a sang tam lo a ni a ti.
Thenzawl ah hian Puantah tu ten puan an tah mial mial laiin, Puan tah tur bangtu Puan ban na khawl hi 16 vel awm in, Puan ban sa lo thil tu ei zawn nan a hmang leh Puan ban tur La hlum tu hi thahnem tak an awm mek a, Puantah sa zuar chhuak a eizawn nan a hmang hi mi thahnem tak an awm mek bawk.