7th Pay Commission pe dawn

2018-19 chhungin sorkar hnathawkte 7th pay pek an ni dawn : Finance Minister

* Kum 1 a sum sen belh tur Rs.vbc 563.24

Finance Minister Lalsawta chuan, kum 2018-2019 chhungin sorkar hnathawkte 7th pay pek tum a nih thu sawiin, 7th pay commission Recommendation anga sum sen belh ngai tur zat chu kum khatah Rs 5,63,24,89,152/- a nih thu House a hrilh.

March ni 28 a Assembly Budget Session zawhna leh chhan -na hun ah MLA 5, K Sangthuama, TT. Zothansanga, Lalthanliana, Dr. K. Beichhua leh Lalruatkima te zawhna intawm chhangin Finance Minster chuan, sorkar hnthawkte hlawh 7th pay hmang turin a zir chiang tur 13.11.2017 ah din a ni tih sawiin, Chairman ah H. Lian -sailova, Vice Chairman, State Planning Board, Member Secretary ah Vanlal Chhuanga, Secretary, Taxation, Member atan KS. Thanga, Mininister of State, Agriculture etc., Lalthansanga, Secretary, Finance (Rtd) te an nih thu a sawi.

Finance Department in Pay Revision atana rawtna a siam chu Council of Ministers Meeting ni 25.10.2017 a neih in a zir chiangtu Committee din nise a tih angin Pay Committee chu November 13, 2017 khan sorkarin a din tih Finance Minister chuan sawi bawkin, he Committee hian a zir mek a, thla 6 chhungin report an thehlut dawn thu leh chuta tang chuan Cabinetin thutlukna ala siam tur thu te, thla ruk a ral hma pawh aan report hi an thehluh rin a nih thu te Finance Minister Lalsawta chuan a sawi.

Member te zawhna chha -ngin Lalsawta chuan 7th pay Commission Recommendation tihhlawh -tling tura kum khata sem sen belh ngai zat chu Rs 5,63,24,89,152/- a nih thu leh thla khat a sum sen belh ngai zat tur chu Rs 46,93,74,096/- a nih thu a sawi bawk.

Champhai North bialtu MLA TT. Zothansanga zawhbelhna chhangin, sorkar hnathawkte hlawhbi thar chu Mizoram ah chuan congress sorkarin a tihlawhtling thin tih Finance Minister chuan a sawi a, central sorkar hnathawkte hlawhbi thar tur pay commission in kum 1996 a a duan chu kum 3 na 1999 ah Mizoram ah hman a ni tih sawiin, a hnu kum 2006 a sorkar hnathawkte hlawhbi thar pawh congress sorkar hnu 2009 a hman a nih thu leh kum 2016, January thla a sorkar hnathawkte hlawhbi thar 7th Pay commission in a duan pawh kum 3 ral hma hretin kan hmang ve thei dawn tihna a ni a ti bawk.