BERMUDA TRIANGLE - 5

SOURCE----THLENGTHLAWKTHEI LEH ARSI DANG MITE BY P.C BIAKSIAMA

            Bermuda Triangle--lawng leh thlawhtheihna 100 chuang lai,,mi chuang 1000 zet an chinchang chhui tur pawh awm lova an bo duakna hmun----tuipui hràng tak mai chu!!!

        December 5, 1945 chawhnu dar 2 a ri chiah a. America khawmualpui vaukam chhak lam, Florida state a an khawpui pakhat, Fort Lauderdale thlawhna tumhmun atang chuan thlawhtheihna chak chak chi Navo Grumman TMB--3 Avenger panga rual chu an tihdan pangngai in an thlawkchhuak dawn a. Mahse, an thlawhchhuah atanga rei lo teah chinchang chhui theih lohvin an bo ta mai a ni..

          Heng thlawhna panga te hi Pilot Officer pakhat zel leh Training lai pakhat zel awmtur a ruahman nimahse, hemi ni hian mipakhat a an kim loh vangin pakua an ni a, Lt.Charles Taylor--a, darkar 2500 lai thlawhna lo khalh tawh chuan a command a, midangte pawh experience nei tha, thlawhna khalh thiam thlan thalh  an ni.

            Darkar khat an thlawh hnu dar 3:15pm--ah beisei lawk hauhloh thil thleng mak tak a awm ta. Thuthmun atanga lo control-tu(Control Tower)chuan commander Taylor-a hlauthawng aw an hre ta mai a:

        Taylor-Manganna kan tawk thut mai. Kawng kan bo a ni awm e. Khawmual kan hmu thei lo. Khawmual kan hmu thei lo.
  
        Tower---Khawiah nge in awm?

        Taylor-Kan awmna chin kan hre lo.Khawiah nge kan awm pawh kan hre lo....kan bo a ni ringawt mai.

        Tower-Thlang lamah thlawk rawh u.

              Chutah, Senior Flight Instructor chuan Fort Lauderdale pan turin hmar lama thlawk turin a hrilh vat a, mahse an inbiak dan atangin an bo thuk tawlh tawlh tih chu a chiang reng a.

             Tumhmuna inbiakna khawl chak tak chuan Pilot ho inbiak tawn dan chu a la man nawk nawk zel a. Mahse, anni inbiakna hi chuan a rawn man pha tawh lo. Heng mibote zawng chhuak tur hian thlawhna chak chi Martin Mariner an tih chu mi chuang 13 nen an tir chhuak ta a.

            Heng a zawng chhuak tura an tirh Martin Mariner thlawhna lian leh a chhunga chuang mi 13 te pawh chu chinchang hriatzui tur awm leh chuang lovin an bo zui ve leh ta mai a, an buai ta nuaih nuaih mai a ni.

              Khuain a thim hnan tak si avangin zawng chhuak tura intirh leh ngaihna khua kaw tawh heklo. A tuk zing khawvar veleh lawng leh thlawhna rualin an zawng ta huai huai mai. Thlawhtheihna ringawt pawh 240 lai an ni a, chubakah thlawhna phur chi lawng lian (aircraft carrier) Solomons atangin thlawhna 67 lai an tir chhuak bawk a, indo lawng leh tuihnuai lawng te chi tinreng, mi mal thlawhna leh lawng rual za eng emaw zat bakah, Air Force leh Navy Unit lam te pawh an awm bawk.

                Khawvar atanga thim thlengin nitin vawi 167 zel thlawk chhuakin tui chung ft.300 leka sangah,khawmual leh tuipui chung Sq.Miles 380000 a zau uluk em emin an dap a. Thlawhna ringawt pawhin darkar 4100( ni 170 ) chuang an zawng a ni; thlawhna chhe bung hrangte emaw, tuia Petrol bua, tle nir niar ang chi te leh thawmhnaw dang tuia lang thei chi reng reng hmuh tur a awmlo a ni.