FIMKHUR NAN

               ~ℳaruata Vanchengpui

Tunlai social network hi a buaithlak khawp mai. Hman fimkhur a ngai tak zet a ni.

Facebook a thil post hi a paih theih tawh miah lova. Delete eng ang mah ila, server ah a in save tlat tho a. Police verification nen emaw court thupekin download leh vek theih a ni a. Pawisawina thil post palh hlauhawm tak a ni.

Whatsapp a post pawh hi mahniin a delete theih a, chu chu Whatsapp pangngai aṭang chuan an hmu lo nghal ve mai bawk a. Mahse whatsapp mod(khawih danglam) hmang te ah chuan an lo clear loh chuan a lang reng mai a ni. Delete/revoke emaw kan tih hi a bo chuang lo. Admin pawhin an paih thei si lo. Ka hmanlai ah pawh hian post ka hmuh tawh chu a post tuin a delete pawhin a lang reng tho.
     Hei vang hian mi pawisawi tam takin buaina an tawk a. Fimkhur a ṭul tho mai.

Telegram ah chuan a edit theih thung a, a delete theih bawk a, a ziaawm deuh. Mahse a post an lo copy emaw a post tu hming nena an lo forward zeuh emaw anmahni cloud ah an save hlauh chuan a va khawih zui theih lova, a buaithlak leh tho tho.

Hei vang hian thudiklo emaw, mi pawisawina emaw ang chi reng reng hi chu fimkhur taka post a ngai.
             -----------
Tin, thil dang deuh : -
Memory card leh computer disk (hard disk etc) hi a siamtu ten an siam danglam em em a. Thil delete hi a bo miah lo.
  Kan delete hian a file kha paih lovin a file zu zawmtu ber leh a awmna address tarlangtu tak kha a paihbo ta daih a. Tichuan a file chu a lenzawng leh awmna address kha khawlin a hre ta lova, a ruak angin a lang ta ringawt ṭhin a ni.
   Hei vang hian Memory or phone siamtirna aṭangin mi video leh file pawimawh putru a awm phah ta ṭhin a ni. Chuvangin mahni thlalak sexy leh sex video ang chi neih hi a him lo hle.

   A nihna tak sawi chuan a sei lutuk dawn a, heti hian fimkhur a ṭulzia kan hrethiam theiin ka ring.