KA CHET HIT NA-TE

Ka inleng neih hmasak ber zan

Kum 14 ka nih lai ani a, inleng nei ngai heklo, zantin mai hian ka țhiante ka hruaikhawm a (mipa naupang vek an ni) kan in lungvawr a nuam kan ti țhin hle.
Zankhat chu ka hringnuna avawikhat nan inleng ka nei ve ta lawm.
Chhuata ka kit te nen kan lo in lungvawr laih laih laichuan kawngkhar arawn kik ri dat dat a 'lo lut' ka ti sam et a, beisei loh lutukin tlangval rual țhah mi 13 lai mai an rawn lut rual a, mak ti tak mai chuan ka en a.
   'Enge in duh a, ka nu leh pa te an awm lo a'
    'I nu leh pa te kan rawn kal chhan lo, nangmah kan rawn rim dawn che'

Ka phawklek nghal a, chhuatlaiah chuan ka lo țhu kar vei suah bawk sia,  ka kit te ho in tifing lutuk lah chuan
'khi inleng inei a, han kawm ta mai che' an lo ti vel a, taplamah chuan ka țhu chho ve a, ka zah zia mai chu e, avawikhatna anih mai bakah an tam lulai em ani. Pathum vel te chu nise ka zah anep deuh tur.
Ka chhungril chu akhur der der a, khawsikpuiin min nuai ani ber mai. Chhungrila khur zawih zawih e tilo chuan Pawnlamah thlan tuiin min bual a, pawnlam asa hut hut a, chhunglamah ka khur thung si. Chaicheh hian tap chu ka hawlh sek mai a, ka hawlh phut vek hnu pawn tumah ka be lo. Veng chunglam tlangval vek niin vawikhat pawh ka biak ngailoh vek an ni. An zinga pathum phei chu mikhual an ni nghe nghe a, zah avan na si em. An zinga pakhat chuan
  'Vawin lam te enge in thawh a? te min ti ve em em la' arawn ti phawng mai a.
  'Ani dawn tak e, vawin lam te enge in thawh a? Ka han ti ve mai bawk a.
A indawt te te in an hnathawh an sawi a, ka zak lutuk khan han biak leh dan tur ka hre tawh silo. Ka ngawi tlawk tlawk a, mahni inchhunga jail tang te pawh ka Ang riau in ka hria a. Thingpui an lumsak țhin tih ka hrechhuak thut a, kan lumsak hlawm mai chu an lo duh hlawm khawp mai. Țawng tur hrelo chhuanlam atan ațha bawk a, ka lum ta chhen mai ani. Dar 10 arik meuh chuan thingpui no 17 țheuh an in tawh a, an in zun chhawk laih laih mai. Haw dawnah an zinga pakhat in
'Ano 18 nan ka lo in leh irem ti em?'
Ahan ti mai chu an nui dur dur a, zah tawh nen chuan avuma ka thlit sak tak kha. An haw ta chu mitmim lak ang huai ani e.
Atuk zanah an zinga sa chhe ber amah chauh in arawn leng a, kan chhunkaw kim țhepțhawp lai ani bawk a tiin nizan lam phuba ka la e ka tia, ka han țawng tak tak mai a, nizan nen kha chuan danglam min ti hle in la hria. Kan tappui chaicheh a ka sawhphut vek kha ka pa in alo siam țha vek a, chu pa chuan nui deuh sung chungin a en vung vung ringawt.
Ka țawng ahne deuh aniang e, zan dar 9 velah haw atum ta mai a, kawngkhar thleng ka va thlah a, ka bengbulah zawi te in he thu hi asawi a.
'Zanin chu ițawng duh buan buan hle mai, naktuk zanah ka țhian sawm leh pahnih te kha hruai in ka rawn kal leh ang '
Ka zam ru nghal khawp mai a. Mahse kan țhenawmah mithi a awm a, alumen angaih vangin an rawn leng ta lova, ka lawm zia mai chu.

  ☆Keimah vangin ka U te țhian ho in kut an tuar.☆
Hunrei tak ka damlo a, ka rawn damchhuak leh chu damkawr tihtakah tawrhhlelhawm khawpin ka vir a, ka țhiannu nen chauha kan awmlaiin ka U te țhian ho zu in turin kan inhnuai ka u ten an luah ah chuan dawhkan an țhut bial laih mai a, an ka U leh ka laizawnnu pasal leh an țhiante pathum nen an vaiin mi panga an ni. An sehhmeh tur badam rim rawn nam veng veng chuan ka hnar averh hle. Ka chhuk thla vat a,
'U in badam kha min lo pe teh u'
ka U pasal chuan 'ngailo ivir dedu lutuk chho vat mai teh' alo ti vin hlar a, ka nuța chuan 'pe mai angu, damkawr ani sia' alo ti damdiai a, avain ka la vek a. An țhianpa pakhat chu atho lawk a, an in ami thingthupui chhum tamzet mai arawn la hluai a, arawn thlen rual in ka zuk dil leh.
'Thingthupui ka ei châk e, khawgaih takin' Ka sawi zawh hma in kan mâkpa in min lo chhawn
'theihnghilh rawh, badam kan pek tawh Che kha, kan pe tawh nguar angce'
'min pek loh chuan ka nu hnenah in zu in hi ka sawi dawn' tih leh kan țhenawma leng mek ka nu chu zuk au leng leng ka rual a. Ka U chuan 'ipe leh mai ang u, damkawr ani bawk sia,
athleng chawpin ka țhiannu in min zuk chawisak a, ka U chu atho vut a, kan kawmchhaka khawnghu chang tawh lampang chu ahan phihthla nawk nawk a, ațhian te chuan 'khanghu han sehhmeh tawp mai tur chuh' tiin an nui dar dar. Inhnuai aluhthlak hma chiah in 'U khanghu ka ei châk' kan mâkpa in 'zawngi iva ninawm ve, kan pe tawh dawnlo che'
țhenawm a ka nu leng ka va au leh, ka nu lah chuan alo eih lauh mai si. Ka U hlau lutuk chuan  'ih adamkawr a, hihi' tih pahin min rawn pe leh. An țhianpa chuan thawmdim te in bahkhawr ava sik leh nuap nuap a, ka hmu lo emaw tiin asil ri vei sar sar a, 'U bahkhawr ka ei châk' k ti. kan mâkpa thinrim lutuk chuan an zu tlawnkhat leh achanve la awm leh ama no a thlitsa chu ala lawk a, akal nel nel. Ka U chuan bahkhawr  chu min rawn pe leh vek a, kan mâkpa chu an zui nghal a, tlaiah kawr țet hnuangin an rawn inkuah haw ta hlawm a, an ngal te an hnung te chu aduk thlehthluah mai a. Achhan ka zawh chuan, kan inhnuai ațanga an kal tau kha zu do pawlin an lo man a, an lo vaw hrep a, Cheng 300 țheuh chawi turin an lo ti bawk a, ka in thiamlo ru takzet ani.

☆Chawhmeh ka zuar.☆
Ka nulat uaih tawh hnuah ka țhiannu nen aizawlah in kan luah a, chawhmeh zuar ve ila kan tia lawm. Khawvar hma in bazarpui kan thleng a, chawhmeh phurhna tur em pawh kan nei silo, ipte puiin kan pai puar luah mai a. Zobawk veng lamah kan va zuar a, kan hralh thei phian a. Kan kal hrang a, ahralh zo hmasa zawkah ka țang char char. Mahse nikhat chu bekang kan zuar tel ta a, ka țhiannu chuan bekang chu ahralh zo vat a, kei erawh in fun khat mah ka la hralh velo. Ka țhiannu chuan mak ati em em a, achhan kan han sawidun chuan hei vang hi alo nia. Alei tutur ten nagmahni um em ni? Tih zawhna min lo zawh apiangin ka țhiannu chuan
'aw nie keimahni um ngei ani e' tiin achhang zel a, kei chuan chutiang nachang reng ka lo hre lo. Bazar ami kan lak thu in ka lo chhang zel a, ka țhiannu thinrim lutukin ala lawk a ava hralh zo nghal vek. Tukkhat chu 'chawhmeh in lei duh em? Zuk tih mai ka tum a, mahse areh vei țhiap sia, bang awng a ka zuk bih nak chuan, awi ka rei khumah an lo in kreins lai ka zuk hmu a, țhut hmun ka siam țha sauh sauh a, ka bih ta tlek tlek mai le. Ka kekawr te hi ka kekawr kawng chungah alo lawrchhuak tut hi ania, hnunglam ațang chuan ui note hian ka kekawrte tlang chu alo seh a, ka kut bekang rimnam a ka khawih vang khan a uih ani maithei. Ka ben chuan arak vak anga, inchhunga ka movie en lai ami changtunu leh changtupa ten an hriat ka hlau a, ka movie en atawp thut hlau chuan ka tuar tlawk tlawk a, ui te lah chuan ka kekawrte tlang chu apet fan ang dawr dawr a. Ka ke ah thosi in min rawn seh a, hiat tur a ka zuk kun chuan inhnuaia mipa naupang ka zuk hmu a, kei chauh in mi ka bihthla emaw ka tia, ka hresual Chiang ngei mai. Chu mipa naupang chuan ka kekawr kapțet ațang a kekawrte hlui lampang chu alo bihthla ve reng hi ania, ka van ding rang tehkher em. Ka țhiannu arawn thleng phei ve chiah bawk a, ka kekawrte tlang seh tu uite lah chu ka din rualin a kang ve nel nel mai si. Apui in min rawn ngur chher chher a, ka kaiza zawnah chuan a uai zar mai le. Ka țhiannu chuan rawn lakthlak mai atum a, rin ai alo har. Aha karah ka kekawrte tlang țet kha atang tlat sia, uite a chik ngher ngher chuan uipui alo thinrim zel bawk sia. Ka țhiannu thinrim lutuk in 'em em ache, ikekawrte leh akawng hi a inzawm reng reng lo. Țhui țhat ve tur Che lawm' ati hlaih hlaih a, mi neihchhun ve te Ka ti zawi sap a. Uite alakthlak hnu chuan ui pui chuan min melh rum khawp mai a,
1 2 3 kan chhiar a, mei kawhin kan han tlan phei mai a. Ui an rawn fuankhawm emaw tih mai tur hian min rawn um tu an pung a, min um pha teuh ngei mai. Mahindra motor alo ding a, chuta mipa awm chuan kan banah alo pawt a, ui ho awm chhung chuan chu motor ah chuan kan awm a, ka țhiannu chuan 'awi he vai pa han fel zia hi, vai chunga ka lawm ber țum ala ni ngei ang' ati ru ser ser a, chu pa thinrim lutuk chuan 'hmeli, ka hang vang hian vai min ti khanglang suh, hrahsel tlangval ngat ka nih hi, ka motor ațang hian chhuk nghal ru' atia, ka va zak si em. Kan haw phei a, ekchhuak lutuk chuan toilet lam ka pan a, engto lem nei lovin kan E per per mai a. Kan ekin thlanga naupang ho chuan bang awng ah min rawn bihthla a, hnunglam ațang ania ka hmel an hmu theilo hlauh a,
'Awi khipui Omawitei a E, a ektum len zia khi, hahahaha amawng avan hlui em em' an tih lai chuan mawitei emaw min tih vang chuan ka lawm kher mai.
Mahse vanduai thlak takin mawitei arawn kal a, naupang ho chuan 'ahh Omawitei chu hei, Olily zawk anih dawn hi' an tih chuan k thin arim khawp mai a.
'Lily ka nilo, mawitei ka nih hi' ka tia. Chutah ring mangkheng in mawitei chuan
'Hahahaha Lily i ektum han rapthlak zia kha, hrawl tawp' arawn tia, min bihthla ve tih hai rual anilo. Mahse bul ka țan tawh chu atawp ka thleng ang ka tia, E lui țalh mawle.