ROM MITE INKHENBEH DAN

~B Chhuana

(I KOR 1:18)

Kros-a inkhen beh hi Phoiniki mite tih chhuah ni a sawi a ni a,an ni hian inhrem nan thala kahhlum te,Tel so a inthlak te, Lunga den hlum te,hrawka reh hlum te,Tuia hnim te,lnhal hlum te anhmang ber a,,Amaherawh chu hetianga inhremna hian mi anthi hma lutukin an hria a,,chuvangin muang changa an thih dan tur ngaihtuahin Kros a lnkhen beh hi anti chhuak ta a ni.Phoiniki mite atangin persian hoin anla chhawnga,Persian hnen atangin Greek hoin anla chhawng ve leh a,chumi hnuah Carthage a cheng ten anla chhawng leh a ,Ti chuan Rom hoin Carthege atangin ala chhawng ve leh ta a ni.

Rom ho hian mi nazawng krosah ankhengbet lova,Sal tlan chhuak te,mi pawikhawih liante, Lawng suam hmangte, Ram hmelma te,Ram phatsan tute, suamhmangte ankhengbet ber thin,Thihna tlawm thlak leh zahthlak berah an ngai,Rom mi nihna neite chu ankhengbet vak ngai lo thung,a aiah alu antan sak zawk thin,Rom mi nihna nei an khenbeh pawhin phiarrukna rapthlak taka tel te ankhengbet tlangpui.

Rom ho hnuaia inkhenbehna rapthlak bera ansawite chu Seveli war iii tuma mi leh Jerusalem tih chhiat tuma mite an ni,Hetah hian mi 6000 zet khenbeh an ni, Appia kawngpui Kapua atangin Rom khaw inkarah ankhengbet tlarput mai ani,AD 70 a Judate Rom sorkar lakah ahel a,Jerusalem antih chhiat tum pawh khan Juda hel anman te chu Jerusalem kulhbang nghengin ankhenbet chiam bawk,Isua pian lai Lal Heroda thih lawk hnu pawh khan Suria ram Governor Vurus a chuan Juda 2000 zet krosah ankhengbet bawk,hei hi lsua kum 11 anih lai vel a ni,

Heng lo pawh sawi tur tam tak ala awm,Rom ho hian misual ankhenbeh dawn reng rengin nasa takin ansawisa phawt thin a,thisen tam tak chhuakin an vaw thin bawk,chumi hnuah kros ansiam a,chutah chuan ankhengbet nghal thin.aban tur hi an phunsa tlangpui a,akhamphei tur kha akhenbehna hmun thlengin aputtir leh thin,saruak vekin engmah ha lovin ankhengbet thin.

Kros rih zawng hi kg 135 vel ani tlangpui a ,akhamphei tur anput tir hi kg40-60 vel a rit a ni tlangpui bawk.Kros a mi ankhenbehte an thih lawk ngai loh avangin Nikhatte ni hnihte an awm thin a,anchau hlum thin, Mulukawlh ten antlan huai huai a athen chu an eizo thin.
Lal lsua kha Juda sakhua hruaitute leh mipui ten Krosah khengbet rawh tiin au mahse Krosa khenbeh hi Juda te inhrem dan a ni ngai lo,Juda danah chuan misual tihhlum nan thil chi li chauh anhmang thin a, Lunga denhlum,Hal hlum,Lutan,Reh hlum te an ni,Tin juda ngaihdan chuan thinga khaikan reng reng chu anchhedawng anti a,Pathian sawichhetute milem betute chu thingah ankhai kang thin,Thinga khaikan chu Leiah pawh nungtlak lo,vanah pawh nungtlak lo an nih avangin Lei si silovin Lei leh van inkar ah ankhaikang thin, hetiang hi anchhedawng an ti.

Hetiang hi rom ho ngaihdan ani bawk,
Ti chuan kros a khenbeh hi khawpui pawn hmun ualau laiah mipui tam tak kal velin anhmuh theihna tur in ankhengbet thin,mipa anih chuan anhmalam pholang zawngin ankhengbet a,hmeichhia anih chuan hnunglam pholang zawngin ankhengbet thung,Krosa ankhenbehte chu leiah akut leh lam lehlam perekin ankilhbet hmasaphawt a, chumi hnuah chuan aban phunsaah  akhamphei innghah turah annghat leh a,chumi hnuah an ngal ve ve ah emaw anke artui bul hnaiah emaw perekin ankilh bet leh thin.Lal lsua kha ahunlai in Rom sorkarin Judai ram zawng zawng a awp vek avangin Rom ho inkhenbeh dan a khenbeh a ni.Tin kros a inkhenbeh hi Constantine -a Rom ram kristian rama siamtu khan apianthar hnuah rapthlak atih em avangin kum AD337 ah kros a inkhenbeh hi ati tawp ta a ni.Kros chu boral mek te tan chuan atna,Chhandam mekte tan chuan Pathian thiltih theihna a ni. (Kor 1:18)