Thin-Ei a

Liver Eating Johnson

(Johnson Mihring Thineia)

American Wild West chanchinah hian mihring rorum leh pawisak neilo leh hmingthang tamtak an awm a, mahse he mihring tluka huaisar leh rapthlak hi chu an tamlo khawp angle.

Liver Eating Johnsona hi John Jeremiah Garrison Johnson tih hmingpuin kum 1824, January 21 khan alo piang a. Amah hi America ram daidar hmasatu, Mountain Men antih mai thinho, sapel leh thangkama ramsa vun lipa hralh chhawng leh thinho zinga mi a ni.

Atir tak chuan Mexican-American War laikhan naupangtein lawng sipaiah atang a, mahse officer pakhat nen an intihbuai na ah natakin kut a thlak a, hremna pumpelh turin a tlanbo ta a ni.

Amah hi palianpui mai, feet 6 leh inches 2 a sang, pound 260(kg 120) a rit, thau chhia awm miahloa fiat leh fuat hlira khat, sek phiar tlat mai a ni. Khatih hunlai khan mingo tlemte bak America ramah khan an la awmlo va, ramngaw pik tak tak, ramsa hlauhawm pui pui leh Red Indian hnam kawlhsen tak takho tualchaina hmun ala ni a, mi huaisen leh hlauh neilotak mi tanlo chuan han khawsak na chi a ni lo.

Mountain Men-ho kha khatih hunlaia America ram a lo awm hmasa Indianho nen khan inngeih fahranlo mah se, an dam khawchhuahnan an inmamawh tawn em avangin an inchenpawlh nasa ve viau thin a, nupui pasalah pawh an inneih pawlh nual reng a ni.

Johnsona pawh hian nupui atan Flathead Indianho hnam ami nupuiah a nei a, mahse thla 7 chauh anla innei hman tihin Crow Indian hoin a nupui railai lehnghal chu an thahsak ta hlauh mai a. Mimal phuba lakna rapthlakber mai, America ramin ala hmuh ngai reng rengloh phuba lakna chu alo intan ta a ni.

Hemi ni atang hian Crow Indianho lakah chuan indo a puang a, a phil ta nghauh nghauh mai a. A nupui railai an thahsak chu a thinrim bawk aniang; heng Crow pasaltha ho a thahte luvun laksak mai chu duhtawk loin an thin a eisakta thin a!Crow hnamhote ngaihdanah chuan an thin tello chuan mithhi khuaah thlamuang in an chawlthei ngai dawn lovin an ngai a, chuvang renga eisak thin pawh chu a ni.

Amah hi silaikah thiamtak leh chemte, hreite leh hriamhrei tinreng hmangthiam lutuk mai leh awihawmloh khawpa chak a ni bawk a, hun reilote chhungin Crow Indian hnamho tihkhai leh hlauh a lo ni ta thuai mai a ni.

Johnsona damchhung chuan tumah reng an him dawnlo a ni tih hriain, Crow Indian lalpa chuan pasaltha huaisenbik 20 rual chu that turin a tir a, mahse an hlawh- chham mai niloin; tumah damin an rawn kir lova, Johnsona chuan an thin alo eisak vek mai a ni.

Kum engemawzat Crow Indian ho laka a mimal indona chu a chhunzawm zel a, mi 300 vel zet a thah hnu chuan thlasik vawikhat chu a vanduai ve ta hlauh mai le.

A nupuia hnampui Flat Indianho hnena a kaltur chu Blackfoot Indian hoin anlo lambun ta thut mai a, mahse a vanneih a siamin heng Blackfoot ho hian that mai lovin Crow Indianho hnenah man tam tak a hralh an tum ta zawk a.

Tichuan Johnsona chu  puaninah an phuarhlawm ta ran mai a ni. Thil engemaw a tih thuai loh chuan Crow Indian ho hnena an hralh hunah chuan nghaisakna rapthlaktak tuara thih mai a hmabak a ni tih hriain engtin tin emaw an phuarna atang chuan a talchhuak a, amah vengtu chu a inrinloh laiin a hnekthlu tawp a, chutah rangzetin chu Indianpa hrei pailai chu chhuhsakin a ke chu a malpuiah takmai a chehbunsak ta hmiah mai a, an ri ta tengtung mai a ni.

Johnsona hi palian leh chak zet mai ani bawk a, amah vengtupa hrei a chhuhsak leh malpui bung chu hmangin(talhtum ang deuhin malpui bung chu a hmang a ni awm e) Blackfoot-ho lak atang chuan a tlanchhuak thei ta hlauh mai a ni.

A mi thahpa malpui bung chu paih ta mai lo chuan ramhnuaia a tlanbo na ah chuan keng ve zelin mel 320 zeta hla Del Gue cabin a panna kawngah chuan chawah a ring zui ta a(rum dangdai ve tak chu a ni).

A phuba lakna chu thahnemngai takin a chhunzawm leh nghal a, kum 20 dawn chu Crow Indian ho tan chuan mangchhia anih chhunzawm ta zel a. An that thei si lova, 'Johnson Thin-eia' kutah chuan an thi hnem ta lutuk mangang chuan palai tirin remna siampui an va dil ta ringawt mai a ni.

Thilpek tha tak tak an tawktarh bakah Crow hnamho chuan an hnam hotu pakhata a awmtur thu thlengin ngen takmeuhvin, dawl zawra zawrin Johnsona chu an va ngen ta a, ani pawh chuan a tawpah chuan remna siampui chu alo remti ve ta a.

Tichuan kum 20 chuang zet a ral hnu chuan mimal phuba lakna rapthlak ber mai pakhat chu alo tawp ta a ni.

Nb: (Post tawh anih leh nihloh pawh ka hrelo va, tawngkam thiamlo takin ka rawn post ve tawp mai, adminten min hriatthiam ka beisei).