THUHRETU TIHBAIAWM

HE THUZIAK AVANG HIAN COURT MIN KHIN TUM IN COMMENTS AH KHUAN MIN VAU A. HAN CHHIAR CHHIN LA KHAWNGAIH-IN COMMENT AH I NGAIHDAN HAN ZIAK VE TEH LE (Ka la ziak zel dawn).

THUHRETU “OBSESSION”. (Tualthattu Tihbaiawm).

He thu hi NANG a chhiartu duhtak leh midang te hriat leh chhiar theih tur hian ka chhuah ang nge ka chhuah lo ang tih hi ka inngaihtuah ve nasa hle ani. Tunthleng hian hlauhthawnna leh manganna nasa tak in kei ngei pawh hi min la man a. Amaherawh chu, ka thiannu Siampuii lehkhathawn ka dawn hnuhnung ber avang hian keimah mai chuan ka pai tlang zo ta bik lova, nang pawh in ilo chhiar ve avang leh i chhiar tur te avang pawh hian in ngaihdam ka dil lawk che a, buaina a hnuhluh ve hi ka duh vang ani bik lova, lohtheihlohna in min nang ve miau ani.

Thil awmzia chu hetiang hi ani: Vairama lehkha ka zirlai hian thian tha tak ka chhar a, a hming chu ka rawn tarlan ang khian Siampuii ani a, hmeltha in hausa hle mahse mi zaidam, nunnem leh fiamthu duh ve tak anih avangin kan zirpui vai ho pawh in an ngaina ve em em a. kan class te a inang piah lamah kan college ah chuan Mizo awmchhun kan nih avang in kan in close hle a, class ah pawh kan thu dun zel a, kan ngainat zawng te leh ngaihzawng te thleng in kan in hriatpui vek nghe nghe.

Tichuan, Mizorama kan rawn haw hnu ah pawh kan khua leh District te in ang lo mahsela chanchin tlangpui te chu kan inhrilh tawn ve reng thin a. Mahse nikum kum lai hawl vel atang khan a reh ta daih a, biak pawh ka tum pawh in min chhang ngai ta reng reng lova. kei pawh nupui fanau te nei a, mahni hna ah te ka buai ve em avang in inhmuh remchhang hun nghak in ka ngawih san ve ta mai bawk a.

Chutia ngaihtha tak ah ka awm lai chuan ka thu hriat chuan min deng na khawp mai; ka thiannu chu rilru buai (mi a) enkawlna ah a awm a, amah te a in tina (in sawisa) in a taksa leh vun te chu a duk tlek tluk a, damlo dang zing ah pawh thei awm lovin room hran ah dah hial a ngai ani awm e. Hlau nei tih hriat tak te hian a rak vak vak a, a chang leh che miah lovin a room kil ah te alo thu ngawi reng a, a in tifai ngai lova, taksa khawng vek leh meng phawk em em a khumhnuai atang a an chhar chhuah nawlh nawlh chang te pawh a awm thin ani. A cher em em a, a kuttin te a sei in a sam pawh a tlak nasat em avang in a kum aiin a lang upa hle a, a chang leh room chhung ah chuan a tlan kual vak vak thin avangin phuar beh a ngai hial thin ani. Dam lam aiin buai lam a pan telh telh a, beisei tur avang ta hle mai.

Kumin January thla khan tui em em mai a ka nupui fanau te bul ka mut lai in mumang maktak mai ka nei ta tlat mai a. Siampuii chu damtha tak leh a hma ang mai a hmeltha khan ka hmu a, hlim hmel tak hian ka mit ah tak min lo en chung hian a lekhathawn te chu lo chhiar a, awih(ring) tlat tur leh tun ah chuan dam takin a zalen tawh ani tih te min lo hrilh a, a bo leh ta mai a. mak ka ti in ka hrethiam lo em em mai a, mahse haider rual lohin a fiah em em si.

Tichuan, February thla tawp lam khan Siampuii nu hnen atang in thilfun(box) lian vaklo hi ka dawng hlawl mai a, uluk tak a ka hawn hnu chuan mak tak mai in Siampuii lehkhathawn sawm(10) vel lai hi alo ni reng mai a. Ka thiannu kutziak ngei ani tih pawh rei tak college ah pawh thu dun reng tawh kan nih avangin ka hre chiang em em a,‘a mi rin ber ka nih avang a lehkha pawh chu min rawn thawn anih thu te, a thiantha ber ka la nih reng zia te leh thu tamtak a in ziak a, a ziahni (date) a ziak tel zel bawk a.

Chung a lehkhathawn atang ringawt pawh chuan a nun chu hreawm atih zia leh a mangan zia te chu a hriat theih a, harsatna chuan kiansan ahnek in nitin zantin, a darkar tin mai chuan thuk zawk in a luhchilh ani tih pawh phat ruah loh in a chhiang ani. Heng a thu rawn ziah/thawn te hi a vai chuan ka rawn tarlang lo mai ang a, thil awmzia a lan na tur a pawimawh leh a ziahni (date) te chu a hnuai a tarlan ang hi ani:

Dt. 1st Sept.'13: “... vawiin chu ka hlau lutuk... thlarau i hmu ve tawh ngai em? Mihring ruangam ang chhiah ani, bangkil a ding in min rawn en kur asin!!... awi, ka rap lutuk... Doctor te hian an sawi dik aniang, ka a tak tak dawn a niang...”

Dt. 13th Sept.'13: “... Ramhuai hian min rawn tlawh thin asin... tuntum zet chu ka thidang mai dawn in ka hria.. a mitmeng leh a hmel rapthlak lutuk mai saw... min rawn nuih a sin... ka hmu duh tawh lo, ka hmu ngam tawh lo...”

Dt. 29th Nov.'13: “... ka au tuar tuar a tuman min hretiam si lo, engtik lai pawhin ka hlau ani... an aw te kha, phun ri ser ser chung in an inbe mawlh mawlh asin, an aw rapthlak zia chu!! Ka hria asin, fiah tak in ka hria asin... ka a thei tak tak mai dawn, ka va hreh tak emmm... awi! aw chu alo hnai telh telh, ka bul a lo theng dawn... Lalpa, min chhan lul rawhhh...”

Dt. 3rd Dec.'13: “... min kalsan an tum tawh lo... Doctor ten ka ban leh ka taksa duk leh pem te hi uluk takin a chhan min zawt a, khumtlang ah ka tauh palh ka ti a, a ni lo asin, min sawisakna ani, thudik ka hrilh chuan an awih dawn si lo... min hriat kha, ka zahawmna hmingchhal in ka sawi ani dawt ka sawi ngai loh kha... zahawmna ka nei ta lo anih hi, ka rilru a buai lo asin... ka taksa pum mai hi ana ani...”

Dt. 5th Dec.'13: “... Tunah chuan ka mumang thleng in min luhchilh ta, ka va rap tak em!!... ka a tak tak zawk em ni?... maimitchhin in awmzia a nei lo, ka meng ngam bawk si lo... a van mak em, ramhuai tihbaiawm, thlarau mai an ni lo em ni?...”

Dt. 30th Dec.'13: “...min pui ruuu... aw rapthlak ka hria, ka hlau .....”

Dt. 5th Feb.'14 : “ ... ka pawm ta ... min luhchilh ta... ka thih hma chuan an kal bo tawh lo ang...”

Dt. 6th Mar.'14: phon call ka dawng a;

-I dam tha em? Siampuii nu ka nia, biak lawk che ka duh ani.

-dam e,tehreng mai, siampuii engnge a an?

-Damdawi in room no X (no thup) ah khan a thi ta ani, mak tak ani, a rapthlak lutuk... i lehkha tur a dah a, ka rawn thawn mek kha. kan fanu kan chhan ta si a, kan hriat ve chi te anih a, rem i tih chuan min rawn hriattir ve rem ti hram ta che...

- tehreng mai (ka bing mup a, ka mittui a thla a, engmah ka sawi zawm thei ta lo).

Dt. 3rd Mar.'14: “... ka thih dawn ta mahse ka tan chuan zalenna ani... ka thih chuan heng thlarau rapthlak leh ramhuai te hian chhintawk nei miah lovin he chanchin engkim hretu ngei hi an luhchhilh ve dawn che ani, a chhan chu sawichhuak lo tur a ka thutiam ka bawhchhiat vang ani..... ka mangang em a, ka hlau em a min puih thei beisei in ka hrilh ta mai che anih kha, min ngaidam ang che, puih theih ka ni lo... damna a awm lo... tlanchhuahna tur a awm lo... hmuntin ah an awm ani... mahse, ka tawrh ang hi i tawrh ve ka phal thei lo ani... I tan himna tur kawng khat a awm- thuhretu dang siam la, a tamthei ang ber puangchhuak la, thehdarh rawh, a chhan chu.... awi !!!! sawifiahna hun ka nei tawh lo.... ka sawi ang chuan ti mai rawh !!!! ka va hreh tak em!!!!...”

Dt. PRESENT: Chhiartu duhtak, he chanchin lungngaihthlak tak hi chhiarlo in i kalpel thei reng asin mawle! Mahsela, tun ah chuan i chhiar ve miau avangin thuruk chu i hnen ah hlanchhawn ani a, engkim i hre ta a, thuhretu i lo ni ve ta!. I awih loh chuan nangma thu ani a, i himna pawh chutah chuan a innghat ani. I duh chuan he thu hi thehdarh ve in i himna tur i zawng thei a, i duh chuan i nghak thei bawk e. kei chuan engmah ka tiam thei lo che a pawi ka ti khawp mai. Mahse hriatchian em em ka neih chu THUHRETU I NI VE TA tih chauh hi ani a, AN NI PAWH IN TUN AH CHUAN AN HRE VE TAWH NGEI ANG CHE, i hun a in tan e!