LPG SUBSIDY LEH AIRTEL PAYMENT BANK

LPG SUBSIDY LEH AIRTEL PAYMENT BANK

- Muankima

@ facebook.com/kenny.muankima

Kan hre vek tawh ang chu ka ti a, vawiin thlengin hre lo kan lo la awm nawk mai a. Bank leh Service Provider lam hian thuchhuah an nei chiah lo nge vawiin thlenga buai kan la awm nual mai si a, tlaikhawhnuah kan share thar ve hluai ang e, hlawkpui a mual mual kan awm takin..

LPG Consumer tin hian kan detail ah kan bank detail kan thehlut tel a nih chuan kan bank account ah Gas Subsidy hi a lo lut mai țhin a. Hei hi chu a tlangpuiin kan hre deuh vek ngei ang. Kan lo la hre ve pek lo emaw, kan lo la tifel lo a nih palh hlauh chuan hei pawh hi mahni Gas Connection lâkna Branch a zawh chian vat a chi ang.

Mahse khami hnu khan Bank leh Service Provider lam ten Bank Account leh SIM Card te Aadhaar nena link tur an rawn ti ta chiah a. Hei tak hi mi tam tak kan buaina bul ințanna chu a lo ni ta a ni.

Miin Airtel SIM Card a hman a, chu SIM Card chu a LPG Consumer Contact No ah leh a Bank Account Holder Contact No ah a hman ve ve a, a Bank Account aia a SIM Card-ah Aadhaar a link hmasak chiah khan Subsidy luhna tur hi Bank Account ațangin Airtel Payment Bank ah hian a in transfer ta țhin a nih hmel. Hei hi chu sawi sel vak theih pawh a ni lo, Bank Account ve ve ang a nih avangin Aadhaar link hmasak zawk zawk kha Account nei tura tih tur țul felfai hmasa zawk a ni ta mai si a, chuvangin automatic in Subsidy luhna tur hi a lo in transfer mai niin a lang.

Airtel SIM Card leh Aadhaar kan link lai khan a tam zawkah Airtel Payment Bank Facility hi min tih tel tir a, chu a hnu hmanah a nihphung min la hrilhfiah tawk loh vang te pawh a tih theih ang.

Mahse chutiang vanga kan lo buai a nih pawhin thil buaithlak tak a ni lem lo ang. Bank leh LPG Provider te lamah zawhchian a, Bank Account leh Aadhaar kan link hnuah chuan Bank Account a lut tura chinfel leh mai theih a nih hmel.

Chutianga buai kual leh kan peih lo a nih pawhin kawng a la awmzel tho a nia.. A hnuaia mi ang hian:

1. MyAirtel Application - https://play.google.com/store/apps/details?id=com.myairtelapp hi PlayStore ațangin install la

2. Application kha hawngin Airtel Payment Bank ah khan i login dawn nia.

3. I Airtel Number kha i Airtel Payment Bank Account number a ni nghal a, guide anga i kal chuan OTP lo thleng kha chhu lutin Secret Code set ang che. (Account hi ka siamna a rei tawh avangin a indawt dan hi ka hre dik tawh lo mai thei a, mahse hemi behchhan hian i awlsam phah ngei tho ka ring)

4. I secret code kha chu tumah hriattir lo la, mahse theihnghilh tawh lo tura i vawngreng theih tur i hmang emaw theihnghilh palh a i en leh theih tura chiang taka chhinchhiah nachang hria ang che.

5. Tikhan kha application kaltlang khan i duh leh i bank account ah i transfer chhawng ang a. I duh leh top-up thunna atan i hmang ang a. Online Shopping Site țhenkhatah pawh i hmang thei bawk ang.

Kan hriat tel atana țha chu Airtel Paymeny Bank hi a Interest a flactuate reng nain kan Bank dawr phak ho ai hian a sang zawk emaw ni chu aw ka ti țhin. Ka chiang fak ngam bik lo nain..

English i thiam loh vanga a manage dan i hre lo a nih pawhin English thiam pan mai la, mahse i payment account a login dawn lai emaw i secret code chhut luh dawn lai tak khan mobile la sawnin tuma hmuh loh turin i login zuai zel mai dawn nia. Tichuan an khawih dan en khan i mitin a vawng thuai thei mai ang.

Tihian kan fiah phah deuh ringin i duhtawk leh phawt mai ang. Youtube lamah pawh tutorial a awm nual bawk kha aw..

Hetiang hmangchang dang i lo hriatbelh ve zel duh chuan 💁 facebook.com/hmangchang.blog hi LIKE satliah mai lovin lo SUBSCRIBE ve ngei nâng che!

Zan hun hman nuam vek u.. 🙋