Holy Bible A Ei Bakah A Hal Bawk

A thil tih hma a ngai viauin ka ring. Inchhir in awmzia a nei tawh bawk si lo. A chunga thil thleng rapthlak tak hi chhiar ve rawh le! 

Iraq leh Syria’s rama Christiante chuan an Christian pui ringtharte lo chhiar atan tiin Holy Bible chu an rukin an sem. Muslim ram anih avangin man theih anih baka an ram danin a phal lo bawk. Mahse, Christian te chuan hlau chung chungin an thawn kual ve a ni. He thil hi Syria’s rama thil thleng a ni. 

Christian te Bible chu car pakhatin an phura vanduai thlak takin ISIS te chuan an lo man. Bible an man zawng zawng hi bu 800 vel niin thulakna chuan a sawi.Bible phurtu driver leh a zuitu mi pahnih chu ISIS in an kap hlum nghala an man tak Bible chu ISIS member zinga “Abdul Rashid kum 28 mi chuan a pawtthlera a ei bawk a ni. Chu mai ni lovin meiah a hal bawk. Midang pawhin an hal mahse, Bible hi a mah chauhin a ei. 

Tichuan, zanriah chu ei turin a kut a sila a ei theita reng reng lo. Ka lei a na lutuk, ka lei a na lutuk tiin a au a. A țhiante chuan a lei an han ensak chu thlalaka kan hmuh ang hian a kak/hik a ni. Tui tih loh chu eng thil mah a ei thei lo.Damdawi inah an kalpuia Doctor te chuan damdawi an lo pek. An damdawi pek a ei leh a lei hi a zual telh telha.Damdawi pawh chu ei chhunzawm ngam tawh lovin a awm. Nitin mai hian a lei chu a zual zela zawi zawiin a lei hi a ral a ni. Tui tih loh eng thilmah a ei theih loh avangin a taksain a tuar tawh lova ni 15 naah a boral tih hriat a ni. 

A thih dawn hian a ISIS puite hnenah thu a chah. Khawngaih takin Christiante Bible hi lo hal tawh lo ula, keimah angin lo ei bawk hek suh u. An Pathian hian thil engkin a ti theia a hlauhawm em mai. Ka thil tihah ka in chhir tak meuh a ni’ tiin a ISIS puite thu a chah hnu second rei lovah a chatthla nghal.

Nikum 2017 kum tawp lama thil thleng tawh kha a ni’a. Hei vang nge ni dawn tun thleng hian ISIS in Bible an hal thu hriat a la ni rih lo. Pathian thu chu a nunga thil a ti thei; khandaih hriam tawn eng ang ai pawhin a hriam zawk si a.

C/p